Taci mbetet në burg. Avokatët: U shkelën parimet kushtetuese

TIRANE- Avokatët e Tacit: Gjykata shkeli parimet kushtetuese
Pas refuzimit nga ana e gjykatës të garancisë pasurore prej 100 mijë eurosh në këmbim të një mase sigurie më të lehtë se ajo e arrestit me burg për biznesmenin Rezart Taci, ka ardhur reagimi publik i avokatëve të këtij të fundit.

Përmes një deklarate për mediat, avokatët Maksim Haxhia e Artan Hajdari kanë shprehur keqardhje për mënyrën se si po trajtohet rasti ndaj presidentit të Taci Oil, Rezart Taci.

Sipas akokatëve , segmente të caktuara mediatike kanë ndikuar në vendimin e sotëm të gjykatës, ndërsa shprehen se klienti i tyre i është përgjigjur në mënyrë vullnetare vendimit të gjykatës.

Avokatët pretendojnë se në procesin e vlerësimit të masës së sigurisë, u shkelën haptazi parimet kushtetuese dhe ligjore që garantojnë të drejtat dhe interesat e individit në një proces penal. Avokatët kërkojnë nga mediat pasqyrim real të këtij konflikti duke lënë drejtësinë të gjykojë me ftohtësi dhe paanësi bazuar në ligj.

Gjykata e Shkallës së Parë e Tiranës i komunikoi sot masën e sigurisë presidentit të kompanisë Taci Oil. Rezart Taci udenoncua nga gazetari Mero Baze, për dhunën e ushtruar ndaj tij në orët e vona të mbrëmjes së të hënës në një lokal në zonën e ish-Bllokut në Tiranë. Taci akuzohet për "goditje për shkak të detyrës, në bashkëpunim".

Taci në burg, Gjykata refuzon 100 mijë euro garanci
Gjykata e Shkallës së Parë e Tiranës i komunikoi sot masën e sigurisë presidentit të kompanisë Taci Oil. Rezart Taci u denoncua nga gazetari Mero Baze, për dhunën e ushtruar ndaj tij në orët e vona të mbrëmjes së të hënës në një lokal në zonën e ish-Bllokut në Tiranë.

Vetë biznesmeni i njohur Rezart Taci ka qenë i pranishëm në seancën e gjykimit ku shoqërohej nga dy avokatë mbrojtës.

Mësohet se gjyqtarja Fahrie Hado nuk ka pranuar garancinë pasurore prej 100 mijë eurosh që ishte ofruar në këmbim të një mase sigurie më të lehtë se ajo e arrestit me burg.

Sipas vendimit të sotëm Rezart Taci do të qëndrojë në qeli deri në një proces të dytë gjyqësor mbi vlerësimin e masës së sigurisë ndaj tij.
Presidenti i kompanisë Taci Oil u vetëdorëzua në polici të enjten pasdite i shoqëruar nga avokatët Maksim Haxhia dhe Artan Hajdari.

Taci akuzohet për "goditje për shkak të detyrës, në bashkëpunim". dhe ishte siguruar në ambientet e izolimit të Drejtorisë së Policisë së Tiranës. Po të enjten gjyqtarja Fahrie Budo, në një seancë me dyer të mbyllura kishte pranuar arsyetimin e prokurorit të çështjes, duke vendosur masën e arrestit me burg pa afat në mungesë për Taçin. Në arrest me burg janë dhe dy truprojet e tij, që u përfshinë në sherr, Blerad Liro dhe Yrgen Selfo.