Populli më i lumtur në botë është ai i Amerikano Latinëve, ja edhe se ku renditen shqipetaret

Një nga organizatat më të fuqishme të sondazheve, Gallup, i ka dhënë përgjigje pyetjes se cilët janë njerëzit më të lumtur në botë. Sipas tij, populli më i lumtur në botë është ai i Amerikano Latinëve.

Ky është një sondazh që kryhet prej dhjetë vitesh dhe për herë të parë vendet e Amerikës Latine, dominojnë dhjetë vendet e para. Përvoja tregon se kjo popullsi reflekton më shumë ndjenja pozitive në punë, shkollë, familje dhe shoqëri. Listën e kryeson Paraguaji me 89 pikë, i ndjekur me pikë të barabarta, 84 nga Kolumbia dhe Ekuadori.

Në anketimin e kryer për Ditën Ndërkombëtare të Lumturisë, u sonduan 143 vende të botës. 70 përqind e të intervistuarve pohuan se gjatë pyetësorit ata përjetuan momente të gëzueshme, u ndien të qetë dhe të respektuar, ndërsa 50 përqind e tyre, ishin më pak entuziastë.

Sipas këtij sondazhi, shqiptarët janë të 102 – ët me 63 pikë, pesë pikë më shumë të lumtur se shqiptarët e Kosovës me 58. Surprizë është Afganistani. Edhe pse një vend në konflikt të vazhdueshëm, afganët nuk e kanë humbur shpirtin njerëzor, duke gjetur gëzimin qoftë edhe në një pyetësorë me pesë pyetje të thjeshta, si për shembull keni qeshur shumë dje apo çfarë është lumturi për ju?

Ndërkohë vendet të cilët raportojnë më pak ndjenja lumturie janë në Lindjen e Mesme dhe Afrikën e Veriut. Më pak të lumturit janë turqit me 54 pikë, tunizianët me 52 dhe të fundit sudanezët me 47 pikë.

Nga ky sondazh mund të mësojmë shumë edhe pse vendet e Amerikës Latine nuk jetojnë në kushte të mira ekonomike, ata e gjejnë lumturinë te thjeshtësia.