GJROKASTER SHEMBET PALLATI TRE PERSONA NEN RRENOJA

Ekipet e specializuara nuk kane arritur ende te nxjerrin nga rrenojat tre personat e mbetur aty pas shembjes se pallatit. Me kalimin e kohes edhe shpresat se mund te gjenden gjalle veniten, megjithate nga shenjat qe jep qeni ata mund te kene ende frymemarrje. Kujtojme qe nen rrenoja jane ende Valbona Dalani 35 vjeçe dhe e bija Anxhela Dalani 13 vjeçe. Gjithashtu edhe Parashqevi Zoto 68 vjeçe.


Burime nga Gjirokastra bejne te ditur, se kerkimet vazhdojne me intesitet edhe me renien e nates. Vendi eshte ndriçuar nga projektore, gje qe lejon ekipin te vazhdoje kerkimet per tre trupat e bllokuar nen rrenoja qe prej ores 12 te dites se sotme.

Nuk dihet asgjë për fatin e tre personave nën rrenoja

Ora 19:57

Rama në Gjirokastër: ngjarje e paprecedentë

Në tragjedinë e ndodhur sot në Vlorë nuk ka munguar edhe kreu i opozitës, Edi Rama. Ai e ka komentuar si tepër të rëndë situatën atje, ndërkohë që ngjarjen e konsideroi si të paprecedentë. Fillimisht Rama ka takuar specialistët që ndodhen tek rrënojat e pallatit, me të cilët ka konsultuar situatën. Rama tha se operacionet e shpëtimit duhen përgëzuar ndërkohë që pas normalizimit të situatës ai tha se duhet të dalin para përgjegjësisë personat që e kanë shkaktuar këtë tragjedi.

Ndërkohë mësohet se Kryeministri Berisha dhe të gjithë qeveritarët e tjerë që kanë qenë sot në Gjirokastër, janë larguar me helikopter.


Ora 19:23

Vazhdojnë përpjekjet intensive për gjetjen e tre personave të mbetur nën rrënojat e pallatit, të shembur ditën e sotme në Gjirokastër. Prefekti Spiro Ksera ka bërë të ditur se në vendngjarje ndodhet një ekip i specializuar, i ardhur nga Greqia dhe falë tyre është lokalizuar vendi ku mund të ndodhen të tre personat. “Procesi është i vështirë, por nga të dhënat e marra nga qeni i kufirit i ardhur nga Greqia, personat kanë frymëmarrje, kështu që shpresojmë të dalin të gjallë”- tha Ksera

Ora 19:00

Jane lokalizuar personat e mbetur nen rrenoja. Prefekti i Gjirokastres, Spiro Ksera ka bere te ditur se eshte lokalizuar vendi ku ndodhen tre personat e mbetur nen rrenoja pas shembjes se pallatit 4 katesh. Ai tha se shpresojme qe specialistet ti nxjerrin ata te gjalle nga rrenojat, megjithese deri tani nuk eshte dukur asnje shenje jete.

Shkon në 12 numri i te shoqeruarve ne polici.

Ka shkuar ne 12 numri i te shoqeruarve ne polici diten e sotme, te akuzuar si shkaktare te tragjedise se ndodhur ne Gjirokaster. Nga punimet qe beheshin per nje ndertese, jane demtuar themelet e pallatit tjeter qe ndodhej me siper, duke e kthyer situaten ne nje tragjedi. Si rezultat policia ka shoqeruar sot 12 persona ne polici, midis te cileve edhe projektuesit e firmës ‘Arti’ sh.p.k, Njazi Çobani e Luan Bufi, te cilet u kapen ne Kakavie, duke tentuar per te kaluar kufirin.

Ora 18:46

Identifikohen emrat e personave te mbetur nen rrenoja

Jane identifikuar emrat e personave qe ndodhen ende nen rrenojat e pallatit te Gjirokastres. Keshtu sipas deshmise se kreut te familjes Dalani, gruaja e tij, Valbona Dalani 35 vjeçe dhe e bija Anxhela Dalani 13 vjeçe ndodhen ende nen rrenoja. Nderkohe nen rrenoja ndodhet edhe Parashqevi Zoto 68 vjeçe. Kerkimet per nxjerrjen e tyre po vazhdojne me intesitet te plote, dhe specialistet jane shprehur se nese nuk gjenden kerkimet do te vazhdojne gjate gjithe nates me makineri te posacme qe kane ardhur edhe nga Janina.

Ora 18:08

Të dëmtuarit e tragjedisë të pakënaqur nga ndihma e dhënë

Fatkeqët e ngelur pa shtëpi ditën e sotme pas shembjes së pallatit të tyre, janë shprehur të pakënaqur nga ndihma e dhënë nga autoritetet bashkiake dhe qeveria. Kreu i familjes Braha, njërës prej familjeve është shprehur në telefon për News 24 se nuk kanë marrë asnjë ndihmë, dhe se familja e tij e cila i ka shpëtuar mrekullisht tragjedisë është akomoduar te të afërm të tij. Ndërkohë në intervistat e dhëna kryeministri i vendit, Sali Berisha, prefekti i Gjirokastrës Spiro Ksera, dhe shef i emergjencave civile
Alfred Olli, janë shprehur se në ndihmë të të dëmtuarve janë bërë gati hotele dhe vende të posaçme për akomodim.

Banoret nderkohe jane shprehur te indinjuar per kete qe ndodhi sot. Ne lidhjet e njepasnjeshme telefonike per News 24 ata thane se duhej te ishin marre masat per te parandaluar kete tragjedi. Gjithashtu banore te pallatit jane shprehur se ne kohen kur punohej per pallatin e ri poshte themeleve te tyre, degjoheshin dridhje te medha.

Pallati sot eshte shembur njesoj si termet - shoqeruar me re tymi dhe panik te madh. Ky eshte pershkrimi qe kane bere personat e ndodhur sot ne vendngjarje ne kohen e shembjes.

Ksera ka siguruar se kerkimet per 3 personat e mbetur nen rrenoja do te vazhdojne gjate gjithe nates.

Zedhenesi i ministrise se brendshme Fatmir Konja tha se jane rreth 20 apartamente qe jane rrenuar nderkohe qe ne rrezik eshte edhe pjesa tjeter e pallatit.

Ministria e Shëndetësisë, Godo në Gjirokastër

Mësohet gjithashtu se vonë në mbasdite në Gjirokastër ka mbërritur edhe Minsitria e Shëndetësisë, Anila Godo, e cila ka vizituar në fillim të plagosurën Leonora Sinani, në spitalin e Gjirokastrës. Më vonë ajo ka shkuar në vendngjarje dhe në intervistën e dhënë për News 24 është shprehur se në ndihmë të të plagosurve dhe familjarëve të tyre do të vijë një ekip i specializuar mjekësh dhe psikologësh.


Ora17:30

Shoqerohen ne polici 9 persona

Pas tragjedisë së ndodhur sot në Gjirokastër, mësohet se në polici janë shoqëruar 9 persona, shtatë prej të cilëve janë inxhinierë dhe projektues të firmës që ka ndërtuar pallatin. Ndërkohë njëri është punëtor skrapi dhe tjetri ish-punonjës hipoteke që ka dhënë leje për ndërtimin e pallatit që shkaktoi tragjedinë e sotme.
Policia nuk konfirmon identitetin e të arrestuarve.

Ora 15:54

Fillojnë kërkimet për tre personat e mbetur nën rrënoja

Kanë mbërritur në vendngjarje makineritë të cilat do të kërkojnë nën rrënoja për tre personat që mendohet të kanë ngelur pas shembjes së pallatit në Gjirokastër. Në vendngjarje kanë mbërritur gjithashtu specialistë nga Janina të cilët kanë me vete edhe një qen kufiri, për të lokalizuar sa më shpejt vendndodhjen e njerëzve. Kërkimet për tre personat kanë rifilluar pas një ore pezullimi. Kjo, pasi, një gabim i bërë mund të çojë në rrëzimin e pjesës tjetër të pallatit i cili ishte lëkundur pas ndërhyrjes së makinerive.
Nën rrënoja ndodhet një grua me vajzën e saj 12 vjeçare. Faktin e ka konfirmuar vetë, babai i familjes. Ndërkohë mendohet gjithashtu që nën rrënoja të jetë edhe trupi i një gruaje 52-vjeçare.

Drejtori i spitalit të Gjirokastrës, Nikolla Zhulla, ka konfirmuar se në spital ndodhet aktualisht vetëm një grua 50 vjeçare, jashtë rrezikut për jetën. Ndërkohë janë trajtuar edhe katër persona të tjerë për plagosje të lehta.


Ora 15:33

TIA: Shqipëria kaos ndërtimesh pa kriter

Transparency International Albania ka reaguar pas tragjedisë së ndodhur në Gjirokastër. Sipas tyre në Shqipëri ekziston një kaos ndërtimesh pa kriter dhe pasojat kanë filluar të ndihen tani. “Kaosi i ndërtimeve ka ardhur pas korrupsionit që ka mbërthyer pushtetarët”- thotë në deklaratën e saj TIA.


Ora: 14:30: Ndalohen shkaktarët e tragjedisë. Njëri tentoi të arratisej
Ministria e Brendshme konfirmoi se deri nw orwn 14:00 është bërë i mundur evakuimi i 15 banorëve, 4 prej të cilëve janë hequr nga rrënojat. Në një konferencë për shtyp posaqërisht për këtë ngjarje të rëndë, zëdhënësi i kësaj ministrie Fatmir Konja konfirmoi se nga hetimet paraprake mendohet që ngjarja të jetë shkaktuar si rezultat i punimeve që po kryheshin në afërsi të këtij pallati banimi, në lagjen “11 janari”, si pasojë e të cilave është shkaktuar rrëshqitja e dheut nën themelet e pallatit. Policia ka shoqëruar drejtuesit e punimeve të firmës “Arti shpk”, të cilët po punonin për ndërtimin pallatit. “Njëri prej tyre është ndaluar në afërsi të pikës së kalimit kufitar Kakavijë, në tentativë për t’u larguar nga Shqipëria”- tha zëdhënësi i Ministrisë së Brendshme, Konja.

Spitali i Girokastrës: Rezerva gjaku dhe specialistë nga Tirana

Ora 14:00 Spitali i Gjirokastrës është vënë në gadishmëri. Rreth orës 13: 40 drejtori i spitalit të Gjirokastrës Nikolla Zhullai tha se në spital janë paraqitur 4 persona dy gra dhe dy fëmijë. Vetë Ministria e Shëndetësisë Anila Godo ndodhet në vendngjarje për të ndjekur situatën nga afër. Rezerva gjaku kanë mbërritur në spitalin e Gjirokastrës nga Tepelena dhe Përmeti, si dhe me ndihmën e helikopterit kanë mbërritur në Gjirokastër nga Tirana dhe personel i specializuar. Dhjetë ambulanca ndodhen në vendngjarje.


Ruli: Tre persona nën rrënoja, 20 janë evakuar

Ora 14:00- Ministri i Ekonomisë Tregtisë dhe Energjetikës, Genc Ruli, deputet i Gjirokastrës ka mbërritur me helikopter nga Tirana në vendngjarje rreth orës 13. 45 minuta. Në një prononcim telefonik për tv NEËS 24 Ruli konfirmoi se: “Tre persona mund të jenë nën rrënoja , mes tyre një grua me fëmijën e saj. Aktualisht janë evakuar 20 persona, nga pjesa e pallatit të shembur si dhe nga rrënojat”. Deputeti i Gjirokastrës uy shpreh se nuk mendohet se përvec këtyre 3 personave mund të ketë banorë të tjerë të cilët mund të kenë ngelur nën rrënoja.
Rreth orës 14:00 në vendngjarje ka mbërritur dhe kryeministri Berisha. Si dhe pranë pallatit të shembur për të ndjekur nga afër operacionin e kërkimit mbërriti edhe Drejtori i Përgjithshëm i Policisë Ahmet Premci, zëvëndës ministri i Brendshëm Ferdinand Pone. Prekfeti i Gjirokastrës Spiro Ksera, Drejtori e Përgjithshëm i Emergjencave Alfred Olli sio dhe zyrtarë të tjerë të lartë.

Ekip shpëtimi nga Janina drejt Gjirokastrës, 10 persona evakuohen

Ora 13: 30 Ora 13: 30 Një ekip shpëtimi prej 7 personash është nisur nga Janina në drejtim të Gjirokastrës për t’iu bashkuar ekipit të shpëtimit për t’i ardhur në ndihmë personave që ndodhen nën rrënoja. Zëdhënësi i policisë së Gjirokastrës Genc Mullai konfirmoi se 10 persona janë evakuuar nga pjesa e pallatit e cila nuk është shembur. Nga shembja është bllokuar edhe hyrja e pallatit dhe ekipet e shpëtimit kanë bërë të mundur evakuimin e tyre nga dritarja. Nga të evokuarit 2 persona janë lënduar lehtë por jashtë rrezikut për jetën.
Zëdhënësi i policisë konfirmon se po kërkohen persona që mund të ndodhen nën rrënoja.

Policia pezullon operacionin e evakuimit

Ora 13:00- Ekipet e shpëtimit kanë pezulluar për momentin operacionin e shpëtim kërkimit nën rrënojat e pallatit, pasi rrezikohet të shembet dhe pjesa e pallatit e cila ka mbetur në këmbë. Sipas dëshmive nga vendngjarja, në këtë pjesë të pallatit ndihen lëkundje sapo fillohet të lëvizin rrënojat. Ekipet e shpëtimit thonë se dëgjojnë zëra njerëzish poshtë rrënojave. Deri tani janë nxjerrë nga rrënojat 11 persona, ndërsa 9 persona rezultojnë të humbur. Policia ka evakuuar banorët përreth pallatit, ndërkohë forca speciale nga Tirana janë nisur në drejtim të Gjirokastrës

Shembet pallati, 5 banorë i mungojnë apelit

Ora 12:12 - Një pallat 5-katësh i ndërtuar pas viteve ’90 në lagjen “11 janari” në qytetin e Gjirokastrës është shembur sot rreth orës 11.45 minuta. Forca të policisë së Gjirokastrës, forcat zjarrifikëse dhe ambulancat ndodhen në vendngjarje për të dhënë ndihmën e shpejtë. Deri tani nga rrënojat janë nxjerrë 10 banorë, mes tyre një grua, një fëmijë 5 vjecar, dhe babë e bir. Të plagosurit janë dërguar urgjentisht në spitalin e Gjirokastrës ku po u jepet dhe ndihma e shpejtë.

Sipas policisë në pallat mendohet se banonin 20 familje dhe nën rrënojat e pallatit mund të ketë edhe persona të tjerë. Të dhënat e para të policisë, të cilat bazohen në dëshmitë e banorëve të pallatit të rrëzuar, flasin për 5 persona që i mungojnë apelit të familjarëve dhe dyshohet se mund të jenë nën rrënojat e pallatit. Mes “të humburve” është dhe një vajzë 8 vjecare, një e moshuar, një nënë me fëmijën e saj dhe një cift bashkëshortësh.

Pallati është ndërtuar sipër një kodre në lagjen “11 janari“ të qytetit të gurtë dhe dyshohet se ndërtimi i një pallati në pjesën e poshtme të kësaj kodre mund të ketë shkaktuar dhe rrëshkitjen e dheut. Banorët dëshmuan për korrespondenten e NEW24 se edhe në ditët e kaluara në pallat ishin ndjerë shumë lëkundje, ndërsa punohej në ndërtesën poshtë kodrës. Madje një banor u shpreh se dje kishte vënë re një carje në hyrje të pallatit.

Sipas korrespondentes së NEWS 24, në Gjirokastër pallati është shembur pjesërisht, dhe në pjesën e pashembur vërehen krisje. Policia ka nisur operacionin e evakuimit të banorët që ndodhen në këtë pjesë të pallatit, të cilët janë në panik dhe të terrorizuar. Operacioni i forcave të policisë dhe zjarrfikëseve është përqëndruar edhe në kërkimet e njerëzve që ndodhen nën rrënoja.
(BalkanWeb)