Flet tekniku qe parashikoi termetin

nga **NEO** 2009-04-06, 14:28

ROMA - Giampaolo Giuliani, është tekniku që u akuzua për përhapje
paniku pasi parashikoi se një tërmet i fuqishëm do të godiste zonën e
Akuilas. Tekniku i kërkimit pranë laboratori kombëtar në Gran Sasso u
intervistua më 24 Mars ku tregoi se ka një sistem me aparate që mund të
parashikojë tërmetet. Sipas sistemit të tij një tërmet i madh do të
godiste zonën e Aquilas më 29 Mars. Ai kishte paralajmëruar se
instalimi i këtyre aparateve për tërmetin edhe në Akuila do të kishte
garantuar parlajmërimin në kohë të tërmeteve. Për shkak të këtyre
deklaratave u hap një një debat i madh, ku u vu në pikëpyetje aftësia e
qëndrave sizmiologe për të parashikuar tërmetet. Sipas përfaqësuesve të
qëndrave, nuk mund të parashikohen tërmete të këtyre përmasave. Por,
sipas Giulianit, perkursori sizmik mund të lajmërojë ardhjen e tërmetit
në një kohë prej 6 deri në 24 orë përpara.

Por, shefi i
mbrojtjes civile Guido Bertolaso, shpërtheu më 31 mars kundër “ të
gjithëve atyre budallenjve që përhapin lajme false” duke kërkuar për ta
edhe ndëshkim. Mes këtyre “budallenjve” ishte edhe Giuliani, teknik
kërkimi pranë laboratori kombëtar në Gran Sasso që prej një muaji
kishte paralajmëruar për tërmetin që do të godiste Abrucon që kishte
paralajmëruar se më 29 Mars, zona do të tronditej nga një tërmet i
fuqishëm. Giuliani u akuzua për përhapje paniku. Bertolaso theksoi se “
e finë të gjithë që tërmetet nuk mund të parashikohen”. Por, Giuliani
pak orë pas dramës thotë “ nuk është e vërtetë, unë e parashikova
tërmetin”.

«Është rreziku që nesër mund të më fusin edhe në
burg. Por unë sërish përsëris, nuk është e vërtetë që tërmetet nuk mudn
të parashikohen. Kemi 10 vjet që ne arrijmë të parashikojmë vente të
këtyre tipeve në një distancë prej 100-150 km nga qëndra jonë. Kishim
tre ditë që ndienim një rritje të radonit jashtë zonës së sigurisë. Dhe
rritjet e radonit paralajëmrojnë për tërmete të forta. Këtë natë
sizmografi tregonte se një tërmet i fortë do godiste zonën. Dhe në fakt
jetuam të gjithë natën më të tmerrshme të jetës sonë, edhe unë e jetova
këtë.... Këta shkencëtarë të vjetruar e dinë që tërmetet mund të
parashikohen”, rrëfen Giuliani pas tragjedisë që goditi Akuilan.