Shkenca: Ja pse europianët kanë lëkurë të bardhë

Dihet që Europa është vendi i njerëzve me lëkurë të bardhë dhe në të, thuajse asnjë popullsi e asnjë shteti nuk e ka karakteristike apo të dallueshme lindjen e personave me ngjyrën e lëkurës të zezë apo të verdhë siç ndodh në kontinente të tjera si Amerika, Azia apo Afrika.

Sipas revistës "Sience", lëkura e bardhë e europianëve është zhvilluar gjatë 8 mijë viteve të fundit, pasi antropologjikisht ata nuk kanë pasur përherë këtë ngjyrë lëkure.

Në revistë pohohet se emigrantët e parë që shtegtuan nga Afrika në Europë rreth 40 mijë vite më parë, kishin lëkurën e errët për shkak të jetesës së tyre në zonën e rrahur nga dielli në hemisferën jugore.

Emigrantët e mëvonshëm, të cilët mbërritën në Europë rreth 8 mijë vite më parë, u vendosën në pjesën veriore të kontinentit, ku lëkura e tyre nisi të pësonte depigmentin, pra humbjen e pigmentit që i jep lëkurës ngjyrën e errët.

Në momentin që ky grup i popullsisë nis të përzihej mes tyre, filluan të krijoheshin humanët me lëkurë të bardhë, flokë të verdhë dhe sy blu.