ITALI GJENDET E MBYTUR NJE VAJZE SHQIPTARE

Gjendet e mbytur në liqenin e Gardës në Itali një 20 vjeçare shqiptare, studente në Brescia të Italisë. Studentja, emri i së cilës ende nuk bëhet i ditur, është nxjerrë nga uji nga karabinierët italianë të cilët ishin lajmëruar nga kalimtarë se kishin parë trupin e pajetë të një vajze. Sipas dëshmisë së një kalimtareje ajo kishte parë studenten rreth orës 14:00 të së mërkurës të ulur në plazh. Gruaja ka pasur ndjesinë se 20 vjeçarja nuk ndjehej mirë por shqetësimit të saj vajza nuk i është përgjigjur duke u larguar pa i thënë asnjë fjalë. Pak pas këtij momenti, rreth orës 14:45 minuta karabinierët morën njoftimin për studenten e mbytur. Në breg të liqenit në një vend disi më të veçuar nga plazhi i frekuentuar nga njerëz, janë gjetur rrobat që ajo mbante veshur dhe çanta me dokumentet e saj. Policia pohon se në trupin e vajzës nuk është konstatuar asnjë shenjë dhune por kjo nuk e përjashton mundësinë e një vrasjeje. Policia që po heton ngjarjen ka ngritur si hipotezë edhe vetëmbytjen. Sipas policisë vajza mund të ketë përdorur ndonjë substancë narkotike e nën efektin e saj është zhveshur e tëra e më pas është vetëmbytur. Trupi i saj është dërguar në morg ku priten të dalin edhe përgjigjet e analizave të autopsisë të cilat do të mund të zbardhin ngjarjen.

UA SA GJYNAF PO ME VJEN...KUR DEGJOJ PER KTA STUDENTET JASHTE SHTETIT(IT) ME RENQETHET MISHI...