KAKAVIJE RADHE TE GJATA EMIGRANTESH

GJIROKASTER- Radhë të gjata janë përsëritur në pikën kufitare të Kakavijës në Gjirokastës. Sërish problemet janë konstatuar në tokën greke, ku vargu i makinave të emigrantëve shqiptarë që duan të kthehen në atdhe, në orët e para të mëngjesit, ka arritur deri në 5 km. Problemet përsiten një ditë pasi Drejtori i Pergjithshëm i Policisë së Shtetit Ahmet Prenci dhe zëvendësministri i Brendshëm Gent Strazimiri inspektoi doganën e Kakavijës me qëllim krijimin e kushteve lehtësuese për lëvizjen pa probleme të emigrantëve që vijnë për pushime ne atdhe. Në një kohë kur fluksi i emigrantëve, (si cdo vit në këtë kohë) rritet shumë pala greke ka punuar gjatë natës vetëm me një sportel. Sipas korrespondentit të NEWS24 radhët kanë filluar që nga ora 02. 00 e mëngjesit të sotëm dhe kanë shkuar deri në 2 km, ndërsa situata është qetësuar rreth orës 09:00 kohë kur në doganën greke u hap dhe një tjetër sportel. Edhe pse policia jonë ka mbajtur kontakte të shpeshta me homologët për të zgjidhur situatën, gjendja mbetet po ajo. Pala greke, nuk merr asnjë masë por kërkon që shtetasit shqiptar të zgjedhin pika të tjera kalimi për në Shqipëri duke evituar fluksin në një pikë të vetme si ajo e Kakavijës.