DURRES EKZEKUTOHET ME ARME ZJARRI NJE 37 VJECAR

DURRËS – Një atentat mafioz është realizuar në orët e pasdites ndaj Arian Saliut. Persona me motor kanë ekzekutuar me armë në Spitallë të Durrësit, vëllanë e Klodian Saliut, një prej eksponentëve kryesore të “Bandës së Durrësit”, ky i fundit ekzekutuar vite më parë. Arian Saliu u qëllua para lokalit të tij së bashku me Denis Hoxhën, nga persona të cilët ende nuk janë arrestuar por që po kërkohen nga policia. Arian Saliu është dërguar me urgjencë në spital në gjendje tepër të rëndë shëndetësore, por vetëm pak kohë më vonë ai ka humbur jetën. Ndërkohë i plagosuri tjetër Denis Hoxha ka marrë plagë të lehta pa rrezik për jetën.Ngjarja ka ndodhur rreth orës 16:30 në zonën mes Drejtorisë së Policisë dhe lagjes Spitallë ndërsa të dhënat paraprake tregojnë se Arian Saliu është qëlluar me një armë automatike. Viktima 37-vjeçar ishte duke zbritur nga makina ku ndodhej bashkë me një person tjetër, kur është qëlluar nga disa plumba. Ekspertiza tregoi se në trup i janë gjetur katër plumba të cilat më pas i kanë shkaktuar edhe vdekjen.Vetëm një vit më parë u ekzekutua një tjetër vëllai i Klodian Saliut, Ndriçimi Saliu.Kilodian Saliu njihet si një nga miqtë dhe më pas armiqtë e Lulzim Berishës. Dyshohet që atentati ndaj të vëllait Arianit të jetë kryer nga anëtarë të tjerë të bandës që shijojnë lirinë.




















(a.s/Balkanweb)