BERAT VDES NJE FEMIJE E PLAGOSEN TRE VETE MORI FLAKE AUTOBOT

BERAT-Nje autobot me gaz që mori flakë në mesdite shkaktoi një të vdekur dhe 3 të plagosur rëndë. Ngjarja e rëndë ndodhi rreth orës 11:30 minuta në fshatin Lapardha të Beratit, kur një autobot i ngarkuar me gaz mori flakë papritur në momentin që furnizonte një pikë gazi në këtë fshat. Si pasojë shpërtheu edhe pika e gazit që merrte furnizim nga autoboti. Pika e gazita ndodhej në një zonë të banuar. Nga flakët e përhapura me shpejtësi gjeti vdekjen fëmija A.Cani, 9 vjec, e cila në momentin e shpërthimit ndodhej në pikën pikën e gazit. Të plagosur mbetën dhe tre persona të tjerë, konkretisht, Beqar e Suzana Cani, pronarë të pikës së gazit dhe njëkohësisht prindër të vogëlushes që gjeti vdekjen si pasojëe shpërthimit. Po ashtu, i plagosur mbeti edhe shoferi i autobotit, Dashamir Aga. Ndërhyrja e një efektivi policie, i cili mori autobotin në flakë dhe e drejtoi jashtë fshatit ka shmangur zgjerimin e tragjedisë. Autoboti vazhdoi të digjej jashtë fshatit pa rrezikur jetën e banorëve. Dëshmitarët thonë se ndërhyrja e efektivit në ngjarjen e rëndë shmangu një katastrofë të vërtetë që do mund të ndodhte në fshatin e Lapardhasë nëse autoboti do të kishte shpërthyer në djegje e sipër. Ndërkohë, të plagosurit u dërguan ne spitalin rajonal të Beratit. Mjekët e Beratit duke parë situatën kritike të të plagosurve udhëzuan dërgimin e tyre me urgjencë në Spitalin Ushtarak të Tiranës.
Policia ndodhet në vendngjarje dhe ka nisur hetimet për të mësuar shkaqet e shpërthimit në autobotin e ngarkuar me gaz. Nga hetimet paraprake mësohet se shkak mund të ketë qënë mosrespektimi i rregullave të sigurimit për furnizimin e pikave me gaz. Vazhdojnë hetimet për zbardhjen e mëtejshme të ngjarjes së rëndë. Këtë e dëshmuan edhe faktet e treguara nga e drejtori i zjarrfikësave të Beratit, Dilaver Laci. Kreu i zjarrfikësave tregoi për TVNews24, se në nje prej disa dhomave të dyqanit të gazit po zihej raki në momentin që autoboti furnizonte me gaz dyqanin. Ai shtoi se vogëlushja A.C, 9 vjec gjeti vdekjen nga asfiksia në një prej këtyre dhomave. Laci nënvizoi se madje Sipas kreut të zjarrfikësve, zjarri që pushtoi në pak sekonda autobotin dhe dyqanin e gazit ishin të përmasave të mëdha, por që falë ndihmës së zjarrfikëseve u shuan pëe 10 minuta. Vazhdojnë hetimet për zbardhjen e mëtejshme të ngjarjes së rëndë.Ndërkohe rreth pasdites tre të plagosurit nga shpërthimi i autobotit të gazit janë dërguar me plagë të rënda në Spitalin “Nënë Tereza”. Ata janë shtruar në repartin e djegieve për të marrë një kurim më të specializuar. Sipas burimeve të bluzave të bardha mësohet se gjendja e tyre paraqitet ende e rëndë. Ndërkohë që mjekët specialistë kanë marrë nën mbikëqyrje të tre të plagosurit duke u munduar të përmirësojnë gjendjen e tyre.

Isha ne vendngjarje se me rastisi te kisha pune andej dhe ishte bere nje katastrofe e vertet...disa qanin anen materiale se ju dogjen gjithcka...gjyshja e asaj goces vogel ishte semurur keq...ata prinderit qe u dogjen sdine gje per gocen....eh...