Vdes Bashkim Gazidede

nga **NEO** 2008-10-25, 21:32

Ish-kreu i SHIK nga viti 1992 deri ne vitin 1997 ka nderruar jete pasditen e sotme nga nje semundje e rende. Bashkim Gazidede ka vdekur sot ne Tirane pas kthimit te tij nga Italia ku ka qene per nje periudhe per kurimin e semundjes se rende. Shqetesimet shendetesore te Gazidedes kane nisur te viheshin re kohe me pare, ndersa eshte perkrahur vazhdimisht nga qeveria shqiptare me fonde per kurimin e tij jashte shtetit.Emri i ish-kreut te SHIK eshte permendur edhe ne ceshtjen e zhdukjes se biznesmenit shqiptaro-maqedonas Remzi Hoxha, familjaret e te cilit kane akuzuar publikisht Bashkim Gazideden si autor te rrembimit te biznesmenit.
Ish-kreu i SHIK-ut Bashkim Gazidede ka nderruar jete ne Tirane nga nje semundje e rende. Lajmi eshte konfirmuar ne oret e pasdites te cilet bene te ditur se semundja e rende e ish-kreut te SHIK-ut nga vitit 1992 dhe deri ne vitin 1997, ka qene teper e rende gje e cila ka sjelle edhe fundin tragjik te tij.
Problemet shendetesore te Gazidedes kane nisur kohe me pare dhe per kete qeveria ka dhene disa here fonde per kurimin e tij jashte shtetit. Se fundmi qeveria me nje vendim te Keshillit te Ministrave ka akorduar nje shume prej 4 milione lekesh te reja ne dispozicion te Bashkim Gazidedes per kurimin e tij ne Itali. Por edhe pas ketij kurimi, ish-kreu i SHIK-ut nuk mundi dot te kalonte semundjen e rende e cila sot e ndau nga jeta.
Shqetesimet serioze ne shendetin e Gazidedes mesohet se u verejten ne muajin nentor te vitit 2006. Per te mundesuar nje kurim sa me te kualifikuar ai shkoi per vizite mjekesore ne Itali.
Bashkim Gazidede u largua nga Shqiperia ne vitin 1997 dhe u rikthye ne vitin 2005.
Gazidede u konsiderua si nje nga njerezit me besnik te presidentit te asaj kohe Sali Berisha, aktualisht kryeminister. Gazidede u akuzua nga opozita e mjate se perdori SHIK-un e asaj kohe per veprime represive. Emri i Gazidedes lidhet me shume ngjarje te bujshme ende te pazbardhura nga drejtesia shqiptare. Ai eshte akuzuar edhe per ngjarjen e zhdukjes se biznesmenit shqiptaro-maqedonas Remzi Hoxha nga SHIK-u ne vitin 1994, kohe ne te cilen Gazidede ka qene kreu i SHIK. Per kete Bashkim Gazidede eshte akuzuar nga familjaret e biznesmenit te zhdukur se ka qene autori i rrembimit te Remzi Hoxhes.
Ne trazirat e pranveres se vitit 1997, Bashkim Gazidede mori drejtimin e operacioneve ushtarake per te shtypur revoltat qe linden pas renies se firmave piramidale. Po ne vitin 97 ai u largua nga Shqiperia duke qendruar i fshehur per 8 vjet. Me ardhjen ne pushtet te Partise Demokratike ne vitin 2005 Gazidede rikthehet ne Shqiperi dhe emerohet zv/drejtori i Hipotekave edhe pse nuk e ushtroi kete detyre per shkak te semundjes se rende.
Muajt e fundit te jetes, Bashkim Gazidede i kaloi ne nje spital te Italise. Bashkim Gazidede vdiq ne moshen 56 vjecare ne Tirane.