Partizani, administrim te ri. Begeja: Enderr e vjeter e jona

Klubi Sportiv Partizani prej dy muajsh ka kaluar nën administrim të familjeve ish-pronare të ambienteve të tij. Por, këto familje kanë vendosur që të mos ndryshojnë destinacionin, por që të investojnë duke krijuar kushte më të mira për sportistët.

TIRANE- Sportklub Partizani është i pari që u ka kaluar në administrim familjeve që kanë qenë pronare e truallit të tij. Me një nismë të veçantë të familjeve të njohura kryeqytetase si Begeja, Llagami, Saliaga, Vaqarri apo Alimehmeti, destinacioni i ambienteve të klubit nuk do të ndryshohet edhe pse ligji e lejon tashmë një gjë të tillë. Ato kanë vendosur që të investojnë në mënyrë që të përmirësojnë kushtet e stërvitjes për sportistët dhe që ambientet sportive të mbeten të tilla edhe në të ardhmen. Në takimin e përurimit të palestrës së re ishte i pranishëm edhe deputeti Aleksandër Biberaj, si edhe përfaqësuesi i Ministrisë Mirjan Hakani. Personi i zgjedhur nga këto familje për t’i përfaqësuar, Xhimi Begeja, tha se krijimi i kushteve të tilla për sportistët ishte një ëndërr e vjetër këtyre familjeve.
Klubi sportiv Partizani ka dy muaj që po administrohet nga këto familje, të cilat kanë premtuar se do të vazhdojnë të investojnë për kushte më të mira për sportistët.

(balkanweb)