Aksident në autostrade Tirane-Durrës.2 të vdekur,6 të plagos

• Tjetër aksident i rëndë në autostradën Tiranë- Durrës. Një fuoristradë me 8 persona në bord ka dalë nga rruga dhe është përplasur me një bordurë të autostradës. Dy të vdekurit e 6 të plagosurit i shtohen bilancit të 5 të vdekurve dhe 3 të plagosurve të aksidentit të rëndë që ndodhi dje në autostradë.

TIRANE-Tjetër aksident i rëndë në autostradën Tiranë- Durrës. Një makinë tip Fuoristrade me 8 persona në bord ka dalë nga rruga dhe është përplasur me një bordurë të autostradës në orët e para të mëngjesit. Sipas policisë personat që udhëtonin në automjetin me targa të huaja S696VWT po ktheheshin nga një dasëm që ishte zhvilluar në një lokal në fshatin Sukth në drejtim të Tiranës.

Dy nga personat që ndodheshin në automjet kanë gjetur vdekjen menjeherë. Policia bën të ditur emrat e viktimave, ato janë Kadri Brahaj,70 vjec, dhe Valbona Metaj,40 vjece, ndërsa 6 të plagosurit janë Mydajet Ringa,52 vjece, Feride Ringa,38 vjece, Hajrie Dezhani, Saimir Metaj, Ermal Brahaj dhe Din Cuni, i cili ka qenë dhe drejtuesi i automjetit. Të gjithe personat mësohet se janë banues në Kamëz dhe të plagosurit janë dërguar në spital.

Policia po punon për të zbardhur shkaqet e këtij aksidenti të rëndë, i cili pason aksidentin e ndodhur një ditë më parë, po në autostradën Tiranë- Durrës. Makina, ku udhëtonin 5 persona, të afërm me njëri tjetrin, u përplasën me një makinë tjetër në të dalë të Maminasit. Në aksident mbetën të vdekur 5 persona ndërsa u plagosën 3 të tjerë. Edhe viktimat e këtij aksidenti po ktheheshin nga një dasmë.