Vret mjekun brenda në spital, autori në pranga.

• Mjeku radiolog Fatmir Thaci (në foto) ndodhej në spital në momentet që një person i ka afruar pistoletën në kokë dhe e ka qëlluar per vdekje. Autori është vetëdorëzuar në polici. Policia shprehet se vrasja ka ndodhur për motive të dobëta, dhe jo per shkak të bluzës së bardhë. Kryeministri e Presidenti Topi kërkojnë dënimin e ashpër të autorit. PS: Jeta e bluzave të bardha e pasigurtë.

DURRES-Një mjek është vrarë me armë zjarri sot paradite në spitalin e qytetit të Durrësit, ndërsa në pranga ka përfunduar autori i krimit. Rreth ores 09:45 minuta, mjeku radiolog Fatmir Thaci 54 vjec ndodhej në spitalin rajonal te qytetit te Durresit në momentet që një person i quajtur Ali Lorja i ka afruar pistoletën në kokë dhe e ka qëlluar disa here duke i shkaktuar vdekjen e menjëhershme. Autori pas krimit është vetëdorëzuar në polici. Policia në vendgjarje dyshon se ngjaja ka ndodhur per motive te dobeta.

Pistat
Pasi është vetëdorëzuar në polici, Lorja ka rrëfyer me pak fjalë arsyet që sipas tij e cuan në vrasjen e mjekut. Policia Pasi ka dëgjuar dëshminë, doli ne konkluzionin se vrasja ka ndodhur për motive të dobëta dhe jo per shkak te profesionit te tij si mjek.
Nga dëshmia u mësua se gruaja e Ali Lorjas, M. Lorja ka punuar në spital si infermire dhe sporteliste e spitalit dhe se një muaj më parë u vetëhelmua me helm per minjte duke ndërruar kështu jetë. Policia dyshon se mes autorit, bashkeshortes se tij dhe mjekut kane rrjedhur ngjarje qe kane cuar ne pakenaqesi mes tyre. Autori është prangosur dhe po pyetet më tej nga policia.

Paniku
Ngjarja e ndodhur sot paradite ku mbeti i vdekur me një plumb në kokë një mjek radiolog i spitalit të Durrësit ka shokuar pacientë dhe mjekë që ndodheshin aty. Të tmerruar pacientët kanë vrapuar për të dalë jashtë ambienteve të spitalit, ndërsa kolegë të Thacit kanë shkuar në vendgjarje për ti ardhur në ndihmë shokut, por pa rezulatt. Trupi i pajetë u dërgua në morgun e spitalit, ndërsa janë mbyllur dhomat e vizitave, pasi efektivë të shumtë po hetojnë për cdo detaj ngjarjes.

shteti duhet qe te ndergjegjsohet sepse jeta e bluzave te bardha eshte ne rrezik prandaj duhen marr masa