Kuriozitet !!

Dy persona bëjnë tatuazh me hirin e gjyshit


Dy persona kanë gjetur një mënyrë shumë të veçantë për të kujtuar gjithmonë gjyshin e tyre: duke bërë tatuazhe me hirin e tij.
Andrew dhe Helen Bird, u trishtuan shumë kur gjyshi 90-vjeçar ndërroi jetë nga kanceri në shkurtin e këtij viti.
Anglezët nga Stoke menduan të përzienin hirin e të ndjerit me bojë dhe bënë secili nga një tatuazh.
30-vjeçarja Helena vizatoi në kurriz një zemër dhe një trëndafil, ndërsa 27-vjeçari Andrew shkroi në krahun e majtë poemën e preferuar të gjyshit të tij.
“Gjyshi ynë kishte shumë humor dhe mendoj se do t’i pëlqente ideja jonë. Në këtë mënyrë ne do e kemi atë gjithmonë me vete, në lëkurën tonë”, tha Helena.

Disa nga gjërat më të çuditshme që mund të blihen online


Këto janë 10 gjërat më të çuditshme që mund të gjenden në internet dhe të cilat njerëzit i blejnë online. Sipas vlerësimit të portalit Visiboo, këto janë:
-Tharëse për veshë
Ky aparat rregullon rrjedhën e ajrit të nxehtë brenda timpanit të veshit. Mjafton ta mbani në vesh për 80 sekonda dhe jeni gati për ta nisur ditën mbarë.
-Papuçe me drita për natën
Ata që porosisin këto papuçe shpresojnë se do të lëvizin pa penguar nëpër shtëpi me drita të fikura, pa u përplasur me orenditë, dyert ose gjërat tjera të cilat nuk është lehtë t’i shohësh në terr.
Peri për pastrimin e dhëmbëve me shije të proshutës
Tash mund ta përmirësoni higjienën orale derisa kënaqeni me shijen e pabesueshme të proshutës së pjekur. A ekziston diçka që proshuta nuk e ndreqë?
-Ena për t’i dhënë formë vezëve
Edhe ena në formë katrori për t’i dhënë formë vezëve të ziera është njëra ndër gjërat e parapëlqyera nga blerësit në internet. Shfrytëzohet në atë mënyrë që në futet veza dhe pas një kohe të caktuar nën presion veza merr formë katrore.
-Qumësht me yndyrë nga Toskana
Për një arsye të çuditshme një galon i këtij qumështi kushton tepër shtrenjtë. Dihet se ky prodhim shkakton çrregullim në gjumë dhe vështirësi tjera… Nuk dihet pse e pëlqejnë njerëzit!
-Perde për banjo “Psycho”
Zbukurojeni banjon tuaj me pak humor të Hitchcockut me perdet në të cilat gjenden motive nga filmi “Psycho”. Shkëlqyeshëm.
-Shkrepësja në formë revoleje
Shkrepësja në formë revoleje është me dy gryka. Nga një flakë në secilën grykë.
-Mostra të uraniumit të varfëruar
Mostra radioaktive e uraniumit të varfëruar përdoret për testimin e aparatit të Geigerit i cili mat radioaktivitetin.
-Portofol prej proshute
Paramendojeni njërin prej këtyre portofolave në xhepin e pasmë të pantallonave tuaj.
-Urinë e ujkut
Përdorni këtë urinë të qind për qindtë të ujkut për të krijuar iluzionin se kafshët grabitqare janë të pranishme në ambientin ku ju dëshironi. Thuhet se kjo mund të jetë e përdorshme për fotografët, hajnat, gjuetarët dhe adhuruesit e natyrës.

Steve Stevens kërcen 131 orë pa u ndalur

Britaniku Steve Stevens (35) ka vendosur rekord në kërcim, pasi që pa u ndaluar kërceu 131 orë, transmeton “Metro”.
Steve, sipas rregullave të librit të rekordeve Guinness, mund të pushonte çdo orë nga pesë minuta. Ai filloi të kërcejë të martën dhe përfundoi të dielën.
Vështirësi më të mëdha kisha ndërmjet orës 4 dhe 6 në mëngjes. Më bërtisnin për të mos fjetur. Posa dilte Dielli nuk e kisha shumë të vështirë të vazhdoja”, ka thënë Steve.
Energjinë e mbante me lëngje e perime, por gjatë pesë ditëve humbi rreth 1.5 kilogram. Rekordi i mëparshëm ishte 123 orë e 15 minuta. Me kërcimin e tij mblodhi para që do t’i dhurojë për bamirësi.

Bota çfarë e njohim deri më tani, sipas disa teorive dhe interpretimeve të profetëve të njohur, mund të pushojë së ekzistuari.
Gjykuar sipas shumë librave e filmave, është e qartë se shumëkush beson se jetës në planetin tonë do t’i vijë fundi. Deri më tani ekzistojnë 12 parashikime të mënyrave se si do të shkatërrohet jeta në Tokën tonë.
Shtrëngata diellore
Shtrëngatën diellore e përbën era me copëza të elektrizuara, të cilat i hedh pjesa e epërme e atmosferës së Diellit e përbëhet nga elektrone të larta energjetike ose të protoneve të energjisë. Në vitin 1859 shtrëngata diellore për vetëm 17 orë ka “fërguar” telat në Evropë dhe në Amerikën Veriore. Shtrëngata apokaliptike diellore, e cila parashihet të ndodhë në vitin 2013, mund të shkaktojë mungesë masive të rrymës në Tokë dhe ndërprerje të telekomunikacionit dhe të internetit. Kjo do të shkaktonte tronditje të mëdha ekonomike e shoqërore e rreth 100.000 evropianë do të vdisnin nga uria dhe sëmundjet.
Virus i gripit të derrit
Njëri nga rreziqet në botë është virusi i thjeshtë për të cilin nuk ka ilaç, i cili do të zgjerohet në Tokë shumë shpejt. Në shekullin e shkuar kemi qenë dëshmitarë të katër epidemive të mëdha gripi e virusi të HIV-it dhe të SARS –it që morën shumë jetë. Tani ka shumë viruse që shkaktojnë sëmundje si antraksi, ebola e kolera, e që shfrytëzohen si armë biologjike që shumë lehtë mund të bien në duar të gabueshme.
Planeti X
Po qe se e llogarisim edhe Plutonin, atëherë është Nibiri, saktësisht Planeti X, planeti i dhjetë në sistemin diellor, dhe shumë e madhe që do t’i afrohet Tokës dhe do ta fusë nën gravitetin e vet. Pasojë e kësaj do të jenë vërshimet dhe tërmetet që do të sjellin shkatërrimin. Shumëkush pohon se kjo nuk mund të ndodhë dhe se në të kundërtën e gjitha do të mund të vërehej me sy. Ky shkatërrim ishte parashikuar në vitin 2003, por data tani është shtyrë në të famshmen 12.12.2012.
Shqyerja e madhe
Sipas teorisë së shqyerjes ose grisjes, trupat tanë dhe e gjithë bota do të “shqyhen”, ndërkaq ithtari kryesor i kësaj teorie sqaron se kjo do të ndodhë për shkak të zgjerimit të universit si pasojë e energjisë së errët. Shkalla e zgjerimit po përshpejtohet vazhdimisht dhe në një moment zgjerimi do të ndodhë “shqyerja e gjithçkahes”. Ana e mirë e këtij parashikimi është se kjo nuk do të bëhet edhe njëzet miliardë vjet.
Ngrohja globale
Planeti vërtet është gjithnjë e më i nxehtë –temperaturat e shënuar nga viti 2005 deri në vitin 2010 kanë qenë më të larta në histori ndaj ka dhe të tillë që besojnë se ky proces është vërtet i pakthyeshëm. Dhe nëse vazhdon kështu, klima e Tokës do të mbetet jostabile dhe kjo do të ketë pasojë katastrofike klimatike. Pos ngritjes së temperaturës, do të përhapen sëmundjet. Organizata Botërore e Shëndetësisë tashmë pohon se nga pasojat e ndërrimeve klimatike në vit vdesin nga 150 mijë persona.
Rrezet Gama
Pasi të shpërthejë supernova, ajo do të zgjerojë rrezet gama me frekuenca të larta të rrezatimit elektromagnetik rreth vetes. Shumica e këtyre shpërthimeve ndodhin larg nga Toka, por po qe se ndodhin 30 vjet dritë nga Dielli, që përafërsisht nuk është larg, mund të ngjajë shkatërrimi. Rrezet Gama do të shkatërronin atmosferën e Tokës dhe do të shkaktonin zjarre që do të shkatërronin të gjitha llojet e jetës në Tokë brenda disa muajve. Për fat, gjasat për këtë vërtet janë të vogla.
Hakmarrja e makinave
Ndoshta ngjan paksa në shtjellimin e filmit “Terminator”, por teknika kompjuterike përparon çdo ditë. Dikush madje beson se makinat mund të bëhen të vetëdijshme dhe ta marrin botën sepse inteligjenca artificiale mund t’i mashtrojë e bile edhe t’i shkatërrojë krijuesit e vet. Shkencëtari i njohur Stiven Hoking, mendon se kompjuterët mund të bëhen kërcënim për njerëzit.
-Rreziku që makinat të zhvillojnë inteligjencën e ta marrin botën është real, ka deklaruar Hoking.
Ndërrimi i poleve
Sipas teorisë për ndërrimin e poleve, deri më tani ka pasur ndërrim në pozicionin e polit jugor dhe verior në boshtin e Tokës dhe kjo ndodh në çdo 400.000 vjet. Ky ndryshim mund të sjellë ngjarje katastrofike, përfshirë tërmete, cuname dhe vërshime. Parashikimet natyrisht janë paraparë për vitin 2012. NASA pohon se “megjithatë, ndryshimi në rotacionin e Tokës është i pamundshëm”.
Lufta bërthamore
Shumë vende kanë mundësinë e angazhimit të armëve bërthamore e krahas kërcënimit nga shpërthimet dhe rrezatimet, ekzistojnë edhe efektet e tërthorta – ushqim dhe ujë i kontaminuar, cilësi e keqe e ajrit, shkatërrimi të rrjetit të komunikacionit. Shpërthimi bërthamor do të shkaktonte aq shumë tym, blozë dhe mbeturina, sa që do të zvogëlonte rrezet e Diellit nëpër stratosferë dhe do të shkaktonte dimër bërthamor. Shkencëtarët pohojnë se po qe se India dhe Pakistani nisin luftën bërthamore, gjithë planeti do të vuante për 10 vjet pasojat e reve të tymit dhe tre vjet pasojat e temperaturave të ulëta.
Pulsi elektromagnetik
Ashtu siç mund t’i “fërgojë” shtrëngata diellore rrjetet elektrike, po ashtu edhe “rafalët” e papritur të pulseve elektromagnetnike mund të shkaktojnë mungesë rryme në gjithë planetin. Ekspertët tërheqin vëmendjen se ky puls mund të ndikojë që e gjithë infrastruktura elektronike, transportuese dhe komunikative të zhduket për më pak se një sekondë e të shkaktojë vdekjen e 90 për qind të njerëzve brenda një viti.
Goditja nga asteroidi
Filmat si “Deep Impact” dhe “Armageddon” ndoshta dhe janë pjesë fiksioni, por rreziku nga goditja e asteroideve në Tokë është real. Në vitin 2028 asteroidi “1997KSF11″ do të kalojë afër Tokës, por shkencëtarët pohojnë se nuk do ta godasë. Po ndodhi kjo, tymi që do të dilte pas zjarrit të shkaktuar nga goditja, do ta bllokonte në tërësi dritën e Diellit dhe do të shkatërronte botën bimore. NASA megjithatë, pohon se nuk ka rrezik që Toka të goditet nga asteroidi sikur ai që mbyti dinozaurët para 65 milionë vjetësh.
Zombët
Viteve të fundit emisionet tv me zombët janë shumë të popullarizuara, por a janë reale? Edhe pse njerëzit e vdekur nuk mund të kthehen në jetë, disa viruse mund të nxisin “sjellje agresive zombiane”. Për shembull, tërbimi ndikon në sistemin nervor dhe kjo ndikon që njerëzit të bëhen shumë agresivë. Kombinimi i tërbimit me virusin gripoz mund të shkaktojë sjellje apokaliptike zombiane sepse virusi hibrid i tërbimit dhe i gripit teorikisht është shumë i mundshëm, thonë shkencëtarët.

Kënga e një adoleshenteje amerikane 13-vjeçare ka arritur një rekord klikimesh në YouTube falë ngjitjes së kureshtjes për të parë “këngën më të keqe” të regjistruar ndonjëherë.
Rebecca Black’s, këngëtare popi me këngën “E premtja” ka më shumë se 30 milionë klikime në më pak se shtatë ditë. Kënga e saj ka një lumë rekord komentesh edhe në rrjetin shoqëror “Twitter”.
E gjithë kjo më së shumti nga përqeshja ndaj fjalëve të këngës, videos dhe zërit të këngëtares, raporton Shekulli.
Por duket se është Rebecca ajo që do të qeshë e fundit, pasi tashmë është kthyer në një “fenomen”. Më parë, Justin Bieber, dhe Usher, morën famë falë popullaritetit në YouTube. Rebecca shkruan: “Kënga ime tashmë mund të gjendet në iTunes!
Faleminderit për gjithë mbështetjen tuaj”. Pritet që ajo të përfitojë “lumë” parash nëse përsëritet i njëjti sukses si në YouTube.

Përderisa një qen shumë i ëmbël e nget biçikletën e vet me rrota ndihmëse, pesë të tjerë i ndihmojnë të ngritet në këmbë e të renditet në vijë.
Nëse i shikoni mirë, do të vëreni se ky qen me të vërtetë i rrotullon pedalet e biçikletës, ndërsa shokët nuk e di a po i ndihmojnë.
Megjithatë, shikoni se edhe ata nuk e lejojnë t’ua prishin radhën. Kur njeriu në video dëshiron ta largojë një qen ai shpejton të kthehet në vend.
Ketu munde te shihne videon:https://www.youtube.com/watch?v=_PSGcpZY1xM&feature=player_embedded

Akullnajat po shkrihen shpejte

Një studim i ri ka konstatuar se akullnajat në Groenlandë dhe Antarktidë po shkrihen me një ritëm më të shpejtë. Rezultatet tregojnë se shkrirja e shtresave të akullit po bëhet kontribuesi kryesor në rritjen e nivelit të detit më shumë se sa pritej.
Ky ishte një ndër studimet më të gjata të bëra deri tani në lidhje me akullnajat. Bazuar në dy dekada matjesh mujore përmes satelitit dhe duke studiuar modelet klimatike rajonale, rezultatet janë të qarta, thotë autori kryesor i këtij studimi Erik Rigno.
Ajo që po vërejmë në Groenlandë dhe Antarktidë është humbja më e shpejtë e masës së akullnajave. Dhe këto shtresa jo vetëm që po shkrihen në oqean, por humbja e masës po rritet nga viti në vit.”
Autorët kanë vënë re se shkrirja e akullnajave që mbulojnë pjesë të mëdha toke po ndodh tre herë më shpejt se sa shkrirja e akullit në male. Zoti Rigno, ekspert i akullnajave në Universitetin e Kalifornisë dhe në një Laborator të Nasës, thotë se kjo nuk ishte e papritur.
Tani ata po ecin me të njëjtin ritëm. Por nëse prirjet si për akullin në male ashtu edhe për akullnajat vazhdojnë, kjo do të thotë se akullnajat do të bëhen kontribuesi kryesor në rritjen e nivelit të detit, meqenëse ato kanë më shumë akull.”
Të dhënat nga studimi parashikojnë se deri në vitin 2050, niveli i detit do të rritet me 32 centimetra, 15 prej të cilave do të jenë nga shkrirja e akullnajave në Groenlandë dhe Antarktidë, në se ky proces vazhdon me ritmin e tanishëm. Zoti Rigno thotë se kjo është shumë më e lartë se sa ishte parashikuar nga Komisioni Ndërqeveritar i OKB-së për Ndryshimin e Klimës.
Kjo do të thotë se disa nga parashikimet që kanë bërë ata në raportin e tyre të fundit vihen në pyetje dhe se roli i akullnajave nuk është dytësor në studimin e rritjes së nivelit të detit në të ardhmen. Përkundrazi, ky është ndër faktorët kryesorë të rritjes së nivelit të detit dhe ky studim e konfirmon këtë.”
Zoti Rigno thotë se studimi vërteton se ngrohja globale është shqetësim i madh dhe i vërtetë, veçanërisht për njerëzit në zonat bregdetare, të cilëve u jep pak kohë për të reaguar ndaj rritjes së nivelit të detit. Ai thotë se ngrohja e oqeaneve mund të përshpejtojë edhe shkrirjen e akullit në pole.
Nëse këto oqeane po ngrohen, ne duhet të kuptojmë se çfarë ndikimi do të kenë tek akullnajat dhe tek shkëputja dhe lundrimi i tyre në oqeane. Tani shohim se në vendet ku oqeanet po ngrohen, akulli shkrihet më shpejt dhe akullnajat shkëputen më shpejt.”
Zoti Rigno thotë se është e rëndësishme që të vazhdojë monitorimi i akullnajave dhe duke përdorur këtë informacion të kombinuar me të dhënat historike, të ndërtohen modele që mund të parashikojnë më mirë shkrirjen e akullnajave gjatë shekullit të ardhshëm.

Nëna lind fëmijën e nënës tjetër

Një çift anglez duhet të përballet me një dilemë të madhe, të mbajnë apo jo një fëmijë 7-muajsh, të cilin ata sapo kanë zbuluar se nuk është i askujt prej prindërve.
Ndonëse histori të tilla kanë ndodhur edhe më parë si rrjedhojë e ngatërresave në maternitet, në rastin e Sean dhe Carolyn Savage nuk ka asnjë lloj ngatërrese.
Djali i tyre Logan lindi si çdo foshnje në botë, i rritur pas nëntë muajsh qëndrimi në barkun e nënës.
Pas disa vitesh tentativash, Sean dhe Carolyn i ishin drejtuar mënyrës së farëzimit të vezës në laborator, për t’a rikthyer atë në mitër, pasi të dy kishin probleme të krijonin një fëmijë në kushte natyrore.
Pasi metoda funksionoi, dy britanikët u bënë prindër dhe ishin të lumtur deri në muajin e shtatë të jetës së Logan, kur gjatë një kontrolli rutinë ata mësuan se nuk ishte fëmijë i asnjërit prej tyre.
Siç tregoi “Daily Mail”, mjekët ishin bërë autorë të një gabimi të pabesueshëm dhe i kishin injektuar gruas në mitër një vezë të pllenuar me spermatozoidët e një çifti tjetër.
Çifti i prindërve biologjikë të fëmijës nuk arriti të përfitonte nga kjo metodë, prandaj lajmi për ta ishte i mrekullueshëm.
Megjithatë, marrja e kujdestarisë së fëmijës nuk do të jetë diçka e thjeshtë. Çifti Savage konsiderohet ligjërisht si prindërit e të voglit dhe legjislacioni nuk e kishte parashikuar ndonjëherë mundësinë e një rasti të tillë unik./tch/

Druri më i pazakontë në botë


Nuk bëhet fjalë për ndonjë punim artificial në park argëtues por për një dru – më saktësisht drurin e llojit sekuoja – nëpër të cilin kalon një tunel me gjerësi të mjaftueshme për të kaluar me veturë nëpër të.
Sekuoja me tunel është druri më i famshëm në pyllin e dendur me këtë lloj druri që shtrihet në 81 hektarë në vendin Legget në Kaliforni, rreth 280 kilometra në veri të San Franciscos.
Ndonëse sot relativisht të rralla, drunjtë e llojit sekuoja, që mund të jetojë deri në 1 800 vjet e më shumë, nga mesi i shekullit 19 ishin mjaft të shpesh përgjatë bregdetit kalifornian.
Tunelin nëpër drurin me moshë disa qindra vjeçare dhe që sot arrin lartësinë prej gati 100 metrave, e kanë hapur në vitet e 30-ta të shekullit të kaluar, duke e shndërruar në atraksion turistik.
Turistët kureshtar, të mahnitur me drurin gjigant, vozitja e veturës nëpër këtë tunel e paguajnë 3 dollarë, kurse në këtë çmim është llogaritur edhe fotografimi dhe ulja buzë këtij druri mbase më i madhi në botë.
Në afërsi të drurit ndërmarrësit turistikë kanë ndërtuar edhe një shitore me suvenire, në të cilën vizitorët mund të pajisen me ndonjë objekt që iu përkujton vozitjen nëpër tunelin më të pazakontë në botë.

Internet, lind prapashtesa xxx

Një gjykatë i dha të drejtë një kompanie tregëtuese të materjaleve pornografikë që të vendosë si prapashtesë në internet xxx, lajmëroi BBC.
Kompania Icann kishte dhjetë vjet që përpiqej të fitonte të drejtën për të përdorur këtë prapashtesë që identifikon kudo në botë pornografinë.
Vendimi i gjykatës mund t’i hapë rrugën të gjithë faqeve për të rritur në internet që të ndërrojnë prapashtesën në xxx.
Sipas mbështetësve të këtij vendimi, do të jetë më e thjeshtë që në këtë mënyrë të kontrollohen faqet me përmbajtje vetëm “të nxehtë”.
Zyra ku regjistrohen faqet e internetit regjistroi një vit më parë 110 mijë rezervime për të kaluar nga com, org, net etj, në xxx.

Publikoje ne:




Kuriozitete tjera interesante:

- Lakuriqët blejnë pa pagesë
- Kritikon shefin pushohet nga puna
- Si lexohen shenjat e gishtërinjve
- Gjalle edhe pse goditet me 13 plumba
- Një vrimë e madhe në Gjermani gëlltiti makinen

Ishujt Marshall me 62 mijë banorë po zhduket

Ishujt Marshall, një prej perlave të vërteta të natyrës, që ndodhen në Oqeanin Paqësor, mund të zhduken nga faqja e dheut.
Alarmi është aq i madh, sa që ka detyruar të interesohet dhe Asamblenë e Përgjithshme të Kombeve të Bashkuara.

Katastrofat, ka nje ‘mallkim te Henes’?

Hëna është afruar më shumë se kurrë në këto 18 vitet e fundit, duke bërë që katatrofat natyrore të ndodhura gjatë këtyre tre muajve të parë të 2011-s të lidhen me të ashtuquajturin “mallkim të Hënës”.
Si rrjedhojë e një cikli normal astronomik, sateliti i vetëm i Tokës do të arrijë në 19 mars distancën më të afërt që mund të arrijë prej nesh, 356 577 kilometra, duke bërë që të shihet më e madhe se kurrë.
Në fakt, nën efektin gravitacional të Diellit, Hëna lëviz midis distancave nga 356 000 deri në 410 mijë kilometra nga Toka. Pas nje dite, Hëna do të duket ekzaktësisht 14% më e madhe se zakonisht, perspektivë që për disa është e frikshme.
Sipas një teorie të pashpjegueshme të besuar nga disa njerëz, në vitet kur Hëna i afrohet më shumë planetit tonë, ndodhin vazhdimisht katastrofa. Për hir të së vërtetës, këto tre muaj të parë të 2011-s kanë pasur secili nga një katastrofë natyrore.
Në janar, Australia u njoh me përmbytjet më të mëdha të historisë. Në shkurt, qyteti neozelandes i Kristçërçit u shkatërrua nga një tërmet, ndërsa një tjetër tërmet rënoi Japoninë pak ditë më parë.[code]

Era e fortë përfshinë Kroacinë

Posted by Deoni | Posted in Kuriozitete | Posted on 18-03-2011
0
Bregdeti kroat mbrëmë është përfshirë nga erëra të forta të jugut të cilat kanë ngritur dallgë të mëdhaja, ndërsa njerëzit i ka kapur paniku nga ndonjë Tsunam i mundshëm.
Dallgët kanë fryrë në gjithë bregdetin kroat, mirëpo fotografi Zvonimir Barishin i portalit Index.hr ka arritur ti fotografoj afër Kështjellës Shtafilic.
Goditjet e erës kanë qenë me shpejtësi 100 kilometër në orë, ndërsa deti është trazuar dhe ka shkatërruar shumë gjëra në bregdet.
Fotografi Zvonomir Barishin ka komentuar me shaka se erërat e forta në bregdet sjellin shumë fat për njerëzit e profesionit të tij, pasi mund të bëjnë foto të mrekullueshme.

Si do te ishte bota pa energjine berthamore

Në vitin 2030 dielli dhe era do të prodhojnë energji të barabartë me atë që japin sot centralet bërthamore, por kostot për ndërtimin e impianteve do të jenë goxha të larta.
Po tani? Nëse pas Fukushimës, ashtu si pas Çernobilit, të inaugurohej një periudhë e re post-bërthamore, bota do të ishte destinuar për një paralizë dhe e intoksikuar nga nafta dhe karboni?
Në të vërtetë, edhe pse shumë mbështesin faktin se atomi është një zgjedhje bindëse, askush nuk e ka thënë se bëhet fjalë për një rrugë të detyruar. Në Europë, Franca është vendi që ka më shumë reaktorë atomikë në funksionim, rreth 58 të tillë.
Shumë vende po parashikonin zgjerimin e numrit të centraleve, duke zëvendësuar impiantet e vjetra të ndërtuara në vitet ‘60-‘70. Historia e energjisë së viteve të ardhshme, thonë edhe kompanitë e naftës, do të jetë ‘boom’-i i burimeve të rinovueshme. Tashmë panelet diellore dhe turbinat nuk janë më lojëra fëmijësh, por do të zëvendësojnë impiantet gjigante në gjendje të konkurrojnë për nga sasia e elektricitetit të prodhuar, centralet tradicionale.

Kërceu nga 11 metra lartësi në pishinën me vetëm 30 centimetra ujë

Të kërcesh nga 11 metra lartësi në ujë vërtetë është e frikshme, por paramendoni të kërceni nga ajo lartësi në një pishinë gome për fëmijë e mbushur vetëm 30 cm ujë.
Këtë e bëri Darren Taylor, i njohur edhe si “Professor Splash” duke thyer edhe rekordin e tij personal dhe për të 13 herë u regjistrua në librin e rekordeve Guinness.
Professor Splash me kërcimin në lluca të tilla merret prej vitit 1983 dhe thotë se di sekretet e një teknike të veçantë e cila i mundëson që të kërcejë mirë dhe të mos lëndohet kur përplaset në pishinë e cila ka shumë pak ujë.
Shkathtësitë e tij i demonstroi kohë më parë në Trondheim në Norvegji dhe me kërcimin nga 11 metra në një pishinë për fëmijë vendosi rekordin e ri.
Taylor i cili është nga Denveri në Colorado, konsiderohet si njëri nga kërcyesit më të mirë në botë në kategorinë e tillë. Taylor sot udhëton nëpër botë, duke prezantuar dhuntitë e tij dhe duk thyer rekordet e vendosura nga vetë ai.

Jadhe videoja:https://www.youtube.com/watch?v=f2N02Y46u3U&feature=player_embedded

Gjendet personi më i lumtur i planetit

Personi më i lumtur i planetit quhet Alvin Wong dhe është një biznesmen në Honolulu. Ai është gjetur falë një sondazhi që ka përdorur statistikat e masës së mirëqenies dhe kualitetit të jetës: Gallup-Healthways Well-Being Index.
Mashkull, amerikan me origjinë aziatike, i gjatë, me fe hebre, i martuar me fëmijë, banues në Hawai, biznesmen dhe me të ardhura rreth 120 mijë dollarë në vit: ky është identiteti i personit më të lumtur në mbarë botën.
Personi që paraqet të gjitha këto karakteristika quhet Alvin Wong, vjen nga SHBA-ja, por me origjinë kineze, transmeton NOA. Është 69 vjeç dhe i gjatë 1 metër e 78 centimetër.
Wong, i cili i përket fesë hebre jeton me gruan dhe fëmijët në Honolulu dhe është pronari i një ndërmarrje sanitare nga e cila fiton më shumë se 120 mijë dollarë në vit.
Përcaktimi i personit më të lumtur në botë erdhi nga New York Times, nëpërmjet një sondazhi që u krye nga kërkimet e Gallup. Ky kërkim u bazua mbi rreth një mijë qytetarë, të zgjedhur në mënyrë rastësore dhe që u kontaktuan nëpërmjet telefonit.




VAZHDONE ME KRIOZITETE TJERA

Shou me krokodilë



Vizitorët e parkut të njohur tajlandez, “The Million Years Stone Park & Pattaya Crocodile Park” në Pattaya, kanë mundësinë të “kënaqen” me performancën e jashtëzakonshme të mundësit tajlandez, i cili vetëm me duar lufton me krokodilë.
Fotografi Tom Hovel, një nga të shumtët që ishin të pranishëm në shou, thotë se krokodilët janë të mëdhenj dhe duken shumë të zemëruar, transmetojnë mediet britanike.

Rekord Gines fëmija 1 vjec ka 34 gishta



Një fëmijë 1 vjec në Indi ka tridhjetë e katër gishta këmbësh dhe duarsh në ndryshim nga një fëmijë normal që ka njëzet të tillë.
Ai ka kaluar rekordin, dhe mban vendin e parë në librin e Ginesit. Akshat Saxena ka nga shtatë gishta në secilën dorë dhe nga dhjetë gishta në secilën këmbë.

Fëmijët kalojnë lumin me arkivol



Mbi Bagmati, lumin që kalon mes për mes qytetit të Nepal Katmandu, dy fëmijë përpiqen të kalojnë lumin me ç’të munden.
Një mjet, që në këtë rast është një arkivol duket se e kryen më se miri punën e barkës.