Thyhet miti për yndyrat e ngopura

Një studim i madh ka sjellë në pikëpyetje këshillën ushqyese në të cilën kemi besuar për vite me radhë, dhe e cila pretendon se yndyrat e ngopura janë të këqija për zemër.

Këshilltarët e ndryshëm paralajmëronin se si duhet të rrimë larg yndyrës, por analizat e kohëve

të fundit të 72 studimeve dhe 600,000 të anketuar tregojnë se nuk ka asnjë lidhje në mes të yndyrave të ngopura dhe sëmundjeve të zemrës.

Analiza e madhe tregoi, pas analizave detajore, se nuk ka dëshmi që yndyrat e ngopura ndikojnë negativisht në zemër, si dhe se të ashtuquajturat yndyra të shëndetshme në përgjithësi nuk kanë asnjë efekt kur bëhet fjalë për rrezikun e sëmundjeve të zemrës.

Por dy lloje të acideve yndyrore omega-3 në vajin e peshkut EPA dhe DHA dhe acidet yndyrore janë të lidhura me një rrezik të reduktuar të sëmundjeve të zemrës. Sidoqoftë, suplementet e acideve yndyrore omega 3 dhe 6 nuk e kanë këtë efekt. Ky studim është kryer për shkak të qëndrimeve kontraverse gjithnjë e më të mëdha në lidhje me rëndësinë e sheqernave dhe yndyrave dhe efektet e tyre në organizëm.

Tashmë një kohë konsiderohet se konsumimi i yndyrave në trup ndikon në zemër dhe shkakton trashje, por një studim i ri britanik ka treguar se ato në fakt janë demonizuar në mënyrë të padrejtë dhe se në fakt duhet të fajësohet sheqeri, transmeton Koha.net. Shkencëtari kryesor i cili ka punuar në studimin, dr. Rajiv Chowdhury nga Universiteti i Cambridge, thotë se këto rezultate shkencore janë orientimet e reja për nutricionistët.

“Sëmundjet kardiovaskulare janë shkaku kryesor i vdekjeve në botë. Në vitin 2008, më shumë se 17 milionë njerëz vdiqën nga problemet kardiovaskulare në mbarë botën”, tha dr. Chowdhury. Që suksesi i parandalimit dhe trajtimit të jetë sa më i mirë, është e nevojshme të informohen për provat e fundit shkencore.

Ekipi, i cili e publikoi këtë studim në “Annals of Internal Medicine”, kreu analiza në 72 studime të cilat përfshinë 600.000 pacientë në 18 vende. Përfundimi më i rëndësishëm ishte se nuk ka ndonjë lidhje në mes të yndyrave të ngopura dhe sëmundjeve të zemrës. Yndyrave u është dhënë titulli i ushqimeve të pashëndetshme për shkak të keqinterpretimeve të studimeve shkencore.