Yjet që e urrejnë alkoolin

“Nuk i duroj sasitë e mëdha të alkoolit dhe kur pi më dhemb koka. Nuk pi, kështu që vetëm rrobat më përmirësojnë disponimin”, u shpreh Kim Cattrall.

Në mesin e të famshmëve mund të bëhet edhe një përzgjedhje.

Kriteri këtë herë është mos konsumimi i pijeve alkoolike. Shumë figura të famshme, sikur që është Blake Lively dhe Kristin Davis, nuk e kanë të vështirë t’i thonë jo këtij vesi të keq, ndërsa ata të cilët nganjëherë lëshojnë pe, sikurse Jennifer Lopez, nuk e bëjnë këtë nga kënaqësia. Ja çfarë thonë disa prej tyre për alkoolin. Jennifer Lopez kënaqet në shumë gjëra, por jo edhe në alkool. “Mendoj se alkooli i bën dëm lëkurës sime. Natyrisht se kur festojmë diçka, nuk mund ta bëj këtë me ujë, por në këto raste pi vetëm pak”, thotë Jennifer Lopez.

“Nuk pi alkool. Nuk e kam provuar kurrë drogën. Nuk kam nevojë për gjëra të tilla”, ka thënë Blake Lively.

Aktorja, Kim Cattrall, tha se nuk i duron sasitë e mëdha të alkoolit. “Nuk i duroj sasitë e mëdha të alkoolit dhe kur pi më dhemb koka. Nuk pi, nuk drogohem, kështu që vetëm rrobat më përmirësojnë disponimin”, shprehet Kim Cattrall.

As Bradley Cooper nuk është adhurues i alkoolit. “Më nuk pi alkool dhe nuk konsumojë drogë. Të jesh i kthjellët është një gjë e madhe. Isha në prag të shkatërrimit të vetvetes”, ka thënë aktori Bradley Cooper.

Kristin Davis e ka lënë alkoolin në moshën 20-vjeçe, pasi e kishte kuptuar se pija po ia rrezikonte karrierën. “Nuk ia vlente rreziku, sepse gjërat po keqësoheshin”, ka thënë ajo. Matthew Perry kishte probleme të mëdha me varësinë ndaj alkoolit, por në fund ka arritur të triumfojë. “Tani me krenari mund t’ju them të tjerëve se lënia e alkoolit është e mundur”, ka thënë Perry.

Aktorja Jennifer Hudson kurrë nuk ka pirë alkool, edhe pse kolegët e saj e përdornin atë. “Natyrisht, si aktore ekzistojnë gjëra me të cilat duhet të përballesh. Nuk e dija se si është ndjenja të kesh vese të këqija dhe nuk kam dashur të kem një ndjenjë të tillë”, ka thënë ajo.