Më thuaj si trukohesh, të të them me kë ngjan

to s’kanë asgjë të përbashkët. Përveç trukut. Mësoni të bëni një truk që ju shkon me tiparet dhe kopjoni nga vajzat e ekranit

I sofistikuar dhe elegant, agresiv dhe sensual ose thjesht natyral, make-up-i është një nga nga mënyrat më të mira për të nxjerrë në pah bukurinë femëore. Stilet janë të panumërueshëm, kombinimet e ngjyrave janë të pafundme. Mund të përqendrohet gjithë vëmendja tek buzët ose të ngjitet tek shikimi. Ajo që ka rëndësi është përzgjedhja e një truku të përshtatshëm me fytyrën.

Ja disa shembuj drejtpërsëdrejti nga bota e spektaklit, ku truku realizohet nga profesionistë të vërtetë.

Laps i zi dhe buzëkuq në ngjyrë të kuqe flakë: truku më klasik i sjellë me elegancë nga Nicole Kidman dhe Cate Blanchett

Një nuancë transparente për buzët dhe sy të patrukuar. Kështu lëkura del edhe më pah. Zana Krasniqi dhe Daniela Kostandini në versionin ujë dhe sapun.

Dy kombinime të mundshme. Buzëkuq i kuq dhe hijezues i kaltër për bionden REZARTA SHURTA dhe një vizë e hollë e zezë mbi sy e koordinuar me buzët e ndezura të brunës AURELA GACE.

Sy të theksuar në rimel, laps dhe penel. Një truk modern me bazë nuancash të errëta dhe buzë me shkëlqim për Aurela Gaçen dhe Rezarta Shkurtën.

Truk që e vë theksin mbi sy. Ideal për biondet me sy të qartë: sasi e bollshme lapsi të zi dhe buzë të lyera lehtë. Sienna Miller dhe Avril Lavigne.

Truk thuajse i padukshëm për Valbona Selimllarin dhe Monika Lubonjën. Lapas i zi dhe rimel, që nxjerrin në pak shkëlqimin e syve.

Më pak i dukshëm por klasik, make up-i që thekson gjithë vështrimin, një vizë të hollë të zezë dhe një shkëlqyes transparent për buzët.



Gjithçka luhet me sy. Tone në ngjyrë jeshile metalike në cepat e brendshëm të syve për Xhemi Shehun (në të majtë) dhe Valbona Çobën (në të djathtë) dhe vështrim i theksuar në ngjyrë të zezë.

Vështrimi metalik në tonalitete të argjendta dhe hënore është ideal për bukuri si ajo e Scarlett Johansson dhe Reese Witherspoon, që e kompletojnë make-up-in e tyre me një vizë të theksuar dhe të zgajtur të realizuar me penel të zi.

Faqe të ndezura nga tonet, sipas në stili paksa të tejkaluar për brunet Liv Tyler dhe Sandra Bullock.

Hije të sfumuara, buzë ngjyrë mishi dhe mollëza të theksuara me pudër për Sharon Stone dhe Kate Winslet.

Nuancë e ëmbël portokalli, ton në kafe të lehtë dhe mollëza të theksuara për Luiza Xhuvanin dhe Zana Çelën.