Shiperia e pasur me nafte dhe gaz

nga Musafir 2008-01-24, 14:19

Shoqëria e kërkimit të naftës Manas Petroleum, njoftoi dje se Shqipëria ka rezerva qe do të mjaftonin t’i shndërronin shqiptarët në „sheikë” të Adriatikut

Në rast se del i vërtetë vërtetimi, i publikuar dje nga ana e kompanisë amerikane të naftës Gustavson, me qendër në Kolorado, Shqipëria mund të „notojë”, pa e ditur, mbi naftë e gaz natyror. Shoqëria e kërkimit të naftës Manas Petroleum, një filiale zvicerane e së cilës ka fituar të drejtën e shftyrëzimit koncensionar të katër blloqeve naftëmbajtës në vendin tonë, njoftoi dje se, sipas studimit të kryer nga gjeologët e pajtuar prej saj, në thellësinë 5.100 metra poshtëë rajonit të kryeqytetit, bashkohen dy depozita masive naftë-e-gazmbajtëse, rezervat e të cilave do të mjaftonin t’i shndërronin shqiptarët në „sheikë” të Adriatikut. Gjeologët e Gustavsonit kanë vlerësuar se në nëntokën e Shqipërisë së Mesme ndodhen 2,9 miliardë fuçi naftë dhe rreth 85 miliardë metër kub gaz natyror. Sipas raportit, 1,4 mld fuçi naftë, që është sasia e nxjerrshme, madje, duhet të jetë me cilësi të mirë, me përmbajtje të ulët squfuri, ndryshe nga cilësia e saj në pjesën më jugore të vendit.
Vlera
Aktualisht, një fuçi naftë shitet në bursat ndërkombëtare me rreth 100 dollarë. Por, vështirë se rezervat do të sillnin 300 miliardë dollarë, pasi jo e gjithë sasia e hidrokarbureve mund të rekuperohet nga teknologjia aktuale. Por, sidoqoftë, fjala është për një vlerësim, që duhet të hapë perspektiva shumë rozë për ekonominë shqiptare. Para disa dekadash, zbulimi i rezervave të mëdha të naftës në Detin e Veriut e ktheu Norvegjinë në vendin europian me të ardhura më të larta për frymë të popullsisë. Po kështu, ndikoi në rritjen e ndjeshme të ekonomisë angleze.
Rajoni
Rajoni, që do të shfrytëzohet nga zviceranët e Manas Petroleum, përfshin zonat nga jugu i Liqenit të Shkodrës e deri në Tiranë e Dumre të Elbasanit, në një sipërfaqe të përgjithshme prej rreth 4.000 kilometrash katrore. Sipas drejtorit të përgjithshëm të kompanisë, Alexander Becker, kërkimet kanë zbuluar se në periferi të Tiranës, në thellësinë 5.100 metra, ekziston një fushë me kapacitet të madh naftëmbajtës, që mund ta kthejë këtë rajon në një zonë industriale të prodhimit të naftës.
Ministria e Ekonomisë dhe Energjetikës, por as kompania Manas nuk kanë dhënë për publikun hollësi lidhur me çmimin që kanë paguar amerikanët për të fituar të drejtën e shfrytëzimit të kësaj pasurie të jashtëzakonshme natyrore të vendit tonë.
Kompania ka marrë që nga dhjetori 2007, në katër blloqe naftëmbajtës, të drejtën e shfrytëzimit mbi të cilat më parë e kishin kompanitë e huaja Shell Oil dhe Corporex, të cilat, pasi shpenzuan rreth 25 milionë USD për kërkime e shpime, u tërhoqën përfundimisht nga vendi ynë, të trembur nga pasojat e mundshme për jetën e punonjësve dhe investimet, gjatë rrëmujave të vitit 1997.

nga **NEO** 2008-02-02, 21:54

edhe pak ne shqiperi do hapen minierat e floririt. :D:D

Po cne nafte dhe gaz ne shqiperi. A, po nafte kemi ne ajo e ballshit qe eshte si mazut, qe vetem kamionat e ushtrise dhe fadromat punojne me ate nafte. po hidhjani njehere nje X5..... sikur sdo ndihet mire me shendet :D:D:D:D.. jetgjatsia 8 muaj e 13 dite :D:D:D:D

Shiperia e pasur me nafte dhe gaz

Shiperia e pasur me nafte dhe gaz

Re: Shiperia e pasur me nafte dhe gaz