Të rinjtë sot: Seks dhe liri absolute !

Ciftet e sotme shihen gati një here ne jave, e me pas secili ne punën e vet. Ne kerkim te lirisë dhe hapesirave po u shterojne dëshirat e tjera
Të rinjtë dhe seksi? Një raport aspak ideologjik dhe clodhes. Intimiteti? Gjeja e pare qe ata kërkojnë ne një lidhje ne çift. Por gjithmonë ne mënyrën e tyre, e cila është paksa pragmatike. E cila u devijon takimeve te përditshme dhe respekton gjithmonë individualitetin e secilit. Ky është edhe mendimi i sociologeve, lidhur me raportet qe te rinjtë e sotëm krijojne mes tyre. Kështu, sipas njerit prej tyre, Franko Gareli, te rinjtë sot kanë nevojë për hapësirat e tyre dhe nuk u jepen lidhjeve me si dikur. Por gjithmonë kërkojnë qe brenda tyre te këtë respekt edhe për individualitetin e tyre.
Kështu, kohët e fundit ai ka realizuar edhe një studim te posacem lidhur me një fakt te tillë, sipas te cilit, djemtë e sotëm i jetojne qe te dyja, edhe seksin, edhe dashurinë. Tashme këto te dyja nisin t'i godasin ata qe ne moshat 13-14 vjeçare, ndryshe nga brezat e meparshem, kur ky kufi ka qenë i zhvendosur ne kufijte e 17-18 vjeç. Sipas sociologeve, te rinjtë e sotëm preferojne qe t'u japin me shumë hapësirë studimeve të tyre, punës, si edhe hapesirave te tjera te jetës, sesa te kapurit dorë për dorë me partneren, siç ka qenë kohe me pare. Madje, sipas tyre, te rinjtë e sotëm nuk i tërheq me as e fjetura se bashku me partneren. Ne vend te kësaj preferojne me shumë te shkojnë ne lokale nate e te argëtohen me miqte e tyre, duke e justifikuar këtë para tyre me faktin se ata kanë te drejtë te kenë hapësirat e tyre te lira.

Të gjitha këto tregojnë, qe modeli i cifteve te sotëm ka ndryshuar, ndryshe nga brezat e meparshem, kur ne çift ka pasur marredhenie te tjera, te cilat ishin me te qarta dhe me te saktesuara. Sot është ne mode, qe ciftet te lidhen shumë shpejt. Dhe nga ana tjetër vazhdohet tradita, qe ato te martohen shumë me vonë se me pare. Ne fakt, duket se ka një tërheqje nga tradita e vjetër, qe ishte martesa. Por edhe nga ajo me bashkekohorja, bashkejetesa. Këtë te fundit te rinjtë preferojne ta bëjnë vetëm ne fazen kur janë njohur shumë me partnerin, se me pare preferojne qe te qendrojne vetëm. dhe t'ia bëjnë te qartë partnerit të tyre ne çift se me e rëndësishme se çdo gjë për ta është vetëm liria dhe hapësirat individuale.

Të rinjtë e sotëm kanë edhe një dëshirë te fortë për te pranuar me goje te plotë, se cilat janë interesat e tyre ne jetë. Ata tashmë nuk i fshehin me ato dhe janë ne kerkim te të gjitha rrugëve te mundshme për t'i permbushur. Dhe sa i përket kufirit te moshes për te bërë seks, kjo e fundit, sipas sociologeve, është duke u ulur gjithmonë e me tepër. Madje disa here arrihet deri nën moshen 12 vjeç. Dhe si pasoje, pas një periudhe te gjatë te ushtrimit te seksit, në vend qe të pretendojmë se ne moshen e rinise se pjekur do të arrihej ne te pasurit e lidhjeve te qendrueshme, arrihet ne një pikë te uljes se deshirave seksuale. Kjo situate, me shumë e dukshme ne Shtetet e Bashkuara te Amerikes, perfundon me te pasurit një brez shumë te terhequr nga dëshirat e bukura te jetës dhe nga vete dashuria. E kjo, pasi seksi tek ata perfundon para dashurisë.

Shoqeria
Kerkimi i individualizmit, për faj te modernizmit
Qe te rinjtë e sotëm janë gjithmonë e me tepër ne kerkim te individualizmit duket se nuk është edhe aq për faj të tyre. Por me shumë duhet te jetë për faj te shoqerise moderne te kohëve te fundit, e cila është drejt largimit te njerëzve ndaj njeri-tjetrit dhe kerkimit te hapesirave te lira. Mbi një gjë te tillë duket e bindur edhe sociologia, Ana Oliverio Ferraris, e cila merret me studimin e moshes evolutive. E mbi këtë gjë ajo garanton se për ta vërtetuar e kuptuar një situate te tillë është e mjaftueshme te shohësh kartonet e animuar, librat për fëmijë apo kanalet, si Disney. Brenda tyre, çdo gjë është një nxitje drejt dukurise se individualizmit, idesë për t'ia dalë vete mbane dhe për te gjetur me çdo kusht forcat tek vetja përballë situatave te vështira. Ndoshta për një fakt te tillë, edhe një studim, i realizuar mbi shumë cifte te martuarish, tregoi se ata mendonin qe një ndarje e gjerave ne çift e nderton me mirë atë dhe con padiskutimisht ne një mungese te konflikteve. Kështu, ne këto cifte, ne masen prej 86.2 për qind respektohej liria personale e secilit.
Aristoteli kishte te drejtë: Erosi te ndahet nga miqesia!

Të rinjtë e sotëm duket se po perjetojne një dukuri te ngjashme me atë qe Aristoteli e ka shpjeguar ne kohët e Greqise se Lashte.
Sipas tij, miqesia solidarizuese dhe bashkepunuese duhet te jetë e ndare nga erosi, pikërisht nga ai pasion, i cili na mban frymemarrjen dhe justifikon sjelljet e pabesueshme dhe te cmendura tonat. Kështu, Eva Kantarela, e cila është një studiuese e antikitetit, tregon një kujdes të madh ndaj tematikave femerore. Sipas saj, te rinjtë e sotëm janë duke përjetuar vërtetë një periudhe historike. Kështu, liria e te rinjve ne zgjedhjet e tyre, për ciftet tani është një gjë totale dhe jo vetëm kundrejt familjes, por edhe ndaj shoqerise. Ata nuk kanë me nevojë te justifikohen para një shoqerie, e cila deri dje u impononte me force martesen, si një rregull te detyrueshem, duke i qëndruar idesë se ndjenja duhet te jetë e ndare nga erosi. Dhe se liria personale është me e rëndësishme se barazia ne çift.
Bashkejetesat, brenda vitit 2031 shtohen deri 250 %

Kushte gjithmonë e me te keqija shendetesore për njerëzitë e vetmuar. Nga ana tjetër, fëmijët e cifteve te martuar shkojnë me mirë me mesime në shkollë, krahasuar me fëmijët e atyre qe vijnë nga bashkejetesa dhe jo martesa e prinderve. Këto janë rezultatet e një studimi, te kryer ne Britanine e Madhe, vend ky ku bashkejetesat janë shtuar me 65 për qind vitet e fundit. E sipas te dhenave te këtij studimi, deri ne vitin 2030 pritet një rritje e tyre ne nivelin prej 250 për qind. Martesa duket se është një dukuri, e cila bën qe te jetë ne nivele me te larta shendeti i fëmijëve, si edhe ai i dy partnereve brenda saj. Kështu, fëmijët e cifteve qe bashkejetojne e kanë deri ne 10 për qind mundësinë, qe te ndjekin studimet universitare, krahasuar me deri ne 50 për qind, qe e kanë këtë mundësi fëmijët e atyre, qe janë te martuar.