TRAGJEDIA "GERDEC"

nga **Andi** 2008-03-15, 17:03

Shperthim i fuqishem ne Gerdec te Vores. Sot rreth ores 12:10 Dt.15/03/2008 eshte degjuar nje shperthim i madh ne Tirane dhe Durres.Ky shperthim ka ndodhur ne nje depo municionesh me armatime te renda.Ende nuk dihen shkaqet.Demet materiale dhe njerzore jane te medha.

PAMJET E SHPERTHIMIT MUND TI SHIKONI KETU

nga **NEO** 2008-03-15, 23:25

nga **NEO** 2008-03-16, 13:18

Eshte pare flake. eshte degjuar nje shperthim. eshte degjuar nje shperthim i dyte, nje i trete paksa me i fuqishem, dhe me pas shperthimi fatal. Ora shenonte 11:45 te mesdites se djeshme, kur shperthimi i degjuar deri ne Maqedoni ishte shenja e pare e katastrofes qe kishte ndodhur ne Gerdec, 14 kilometra nga Tirana. Depoja ushtarake, e kthyer ne fabrike per grumbullimin e predhave e municioneve te vjetra te ushtrise, me qellim caktivizimin dhe asgjesimin e tyre, kishte shperthyer. Predha dhe copa predhash qe fluturonin deri ne 4 kilometra nga depot e ndezura ne flake. Shperthimet kishin rrafshuar krejt godinat ku kryhej procesi i caktivizimit te predhave e municioneve. Fuqia e shperthimit dhe copat e predhave qe binin nga lart kane shkaterruar gati plotesisht banesat, qendrat tregtare dhe gjithcka tjeter ne nje rreze prej 5 kilometrash. Shperthimet e papritura dhe te njepasnjeshme kane zene ne gracke mijera familjet qe banonin ne shtepite prane depove, apo ne qendrat tregtare apo automjetet qe kalonin ne ato momente ne autostraden Vore-Durres. Ka qene nje pakujdesi e punetoreve, nje gabim njerezor ne cmobilizimin e municioneve, apo pasoje e komponenteve te vjeter te ketyre municioneve qe cmontoheshin.

Ngjarja

Goditja nga shperthimi, i nje autobusi pasagjeresh te linjes Tirane Durres DR 2078 E, me mbi 30 pasagjere dhe rreziku i automjeteve te tjera qe leviznin ne autostraden Tirane-Durres, ka detyruar policine qe si masa emergjente te bllokonte levizjet ne autostrade. Drejt vendit te ngjarjes jane nisur menjehere automjetet zjarrfikese, sherbime te shumta te policise se Tiranes dhe atyre speciale, dhe nje numer i konsiderueshem forcash ushtarake. Policia krijoi nje korsi emergjence ne autostrade. Ministria e Shendetesise dhe ajo e Mbrojtjes ka shpallur gjendjen e emergjences ne spitalet e Tiranes dhe te Durresit. Policia dhe ushtria kane nisur te kryejne evakuimin e banoreve te shtepive qe ndodheshin prane rrezes se goditjes nga predhat. Per evakuimin jane perdorur edhe helikopteret e Ministrise se Brendshme dhe te Mbrojtjes. Forcat speciale kryenin kontrolle ne banesat gjysme te rrezuar dhe te rrezuara plotesisht per te nxjerre te plagosurit dhe personat e tjere qe ishin ne nevoje. Deri ne mbremje, ne spitalet e Tiranes dhe Durresit kishin mberritur 243 te plagosur dhe kater te vdekur. Kurse 600 forcat e policise se Tiranes dhe gati 200 forca te tjera te policise speciale dhe policise se Durresit, rrezikuan jetet e tyre per te evakuuar mbi 4000 banore. Gjate procesit te evakuimit mesohet te jene plagosur rende edhe 4 forca policie.

“Hiroshima” shqiptare, bilanc tragjik

Shperthimi ne Gerdec te Vores ka marre trajten e nje Hiroshime Shqiptare. Te pakten pese vete jane zyrtarisht tashme te vdekur nga tragjedia e rende e ndodhur mesditen e djeshme. Autoritetet lokale te zones raportojne gjithashtu edhe per pese te tjere qe nuk u pergjigjen telefonatave te bera nga zyrtaret lokale. Nderkohe qe deshmimtare te ngjarjes brenda fabrikes raportojne per dhjetra punonjes qe kane humbur jeten.
Por bilanci i luftes se pashpallur nuk mbyllet ketu. Ne spitalin ushtarak te Tiranes dhe ne spitalin e Durresit deri ne oret e vona te mbremjes se djeshme, jane derguar rreth 243 persona, te cilet jane plagosur rende si pasoje e shperthimeve qe kapen rrezen e 4 kilometrave.

Viktimat

Zyrtarisht gjate dites se djeshme u tha se jane konfirmuar vetem tre nga pese viktimat ne morgun e Tiranes. Behet fjale per Rajmonda Durda, 45 vjece, Jetmir Sali Balazhi, 19 vjec dhe Muhamed Hoxha, 60 vjec. Perpos ketij konfirmimi, burime jozyrtare jane shprehur se ne vendin e ngjarjes jane te pakten 40 persona te vdekur. Sakaq, teksa i afroheshe vendit te shperthimit, shikoje karvane te tere me njerez te cilet te frikesuar kishin braktisur banesat e tyre dhe mundoheshin te shpejtonin t’i largoheshin sa me shume zones se nxehte, e cila nga shume banore eshte krahasuar me Hiroshimen, pasi shperthim te tille nuk kishin perjetuar me pare.

Situata

Nderkohe qe ne pjesen e autostrades Vore-Marikaj, shikoje disa autovetura dhe kamione te demtuara nga shperthimi dhe te braktisura. Ne momentet e para pas shperthimit, rrezja e te cilit shkaktoi deme ne nje largesi me shume se nje kilometer, njerezit ishin te traumatizuar dhe ende nuk e besonin ate qe kishte ndodhur, pa marre parasysh faktin qe shperthimet e fuqishme vazhdonin dhe jeta e tyre mund te rrezikohej. Situata filloi te behej me dramatike, kur te aferm te familjeve qe banonin prane vendit te shperthimit jane afruar dhe kerkonin me sy mes karvaneve te njerezve se mos dallonin familjaret e tyre. Rreth nje ore nga shperthimi i pare, prane vendit te ngjarjes mberriten automjete te shumte te ushtrise, nderkohe qe nga ajri filluan te patrullonin zonen helikoptere te ushtrise dhe policise. Numri i autoambulancave shkoi ne disa dhjetera te tilla, te cilat vinin edhe nga qytete te tjera, si Kruja, Kavaja, dhe Shkodra. Ne pamundesi per t’iu afruar vendit te ngjarjes, ku edhe demet ne njerez dyshohen se jane me te medha, policia dhe sherbimet mjekesore filluan te kontrollonin banesat qe kishin nje fare largesie nga vendi i shperthimit. Por edhe mberritja e forcave te shumta te policise dhe ushtrise nuk munden te vinin nen kontroll situaten. Rreth ores 14:00, ne pjesen e autostrades prane vendit te shperthimit ishin rreshtuar me dhjetera mjete, te ushtrise dhe policise si dhe brigada te tera me ushtare, te cilet qendronin ne pritje, ne pamundesi per t’iu afruar vendit te ngjarjes. Nderkohe, prane gordonit te sigurise nga policia dhe ushtria filluan te mblidheshin dhjetera banore, te cilet interesoheshin per fatin e personave qe banonin prane zones se shperthimit, nderkohe qe disa edhe jane konfrontuar me forcat e policise, pasi nuk u jane bindur urdhrit per te mos kaluar gordonin e sigurise. Pas ores 14:00, ne Qender-Vore filluan te mberrinin me helikoptere disa te mbijetuar prane zones se shperthimit, nderkohe qe helikoptere te tjere merrnin drejtimin e Spitalit Ushtarak apo Qendres Universitare Spitalore.

Shperthimet vazhdonin edhe gjate nates

Shperthimet e municioneve dhe predhave kane vazhduar edhe gjate nates, ndersa e gjithe zona e fatkeqesise ishte e mbushur me predha te shperthyera dhe te pashperthyera, duke bere nje rrezik potencial per banoret e kesaj zone. Territori mbarte ende rrezikshmeri te larte, ndaj policia nuk ka lejuar banoret te kthehen ne banesa. Edhe vete banoret nuk kane pasur zgjedhje tjeter, vec te strehohen te te afermit e tyre ne qytetet dhe fshatrat e tjera, pasi shtepite vecse te pasigurta, jane kthyer te pabanueshme, per shkak te demtimeve te renda. Deri ne oret e mbremjes konfirmohej se autoblindat e ekipeve te shpetim-kerkimit i jane afruar deri ne 10 metra asaj qe duhej te ishte rrethimi i fabrikes.

Gerdec,flasin punetoret e fabrikes se ‘SAIC’

Punetoret e fabrikes ku ndodhi shperthimi nuk trajnoheshin. Keshtu tregon nje nga punetoret e firmes amerikane “Saic” te kontraktuar nga qeveria shqiptare per cmiminin e municioneve. “Ne nuk trajnoheshim asnjehere. Fillonim punen pa u trajnuar” tregon punetori I fabrikes per tv News24. sipas ketij punetori autoritetet e “Saic” u qendronin vetem 10 minuta personave qe punesonin, sa per t’u shpjeguar punen dhe pastaj largoheshin. “Autoritet e ‘SAIC’ nuk na mbikqyrnin” u shpreh me tej punetori.
Nje tjeter punetor, I cili ka punuar ne fabrike ne dy javet e para te hapjes se saj rreth 1 vit me pare, tregon se ne fabrike nuk te jepte askush garanci per jeten. Sipas tij aty behej nje pune kolosale, nderkohe qe punetoret punonin per nje shifer shume te vogel. “Pagesa ishte 150 mije leke ne muaj” tha deshmitari, ish punetor ne fanriken per zhbllokimin e armatimeve te renda.

Ministria e Mbrotjes: 1000 trupa ne operacion

1000 trupa te ministrise se Mbrojtjes do te fillojne ne oren 8:00 nje operacion per gjetjen dhe largimin e personave te mbetur ne fshatin Gerdec. Gjithashtu ata do te terheqin nga fshati dhe trupat e viktimave qe do te gjejne. Operacioni do te kryhet nga forcat e Xhenios dhe Antiminave. Keto forca do te kryejne kontrolle ne cdo banese
te zones. Shperthimet ne zonen e Gerdecit kane pushuar rreth ores 2:00 pas mesnate.

Vore,flet kreu i Bashkise,Fiqiri Ismaili

Kreu i bashkise se Vores hedh poshte fjalet se ne zone kane filluar plackitjet. Ne nje prononcim per tv News24, zoti Fiqir Ismaili tha se ne zone nuk ka me shperthime. Sipas tij shume shpejt banoret do te fillojne te kthehen ne banesat e tyre, tashme te braktisura nga frika e shperthimeve te tjera.
Tragjedia e Gerdecit, Maqedonia dergon rezerva gjaku
Spitali Ushtarak edhe sot eshte ne gatishmeri te plote per te pritur persona te plagosur nga shperthimet ne fshatin Gerdec. Shefi I pavionit te traumes ne kete spital Fatos Olldashi shprehet 5 persona jane derguar drejt Greqise per te marre nje ndihme me te specializuar. Mjeku konfirmon se aktualisht nuk ka probleme me rezervat e gjakut, perkundrazi ka mjaft rezerve. Nderkaq Maqedonia ka derguar ne kete spital 200 unite gjak dhe 200 plazme. Helikopteri meqedonas eshte ulur ne oborrin e spitalit pak caste me pare.
QSUT, 7 te lenduar nisen sot drejt Italise
Paraqitet e stabilizuar mengjesin e sotem gjendja ne urgjencen e Qendres Spitalore Universitare ne Tirane. shefi I ketij sektori, Ylli Zicishti konfirmon lajmin. Mjeku shprehet gjithashtu se 7 prej te lenduarve do te nisen sot drejt Italise, ndersa nenvizon se dy prej tyre jane ne gjendje teper te rende.
Nderkaq familjaret e te lenduarve ndodhen ne ambjentet e QSUT ndersa shfaqen shume te shqetesuar dhe traumatizuar.

QSUT, vdes 19 vjecarja

Ndahet nga jeta nje tjeter e lenduar nga shperthimet ne Gerdec. 19 vjecarja Resmija Krajna nuk ka mundur ti rezistoje plageve. Ajo ka vdekur vetem pak caste para largimit per ne Itali, ku do dergohej per te marre nje kurim me te specializuar per djegiet e shkaktuara nga shperthimet.

Nishani: Ne momentin e shperthimit ne fabrike kane qene 121 punetore

Operacioni per te zbuluar te mbijetuarit por edhe viktimat ne Gerdec vazhdon ende. Ministri I brendshem Bujar Nishani, deklaroi per News 24 se ne vendngjarje ndodhen forcat e rendit, forcat komando, Renea, forcat e reagimit te shpejte, te cilet kane rrethuar zonen ne nje perimeter te caktuar. Pjesa tjeter e forcave te rendit kane teresisht situaten nen kontroll persa I perket ceshjtes se rendit public ne Vore dhe perreth. Sipas ministri Nishani, pervec ruajtjes se zones per mos hyrjen e personave ne zone, pjesa tjeter I mbetet specialisteve per te pastruar zonen nga armatimet. Ministri Nishani deklaroi se ne momentin e shperthimit, sipas nje liste te identifikuar, ndodheshin 121 punetore, ndaj dhe bilanci i viktimave mund te rritet. Per momentin, numri zyrtar I viktimave eshte pese.

nga **NEO** 2008-03-16, 13:19

Deshmitari Eljon Shkurti: Nuk jam trajnuar kur kam filluar punen ne fabrike

Nje nga banoret e fshatit Gerdec, Eljon Shkurti, i cili punonte ne fabriken ku ndodhi ngjarja e rende deklaroi se ne momentin e shperthimit, ndodhej ne shtepi me nenen e tij dhe nusen e vellait. Me te degjuar shperthimin, 18 vjecari tha se se bashku me anetaret e familjes kishin dale dhe ishin futur ne tunel. 18 vjecari deklaroi se detyra e tij ne kete fabrike ishte qe te mbushte pocat me fisheke, nderkohe qe procedurat e tjera kryheshin nga punetoret e tjere. Ai tha se per te bere kete pune nuk kishte marre asnje trajnim. Sipas Shkurtit, pagesa ishte 150 mije leke te vjetra ne muaj nderkohe qe ne kete fabrike punonin shume gra te cilat kishin si detyre hapjen e arkave te municioneve. 18 vjecari shprehet per News 24 se ne fabriken ku ai punonte vinte shpesh edhe nje shtetas Gjerman i quajtur Dejvi. Punetori I SAIC tha se drejtuesit e kompanise nuk vinin asnjehere per t’i mbikeqyrur.

Trupa e Xhenios ne vatren e shperthimit

Trupat e xhenios kane hyre ne vatren ku ka ndodhur shperthimi. Ata gjenden pas metra larg vendit ku ndodhi ky shperthim, nderkohe qe jane te veshura me tutat e nevojshme per operacione te tilla dhe jane te pajisur me mjetet perkatese. Ata nuk kane hyre ende ne tunele, ku besohet se ka persona te strehuar qe pas fillimit te shperthimeve, dje rreth mesdites.
nderkaq ka filluar simulimi I shperthimeve. Vendi eshte mbushur me predah te paplasura te cilat paraqesin nje rrezik te madh. Simulimi I shperthimit te tyre po behet me qellim evitimin e rrezikut te tyre.

Berisha: Identifikohen 2 viktima te tjera nga shperthimet

Rritet numri i viktimave si pasoje e shperthimeve te
ndodhura dje ne nje fabrike cmontimi municionesh ne fshatin Gerdec ne Vore. Konfirmi vjen nga kryeministri I vendit, zoti Sali Berisha. Ne nje prononcim per mediat pas nje vizite te kryere serish sot te plagosurve ne spitalin Ushtarak, kreu i qeverise tha se jane gjetur dhe identifikuar 2 viktima te tjera, nderkohe qe rezultojne te zhdukur nga rradhet e punetoreve qe punonin ne fabrike 10 persona te tjere. Berisha shtoi se po vazhdon operacioni I kerkim- shpetimit ne kete Gerdec, ndersa nenvizoi se ka nje rritje te numrit te viktimave.
Pas kontaktit me gazetaret kryeministri u nis drejt Vores, per t’iu bashkuar ministrit te Brendshem dhe zyrtareve te tjere qe tashme ndodhen atje. “Megjithe veshtiresite e nates, te plagosurit jane ne teresi me mire. Jane nisur mbreme per mjekim me te thellluar ne Greqi 5 te semure dhe 4 per ne Itali. Shpreh mirenjohjen me te thelle para mjekeve e punonjesve te ketij spitali, QSUT-se, Durresit, Krujes si dhe ndaj qytetareve qe dje vullnetarisht u afruan prane ketyre qendrave per te ndihmuar keta te semure. Spitali Ushtarak ka trajtuar dje 160 te plagosur. Tani ka 37 te plagosur. Mjeket kane kryer nderhyrje nga me te komplikuarat, por te gjithe kane dale me mire nga salla e operacioni. Eshte nje rast per te falenderuar me mirenjohje qeverine italiane e greke per gatishmerine qe treguan dhe ndihmen qe po japin per te plagosurit” tha Berisha.

Deshmitaret: Kane vdekur 3 persona te familjes Deliu

Shtohet numri i viktimave te shperthimeve te djeshme. Kete rradhe behet fjale per 3 pjesetare te familjes Deliu. Ata jane Liliana Deliu, Flavio Deliu dhe Kuran Deliu, nderkohe qe nuk dihet ende fati i Jetmir Deliut. Nderkaq familjaret e tyre, te gjendur ne ambjentet e QSUT, jane ne nje gjendje shok-u pas lajmit te marre. Ky lajm konfirmohet nga familjare te viktimave, por nuk eshte konfirmuar ende zyrtarisht.

Shperthimet, kryeministri Berisha ne Gerdec

Mberrin ne fshatin Gerdec kryeministri I vendit. Berisha po viziton shtepite e para te shkaterruara, nderkohe qe ndiqet nga afer edhe nga reporteret. Vihet re se rruget jane te mbushura me predha te paplasura. Ne vendngjarje kane aerdhur dhe 2 ministrat e brendshem Ferdinand Pone dhe Genti Strazimiri.
Nderkaq pak minuta me pare ne Gerdec ndodhi shperthim I fuqishem. Ai beri qe forcat e ushtrise ne vendngjarje te largoheshin nga vendngjarja. Nga shperthimi nuk ka patur te lenduar. Ekziston frika se si pasoje e temperaturave te larta ne zone mund te shperthejne predhat e paplasura. Ne kete situate rreziku eshte I madh per personat qe po vijne ne fshat per te pare nga afer situaten dhe shtepite e tyre.

Shperthimet, flet perfaqesuesi i firmes SAIC

Menaxheri i kompanise Southern Ammunition Company, David Bekshalde, kompani e cila kishte kontraktuar kompanise shqiptare per cmontimin e minave dhe municioneve, deklaroi ne nje interviste per News 24 se kontrata me kompanine shqiptare kishte perfunduar qe ne dhjetor te vitit 2007. Sipas tij, kjo kompani kishte trajtuar punonjesit ne klasa por edhe ne terren perpara se te punesoheshin per cmontimin e minave. Bekshalde shprehet se kompania SAC ka punesuar profesioniste te vertete, dhe se kontratat ishin te rregullta. Sipas tij, asnje I punesuar nuk ishte I pakualifikuar dhe se deklaratat e ndonje deshmitari se nuk kishte pasur trajnimin e duhur nuk ishin te verteta.
Bekshalde deklaroi se kompania SAC, kishte pervoje ne cmontimin e minave dhe municioneve dhe se gjate kohes qe kompania drejtonte punen, ishin bere perpjekjet maksimale qe kushtet e sigurise te ishin maksimale.

Berisha ne Durres, do vizitoje banoret e mbetur pa shtepi

Kryeminsitri Berisha u largua vetem pak minuta qendrimi ne hyrje te fshatit. Tashme ai eshte drejtuar drejt qendres se Kovalishences ne Durres, ku jane akomoduar shume prej banoreve te fshatit Gerdec.
Rifillon levizja e trenave te linjes Durres- Tirane
Zyra e Shtypit e Kryeministrit njofton se do te filloje levizja e trenave ne aksin rrugor Durres – Tirane. Shinat hekurudhore nuk kane demtime dhe zona ku ato kalojne nuk paraqet asnje rrezik.

Topalli tek Ushtaraku: Faleminderit mjekeve dhe gjithe ushtarakeve

Kryeparlamentarja Topalli pas nje vizite te kryer sot ne ambjentet e spitalit Ushtarak, ku ka vizituar te tgjithe te plagosurit qe gjenden atje, ka shprehur falenderimet e saj per ekipin e mjekeve dhe gatishmerin e treguar prej tyre ne nje situate te tille. “Ne spital kane kaluar 169 te demtuar te shkalleve te ndryshme. Sot kane mbetur 5 prej tyre. Ne Greqi jane derguar 3 te tjere ndersa ne Itali 37 te semure. Falenderoj njerezit per gatishmeri qe kane pasur per dheniet e gjakut. Falenderoj mjeket, stafin per menyren e organizimit dhe te menaxhimit te kesaj situate, pilotet, RENEA-n, jane heronj; por dhe trupat e xhenios qe kane shkuar per te krehur vendin sepse ne zone ka ende pmunicion” tha Topalli.
Nga ana tjeter, drejtori I spitalit Ushtarak, Bedri Miho shprehu falenderimin e tij per “mediat dhe pasqyrimin qe I kane bere ngjarjes, shtetet qe ofruan ndidhmen e tyre permes sjelljes se dozave te gjakut dhe kliniken turke qe gjithashtu eshte gjendur prane mjekeve te Ushtarakut per te dhene ndihmen e tyre”.

Ngjarja e Gerdecit, ngrihet grupi hetimor

Prokuroria e Pergjithshme ka ngritur grup hetimor qe nga dita e djeshme ,15 Mars 2008 rreth ngjarjes me te fundit ne fshatin Gerdec te Vores. Ne perberje te grupit hetimor jane disa prokurore, oficere policie dhe eksperte. Gjate dites se djeshme jane marre disa deklarime te personve qe kane qene pjese e kesaj ngjarje dhe qe jane ndodhur prane saj, persona te cilet ishin ne gjendje per te folur dhe mund te pyeteshin ne spitale.Te dhenat e para jane mbledhur nga deshmitaret e gjendur ne spitalet e Tiranes dhe Durresit. Eshte mbledhur nje pjese e dokumentacionit dhe pritet qe te merren te tjera te dhena qe jane me interes per hetimin e kesaj ceshtje. Ajo qe pritet eshte qe grupi i eksperteve t’i afrohet vend ngjarjes, pasi deri diten e djeshme ka qene e veshtire depertimi apo dhe shkuarja ne vend ngjarje. Pritet qe dita e sotme te jete me aktive per te mbledhur me shume detaje rreth ngjarjes. Ne keto kushte jane duke u ndermarre veprime per te hetuar cdo pike te mundshme qe i sherben hetimit te ngjarjes. Grupi hetimor drejtohet nga Prokurori i Tiranes Genti Xholi dhe zevendesi i tij, bashke me prokurorine e Tiranes eshte duke punuar edhe Prokuroria e Durresit. Mbledhjen e te gjitha veprimeve atje eshte duke e kryer Prokurori i Durresit Arjan Ndoi. Cdo veprim po kryhet ne bashkepunim me policine e shtetit.

Policia: Nuk ka shperthime zinxhir ne Vore

Drejtoria e Pergjithshme e Policise se Shtetit permes nje njoftimi per shtyp siguron qytetaret ne Vore dhe banoret e zonave rreth saj se nuk ka me rrezik per shperthime masive. Policia e Shtetit njofton se shperthimet ne kete zone do te jene vetem sporadike dhe te nxitura nga ekspertet e xhenios. Drejtoria e Pergjithshme e Policise se Shtetit pergenjeshtron te gjitha informacionet e dhena per shperthime masive ne kete zone dhe fton median te mos japi informacione te pakonfirmuara, duke krijuar keshtu panik te banoret rreth kesaj zone. Ne kete zone aktualisht ndodhen drejtues te larte te qeverise shqiptare, si dhe rreth 1000 punonjes te tjere qe punojne per cmontimin e predhave. Policia e Shtetit ne kete rast fatkeqesie kerkon mirkuptimin e qytetareve dhe mediave qe te mos nxitohen ne informacionet qe japin.

nga Guest 2008-03-16, 20:06

ne deri tani na ka ruajtur zoti se me ate gjendje te jashte zakonshme ku nuk kemi as basat e siguris per personin nje vllad na duhet dhe shqipria morri fund...

tamam keshtu qenka ber , Hiroshima shqiptare... !!

dit e hidhur per shqiperin dhe shqiptaret kudo qe ndodhen neper bot jo vetem per familiet e derrmuara!

nga Adem Berisha 2008-03-17, 11:38

Bashkëndiej me gjithë familjarët që humben më të dashurit e tyre në tragjedinë e Gërdecit të Vorës dhe iu shpreh atyre ngushllimet e mia më të sinçerta.
Uroj që gjithë të lenduarit sa më shpejtë dhe lehtë të sherohen dhe tejkalojnë vështirësitë e tyre.
I përgëzojë dhe falenderoj gjithë vllezërit dhe motrat që kanë dhënë dhe po japin kontributin e tyre në gjithë mënyrat e mundëshme duke dhuruar edhe gjak.
Ju lumtë, vllau ka borxhe të mëdha për vëllanë.

nga **NEO** 2008-03-21, 09:40

Sot, pothuajse nje jave mbas tragjedise se Gerdecit, po dalin ne drite prapaskenat, personazhet, suportet politike... pra me nje fjale Mafia.

Deklaratat e Trebickes bejne te qarte se blerja duhet te ishte realizuar me 22 dollare per kuti fishekesh. Por menjehere me hyrjen ne loje te firmes Evdin Ltd, kjo shifer shkoi ne 40 dollare, apo 18 USD me shume. Ne 100 milione fisheke, çmimi behej nga MEICO tek Evdin e me pas tek AEY me 1.8 milione dollare me shume. Kjo u realizua nga kompania seksere, per te cilen, ka ende dyshime per ekzistencen.
Korrupsioni” ne tregtine e armeve per t’i derguar ato drejt Afganistanit, ngre nje varg dyshimesh dhe zbardh ne menyre perfundimtare skemen sesi eshte operuar per kete tregti. Ne 23 mars 2007 USA Army ka caktuar firmen amerikane AEY inc per blerjen e nje sasie te konsiderueshme municionesh nga kompania shqiptare MEICO.
Por pa sqaruar arsyet, kompania amerikane, sipas nje letre te 17 prillit 2007, pra vetem pak dite pas marrjes se vistos nga US Army, vendos nje nenkontraktor qipriot, firmen ‘’Evdin ltd’’ me qender ne Larnaca ne Qipro. Nje firme qe rezulton si firme fantazme. Sipas letres se kompanise amerikane, kjo firme do te marre persiper te beje te gjithe gjetjen e marrjen e municioneve nga kompania MEICO. Behet fjale per rreth 100 milione cope fisheke per arme te kembesorise, ku me ndermjetesimin e ‘’Evdin ltd’’ (pra firma qipriote) do te merreshin me 40 dollare per 1000 cope: nese AEY do ti kishte blere direkt, do t’i kishte paguar vetem 22 dollare.

Dyshimi
Amerikanet ne letren e tyre thone se kane qene ata qe kane zgjedhur firmen qipriote Evdin. Por Kosta Trebicka, perfaqesues i Xhoi shpk, pretendon se firmes amerikane i eshte bere presion nga ana e Ylli Pinarit, drejtorit te kompanise shteterore MEICO, per te ndryshuar kontratat dhe per te vendosur firmen Evdin ltd si ndermjetes. Ne Shqiperi kishte kishte ndodhur nje tjeter procedure: Efraim Diveroli, perfaqesues zyrtar i kompanise amerikane kerkon te perfaqesohet per ambalazhimin e municioneve dhe shoqerimin e tyre ne avione nga XHOI shpk e Kosta Trebickes. Por ne menyre te papritur pas pak ditesh, MEICO vendosi te zevendesoje Trebicka me Mihal Deljiorgjin. Eshte interesante te lexosh pergjimet qe vete Kosta Trebicka i ka bere telefonatave te tij me Efraim Diveroli.

Pergjimi
Diveroli:...Une kame qene 100 perqind me ty. Nuk ta hoqa une kete pune. E kupton kete? S’kam lidhje fare me kete çeshtje. Edhe pse Pinari me ka pyetur, madje me ka bere presion, une nuk e kam mbeshtetur asnjehere nje vendim te tille. Jam shume i merzitur dhe shume i shqetesuar.
Trebicka: Ai eshte ende duke punuar me Henry?
Diveroli: Mendoj se eshte ende duke punuar me Henrin. Une jam ende duke punuar me Henrin. Une duhet te punoj me Henrin. Une po punoj me Henrin.
Pra nga pergjimi rezulton se drejtuesi i firmes amerikane Diveroli, jo vetem qe nuk ishte dakort me zevendesimin e Trebickes me Deljorgjin, por duket si i detyruar nga “ai” te punoje me Henrin, pra me firmen Qipriote. Kush eshte “Ai”? Sipas Trebickes eshte Ylli Pinari, drejtori i MEICO-s, qe ka marre urdher nga “shefat e tij”.
Prokuroria shqiptare ka per detyre tani te zbuloje cila eshte e verteta.

Nga Qipro ne Bosnje
Deklaratat e Trebickes bejne te qarte se blerja duhet te ishte realizuar me 22 dollare per kuti fishekesh. Por menjehere me hyrjen ne loje te firmes Evdin Ltd, kjo shifer shkoi ne 40 dollare, apo 18 USD me shume. Ne 100 milione fisheke, çmimi behej nga MEICO tek Evdin e me pas tek AEY me 1.8 milione dollare me shume. Kjo u realizua nga kompania seksere, per te cilen, ka ende dyshime per ekzistencen. Nga dokumentacioni i paraqitur nga qeveria shiqiptare, zyrtarisht evdin ltd ka seli ne Larnaca kryeqyteti i qipros, ne adresen Thermopylon, nr 1. Por nga investigimi shume i thjeshte ne fakt rezulton se ne kete adrese firma Evdin ltd nuk ka as zyra. “Selia” e tij reale, ndodhet ne Bosnje Hercegovine ne kantonin Xenicko Dobogski, ne jug te federates. Nje nga perfaqesuesit e tij prezantohet me emrin Adnan per te cilin nuk dihet asgje me shume. Nga kjo rezulton qe gjithe operacioni i shitjes nga MEICO me firmen Evdin ltd jane bazuar ne informacione te nje firme me adrese falso.
Kompania EVDIN Ltd, u prezantua ne Shqiperi tek MEICO nga Heinrich Thomet, i cili eshte nje personazh shume i njohur ne tregtine e armeve, i permedur per afera te dyshimta edhe ne raporte te organizatave te ndryshme nderkombetare. Ai eshte perfaqesues i firmes zvicerane te tregtimit te armeve Brugger&Thomet, si dhe i firmes AG-BG International. Raporti i Amnesty International mbi trafikun e armeve e permend emrin e tij nepermjet Izraelit, sebashku me ish-atasheun ushtarak te ketij vendi ne Zvicer, i cili eshte nen hetim ne Izrael, per trafik nga Bosnje Hercegovina, Serbia dhe Maqedonia. Parlamenti zviceran ka zhvilluar nje seance hetimore ne lidhje me kete çeshtje.
Firma qipriote qe perfaqesohej nga Henry e blinte me letra municionin shqiptar me çmim 22 USD/1.000 cope, nderkohe qe kontraktorja amerikane AEY Inc. paguhej 40 USD/1.000 cope fisheke. Sipas qeveria shqiptare gjithçka eshte trasparente dhe ne respekt te plote te ligjit. Por si mund te japin garanci, nga Kryeministri Berisha dje ne Kuvend, deri tek ish ministri Fatmir Mediu (mbreme ne konferencen per sthyp), per nje firme fantazme?
Vlera prej 1,8 milione dollaresh eshte shifra vetem per kontraten e 100 milione fishekeve te nisur drejt Afghanistanit deri ne nentor te vitit 2007. Por kontrata qe ka AEY Inc me Pentagonin, kontrata vazhdon deri ne dhjetor 2008, per nje vlere totale prej 298 milion dollare.
Me te hyre Delijorgji, me kompanine e tij Albademil ne loje, pazari u be me i rende. Duke futur tashme ne valle, jo vetem fisheket, por predhat e artilerise me te rende ne dispozicion te forcave te armatosura shqiptare.
eshte e veshtire te parashikohet se ne cilin destinacion shkonin predhat. Madje, nuk dihet ne se ato shkaterroheshin te gjitha apo jo. Veshtire qe ne demolimin e predhave te renda MEICO te kishte nje kontrate me Pentagonin, pasi ushtria afgane merrte prej tij vetem armatim te lehte. Por, nga deshmite e punonjesve te Gerdecit, del se skrapi shkonte ne Durres, ndersa ngarkesa te tjera beheshin naten ne drejtim te Rinasit. Me sa duket, pjesa korruptive e tragjedise, ende do kohe te zbardhet plotesisht.

nga **NEO** 2008-03-21, 09:49

Kerpudha e zjarrit ne tragjedine e Gerdecit ka lene pas tymnajen e nje skandali te vertete financiar qe ka per baze tregtine e armeve dhe protagonist, kompanine qeveritare MEICO. Gjithcka nisi kur kompania amerikane “AEY Inc” fitoi nje kontrate prej 298 milione dollaresh me qeverine e SHBA per blerjen e municioneve per forcat e armatosura te Afganistanit dhe iu drejtua edhe Shqiperise per te lidhur marreveshje mbi blerjen e ketyre municioneve. Presidenti i “AEY Inc”, Efraim Diveroli, kontaktoi mes te tjerave edhe kompanine shteterore MEICO per blerjen e armatimit, por drejtori Ylli Pinari i tha atij se i gjithe transaksioni duhet te kryhet nepermjet nje firme qipriote “Edvin”. Kete te pakten e pretendon nje nga perfaqesuesit e lobit shqiptar ne SHBA, Gary Kokalari, qe ka pergatitur nje dosje te plote mbi kete ngjarje plot mistere. Sipas kesaj dosjeje, kompania amerikane arriti te mesoje se duhet te blinte municion nga “Edvin” me cmimin 40 dollare per 1000 fisheke, nderkohe qe vete kompania qipriote ia blinte MEICO-s me cmimin fillestar 22 dollare per 1000 fisheke. Ne nje bisede te regjistruar midis nje biznesmeni shqiptar, Kosta Trebicka dhe drejtorit te kompanise amerikane, Efraim Diveroli (regjistrimi i se ciles ndodhet ne dosje), ky i fundit pohon se i duhet te beje tregti me MEICO-n nepermjet qiprioteve, edhe pse e ka te qarte se i duhet te bleje armatim me nje cmim 18 dollare me te shtenjte se c’do te rezultonte po ta blente direkt nga MEICO. Kjo bisede eshte zhvilluar ne 11 qershor 2007 dhe sipas Kokalarit eshte regjistruar nga vete Trebicka dhe as vete Kokalari nuk eshte ne gjendje te konfirmoje nese zeri nga ana tjeter e telefonit eshte ose jo i Diverolit.
Ne keto biseda Diveroli komunikon me Trebicken per marreveshjen qe ka patur me perfaqesuesin e firmes qipriote, Henri Tomei dhe rolin e Ylli Pinarit dhe Mihal Delijorgjit ne kete pazar. Transkriptin e bisedes qe po botojme sot, Gary Kokalari ia ka nisur para nje viti edhe prokurores se Pergjithshme, Ina Rama dhe ambasades amerikane ne Tirane.
Ne kete bisede, perfaqesuesi amerikan i thote Trebickes: “Une nuk jam si Henry (perfaqesuesi i kompanise qipriote), jam i ndryshem nga ai, nuk bej biznese te pandershme me mafian dhe Delijorgjin dhe gjithe ata plehrat ne Shqiperi”. Ne dosjen e tij, Kokalari pretendon se biseda e regjistruar mes Diverolit dhe Trebickes eshte prova se si cmimet e shitjes se armeve jane rritur ne menyre artificiale duke i kryer nje dem te madh buxhetit te shtetit. Ne biseden mes biznesmeneve emri i Delijorgjit – i cili aktualisht gjendet pas hekurave per tragjedine e Gerdecit bashke me drejtorin e “MEICO”, Ylli Pinari - permendet si nje njeri i dyshimte, i lidhur me MEICO-n dhe pazarin mes MEICO-s dhe firmes qipriote “Edvin”.
Nga biseda rezulton se vete perfaqesuesi amerikan, Diveroli eshte i pakenaqur nga bashkepunimi me firmen qipriote. “Pinari me detyroi te te lija jashte. Une jam shume, shume i nervozuar. Jam shume i shqetesuar. Por me duhet te punoj me Henrin”, i thote ai Trebickes.
Nderkohe qe kompania amerikane qe eksporton arme ne Afganistan eshte e detyruar t’i bindet kushteve shqiptaro-qipriote per blerjen e municioneve, nje hije dyshimi multimilionere bie mbi kompanine qeveritare MEICO. Firma amerikane “AEY Inc” eshte themeluar ne vitin 1999 dhe eshte marre gjithnje me biznesin e Skrapit. Njesoj si Delijorgji.
Nese vertetohen pohimet se amerikanet blinin arme gati dyfish me shtrenjte per shkak te nje “pazari” te MEICO-s me qipriotet, atehere eshte e qarte se kemi te bejme me afere korruptive e cila vertitet rreth shifres qindra milione dollare. Pyetjet qe ngrihen lindin natyrshem: Pse kompania qeveritare MEICO nuk ia shiti armet direkt pales amerikane por duhej qe shkembimi te ndodhte permes nje firme qipriote?
Te shesesh arme te destinuara per nje vend si Afganistani nuk perben nje krim. Konventat nderkombetare ndalojne shitjet e armeve ne vendet ne “listen e zeze”, dhe Afganistani nuk eshte i tille. Pra, tregtia e armeve me kete vend lejohet por ajo qe mund te perbeje krimin e vertete eshte menyra dhe cmimi se si shiten keto arme dhe procedurat qe ndiqen per transaksionin. Ashtu si cdo e mire materiale, edhe municionet dhe armatimet e tjera jane pasuri shteterore. Rrjedhimisht, edhe procedurat e shitjes duhet te zbatohen ne favor te shtetit dhe jo ne favor te funksionareve apo ca me keq, te politikaneve ne pushtet.
Armet qe dergoheshin ne Afganistan mberrinin atje nepermjet Taxhikistanit, ku ndodhet nje kontingjent prej 200 ushtaresh franceze qe ndihmojne forcat e NATO-s ne Afganistan. Kjo shpjegon faktin se ne Shqiperi perflitet prej kohesh ideja se shume prej armeve dhe municioneve dergohen ne Taxhikistan.
Nese e gjithe kjo afere qe pretendon Kokalari eshte e vertete, atehere kemi te bejme me nje skandal te permasave te pamenduara: miliona dollare mund te gjendeshin sot ne arken e shtetit, nese MEICO do te bente biznes direkt me “AEY Inc”. Por ne fakt, ato dollare perfunduan diku tjeter. Ndoshta, keto miliona dollare te humbura jane deshmia e korrupsionit qe ka perfshire MEICO dhe kreret me te larte te ministrise se Mbrojtjes. Ato para kane perfunduar ne bakshishe per shefat e medhenj te cilet vendosen qe rruga per ne Amerike duhet te kaloje patjeter nga Qipro. Dhe te mendosh qe behet fjale vetem per nje transaksion te vetem. Nese prokuroria do te gervishte sadopak mbi shitjen e atyre 100.000 mije toneve te armatimit komunist per te cilin flet kryeministri, mund te mos gjeje vetem ndryshkun e bronxit kinez, por edhe floririn e korrupsionit shqiptar.

Transkript i bisedes telefonike mes Efraim Diverolit dhe Kosta Trebickes
E regjistruar ne Tirane, Shqiperi ne 11 qershor 2007 ne oren 20:49 nga Trebicka, Diveroli eshte ne Florida, SHBA
Personazhet:
Efraim Diveroli, president i “AEY Inc” me seli ne Majemi.
Kosta Trebicka, biznesmen shqiptar, pronar i “Xhoi”
Ylli Pinari, drejtor i MEICO, agjencia zyrtare e eksportit te armeve ne ministrine e Mbrojtjes.
Henri Tomei, me kombesi zviceriane, pronar i “Edvin” me qender ne Qipro.
Mihal Delijorgji, biznesmen shqiptar

Incizimi 1

Trebicka: cfare po ndodh me shokun tend, Pinari?

Diveroli: Nuk e di, ma thuaj ti, a ke lidhur ndonje marreveshje me te per arkat?

Trebicka: Nuk dua te bej nje marreveshje me te, ti e di qe ai eshte nje batakci, ti vete me ke thene qe ai eshte mafioz, apo jo?

Diveroli: Po, mendoj se eshte, ose ai eshte mafioz ose mafia e kontrollon ate. Sidoqofte ai eshte nje problem. Problemi eshte, qe une nuk kam mundesi zgjedhjeje. Duhet te bashkepunoj me te. Qeveria amerikane pret mallin. Nuk mund te marr asnje vendim.

Incizimi 2

Diveroli: Si po ecen gjithe kjo dreq gjeje... (bisede e padeshifrueshme per Pinarin). Ok, Kosta kompania qe po ben paketimin mund te deshiroje te bleje materialet e paketimit, do te kontaktoj me shitesin...

Trebicka: Cila eshte kompania, eshte akoma Delijorgji?

Diveroli: As qe e kam idene, po pres qe Pinari te me jape detajet e kesaj kompanie. Do te bej cmos qe shitja te realizohet.

Incizimi 3

Diveroli: Jam 100% me ty. Nuk te hoqa une nga kjo pune. E kupton kete? Nuk kam une gisht ketu. Ketu eshte Pinari qe ma kerkoi, eshte ai qe po me detyron, une kurre nuk e kam mbeshtetur kete vendim. Une jam shume, shume i nervozuar. Jam shume i shqetesuar.

Trebicka: A po punon ai akoma me Henry Tomein?

Diveroli: Besoj se po punon akoma me Henrin. Une po punoj akoma me Henrin. Por me duhet te punoj me Henrin. Po punoj me te.

Incizimi 4

Diveroli: Une jam ndryshe nga Henri, nuk mund te bej biznes te felliqur me mafian dhe Delijorgjin dhe te gjithe keta plehrat ne Shqiperi... Une jam nje kompani amerikane, une po punoj me qeverine amerikane, gjithkush i ka syte tek mua, me monitorojne. Pinarit i duhet nje njeri si Henri qe te kujdeset per te dhe shoket e tij, po kjo gje nuk eshte puna ime. Nuk merrem me keto afera, une merrem vetem me biznes legjitim, ligjor. Kjo eshte ajo qe une dua, ajo qe bej une. Keto jane idete e mia, ky eshte opinioni im.

Incizimi 5

(Copeza bisedash rreth vizites se presidentit Bush ne Shqiperi...)

Trebicka: ...megjithate une mendoj se me Pinarin dhe djemte e tij te mafias dhe Delijorgjin dhe Henrin, do te jete e veshtire per ty qe te ecesh perpara se ata do te te krijojne shume probleme...
Ka mundesi qe mua te me ftojne ne Washington djemte e CIA-s dhe ca shoke atje... pas nja 2 javesh une do te vij ne Florida dhe do te te takoj e do bisedojme per marrevrshje te ardhshme.

Diveroli: Ok, shume mire. Takohemi.

Incizimi 6
(mungon)

Incizimi 7 Trebicka: Une kam gjetur partnere te mire dhe mendoj se mund te vazhdoj punen. Nuk e di per Pinarin, Delijorgjin dhe mafian e tij... nese ata do te duan te punojne prape me mua... une nuk do te flas, nuk do te hap goje, do te bej c’te me thuash ti.

Diveroli: Kuptoj... po te them... une te mbroj ty, ti me mbron mua. Me ler te flas me Pinarin se Pinari e di qe duhet bere paketimi. Per shkak se po te heq ty nga ky proces, nese ai nuk e mbush sic duhet kete boshllek atehere ai do te kete shume probleme, nga gjithkush. Keshtu qe ai me siguri do te behet nervoz se Delijorgji nuk e ben dot ate pune, sidoqofte ... Ky eshte rasti me i mire, kjo eshte endrra ime.

Incizimi 8
Deviroli: Pastaj na duhet te perfundojme shitjen e mallit... keshtu te pakten ti nuk je i ekspozuar dhe as une. Apo jo? Ka nje mundesi “A” dhe nje mundesi “B”. Do te ecim neper te njejten dere, vetem se nuk jemi te sigurt ne cilen. Pse nuk shkon ta ulesh koken tek Pinari edhe nje here tani... Merre ne telefon, lutju, puthe, cfaredo... coji ndonje nga femrat e tua qe te shkoje me te... Le ta bejme te lumtur. Ndoshta te jep edhe nje shans tjeter qe ta lere ty punen. Si thua? Ndoshta ai eshte i corientuar dhe ndoshta do behet nervoz e do thote: (flet sikur te ishte Pinari) “oh, e di? Nese une nuk e mbaroj kete pune atehere do ta humb gjithe biznesin e municioneve”. Me kupton? Mbase mund te luajme me friken e tij. “Pinari, te lutem me jep edhe nje shans tjeter”... futi ndonje lek ne xhep dhe mos e le te marre shume... p.sh nese i jep 20 mije dollare nga ti...

Incizimi 9

Diveroli: Po, mund te bashkejetoj me kete. Me trego neser... Le te vendosim nese do marrim drejtimin “A” apo “B”. Une do te flas me Pinarin, ti flit me Pinarin dhe do te marrim nje vendim. Pastaj, do levizimin per marreveshjen tjeter.

Kjo bisede, derguar kryeprokurores Ina Rama nga Geri Kokalari, eshte regjistuar nga biznesmeni Kosta Trebicka i cili pretendon se ne anen tjeter te telefonit eshte presidenti i kompanise amerikane, Efraim Diveroli.

nga **NEO** 2008-03-28, 13:08

TRAGJEDIA GERDEC, EVIDENTOHEN NGA SIZMIOLOGET LEVIZJE SIZMIKE, PREJ SHPERTHIMIT

duket e pabesuseshme po ja qe eshte e vertete.

Shperthimi ne Gerdec shkaktoi lekundje te tokes qe u ndjene ne te gjithe Ballkanin, madje deri ne Europen Qendrore. Sizmiologet thane se intensiteti i ketyre lekundjeve ka qene deri 4 balle te shkalles Rihter, por me pas nuk ka vend per alarm e panik per lekundje sizmike, pasi shperthimi tashme eshte tejkaluar.

nga Sponsored content

TRAGJEDIA "GERDEC"

TRAGJEDIA "GERDEC"

Re: TRAGJEDIA "GERDEC"

Re: TRAGJEDIA "GERDEC"

Re: TRAGJEDIA "GERDEC"

Re: TRAGJEDIA "GERDEC"

NGUSHLLIME DHE URIME PËR TEJKALIM TË LEHTË E TË SHPEJTË

Re: TRAGJEDIA "GERDEC"

Re: TRAGJEDIA "GERDEC"

Re: TRAGJEDIA "GERDEC"

Re: TRAGJEDIA "GERDEC"