VLERAT KOMBTARE NUK KANË MBARIM

nga Adem Berisha 2008-04-05, 15:04

KROI QE NUK SHTERRON

Diçka më sillet nëpër kokë.
Ndalem, përqendroj shikimin.
Disi emocion të shtuar kam sot,
nuk shmang dot përmallimin.

Në fytyren burrërore të një veterani
shikoj një shpirtë të madh shqiptari.
Shikoj burrin që i përngjan një vigani
trimit me fletë e burrit si skyfter mali.

Shumëçka unë shoh tek Reshat Arbana.
Më bëjnë përshtypje edhe thinjat e tia.
Një burrë që rrallë mund të lindë nëna,
si këtë të rrallë i ka, jo vetëm Shqipëria.

Kur aktron Isa Boletinin,
përulet, shtërngon e puthë flamurin,
duani, mbani, lartësoni trimin –
virtyte të larta ka, që stolisin burrin.

Kur deklamon At Gjergjin e Madh,
atë kolos të shqiptarisë,
të bën të ndjehesh hero e zemra bëhet mal,
ballhapur e krenar, si bir i Shpipërisë.

Për të gjallë t’i këndosh këngen
thonë se nuk është në traditë.
Por, për burrat si Reshat Arbanen
s’e kuptoj dot, çfarë tjetër duhet pritë.

Të jetojë edhe poaq vite
sa i ka mbushur sot,
për gjithë veprat e tija stoike
t’a shpërblejë, vetë i Madhi Zot.

nga Musafir 2008-04-09, 13:44

nga Adem Berisha 2008-04-09, 15:06

arla 90, të falemnderit për këto duartrokitje.
Njëherit ato le të vlejnë edhe për këtë figurë të ndritur të artit dhe kulturës tonë kombtare.

nga Adem Berisha 2008-05-14, 13:18

MAJA E MADHËSHTISË
-doktorreshës Silva Bala, Tiranë -

Sa herë mendja tek ti më shkon
zotin tim më përkujton,
Ti një jetë të dytë më fale
rrofsh e qofsh moj sa këto male.

Për një kohë pse nuk të shkrova
mos pandeh se të harrova,
të kam në mendje të kam në zemër
Ti për mua nuk je veq emër.

Në mes yjesh që shëndrijnë në qiell
je si hënë e je si diell,
Ti shkëlqim i jep atdheut
se je mbesa e Skënderbeut.

Kurr ty forca s’të ka munguar
popullit tuaj për t’i ndihmuar,
je e rralla e shqiptarisë
Ti je Maja e Madhështisë.

Për sa Shqipëria të ekzistojë
vepra jote do të jetojë,
lum të dashurit qe të kanë
lum ata qe të thërrasin nënë.

Me këto vargje unë që shkrova
për Ty të shkruaj nuk përfundova,
lapsi im kurrë s’do të pushojë
për Ty të shkruaj kurrë s’do të ngurrojë.

E pavdekshmja Silva Bala
nga Ademi ke shumë të fala,
për sa të kam jetë në këtë botë
Ty do të di njeri dhe zot.

nga jorgo_dr 2008-06-11, 23:46

rrespekt Z.Adem shkruani shum bukur urime :bravo:

nga Adem Berisha 2008-06-12, 00:02

Ju falem nderit z. jorgo_dr,
më vie mirë që ju pelqejnë shkrimet e mia dhe ky stili tash i ashtuquajtur klasik, por që është i ngjashem me ate të Rilindasve të Mëdhenj.
Për kënaqësinë tuaj dhe lexuesëve tjerë, së shpejti këtu do të ketë edhe shkrime tjera.
I juaji xhaxhi Adem.

nga **Andi** 2008-06-12, 15:18

Adem Berisha shkruajti:Ju falem nderit z. jorgo_dr,
më vie mirë që ju pelqejnë shkrimet e mia dhe ky stili tash i ashtuquajtur klasik, por që është i ngjashem me ate të Rilindasve të Mëdhenj.
Për kënaqësinë tuaj dhe lexuesëve tjerë, së shpejti këtu do të ketë edhe shkrime tjera.
I juaji xhaxhi Adem.

shkrimet tuaja jane gjithmon te mirepritura ketu ne forum xhaxhi Adem.

nga Nertila 2008-06-12, 15:51

Bac Adem si gjithon shkrimet e tua jane shum te mira urime ,respektin tim gjithmon Morena.

nga Adem Berisha 2008-06-12, 16:01

Shumë falemnderit, jeni të mrekullueshëm, JU PËRQAFOJ
i juaji xhaxhi Adem

nga Adem Berisha 2008-07-01, 14:42

nga Adem Berisha 2008-07-12, 16:43

PREHJA NË QYTETIN TIM

Shkova e kah nuk shkova,
gjithkah më përplasi jeta,
askund si në qytetin tim
prehje kurr nuk gjeta.

Shpesh dal fushave plot bari
e kënaqem me shumë begati,
vreshtat me rrush si qehlibari
vendit i japin imazh të ri.

Djelmoshave si tarzana
qiftat askund nuk ua gjanë,
të dijes e të punësi ka lindur nëna
një meter gjoksin e kanë.

Bukuroshet si zana të malit
veç zoti kështu ka ditur t’i falë,
si fluturat shkojnë përkrah djalit
e mua, zemra më bëhet mal.

Djem e vasha të reja
janë të penës e të pushkës,
dinin të godasnin si rrëfeja
kur hov duhej t’i jepej luftës.

Burra vigana me mustaqe
e plisa të bardhë në kokë,
më duken si lulet në bahqe
në gëzime e hidhërime janë tok.

Sabahudini kur shtërngon penen
kush mund t’i del përpara?
si lulja kur zbukuron pemen
më duket Fitore Metbala.

Laps të hollë e të mprehtë
kush mund të ketë si Agimi?
shkrime qe të kënaqin bëjnë
Besmira, Xhela, Fahredini, . . .

Eeeej! Këto qe i zuna n’goje
janë vetëm një minimum,
të mirat që ka Rahoveci
sikur nuk kanë fund.

nga Adem Berisha 2008-08-27, 15:05

NDARJE QË SHËMTON

Atëbotë,Zoti nuk të fali të gjymtuar
por të stolisi si një krijesë hyjnore
që i tëri të jetosh i bashkuar shpinë
për shpine e kapur dorë për dore.

Por, diçka e trishtë shpirtrat trazon e
si ëndërr e keqe, diç të mirë nuk thotë,
forcërisht në gjoks zemrat shtrëngon
e fytyrat engjëllore don të lajë në lotë.

Të kishin larguar nga logu i kuvendit
e për ty, së prapmi pa ty flitej,
të bënë edhe tabu të kohës e vendit
e flamurin të ndaluan të valëvitej.

Të vranë, të dogjën, të sakatuan...
kushdo që zgjohej më i pari,
si bishat pamëshirshëm të copëtuan
vetëm pse kishe mish e gjak shqiptari.

Ndalem, mendoj dhe pyes vetën
mbase , nuk jam duke kuptuar ?!
si të tjerët pse të mos e kesh jetën
vallë, edhe me këtë duhet pajtuar?!

Jo, jo! shëmtimin nuk ke për të duruar
e përbindësha nuk do të ketë këtupari,
si vëllezër e motra keni për të bashkëjetuar
Ti, Ibri, Buna dhe Vjosa e Vardari.

Dhe, ky vend prapë do të bëhet ILIRI
e me ty më kurrë nuk do të abuzohet,
do të jetosh me dinjitet e krenari
në trojet e tuaja ku lirshëm do të frymohet.

Të jetosh i denjë si e gjithë njerëzia
këtu ku me shekuj ke varret e të parëve,
për çka e di kjartë edhe parahistoria
ç’prej se këtu nuk vinte erë e barbarëve.

Në këtë tokë që Zoti e kishte krijuar
e për Zot të sajë vetëm ty të caktoi,
këtë at-mëmëdhe të shenjtë e të bekuar
që ndër shekuj me ty bashkëjetoi.

Kush misionin e shenjtë nuk ndihmon
që penën e pushkën tok t’i bashkojë
e At-Mëmëdheut veten nuk i kushton
përjetësisht kjo tokë do të mallkojë.

nga Adem Berisha 2008-11-04, 20:54

PARAJSA LE TË PRES

Atdhe! Ooo ishtrenjti Atdhe!
Rashë, dhe prapë kisha për të rënë
qe të bëja më tepër për Ty.

Të kam at, mëmë, zot,fe ...,
ndjej se prapë borxh të kam
ndaj në parajsë nuk dua të hy.

Të kam at e mëmë
ndaj të thërras At-Mëmëdhe,
me gjak të lamë pëllëmbë për pëllëmbë
asgjë nuk ka më të shenjtë për ne.

Oooj e Madhja Kala
e të lashtës ILIRI!
Kush të copëtoi e la nën shkja,
Mal të Zi, Maqedoni, Greqi ...?!

Jezusa një ditë do të ringjallen
edhe martirët që u flijuan për Ty,
një ditë edhe gurët flakë do të kallën
që Ti prapë të bëhesh NJË SHQIPËRI.

Ooo burra burrash,o ju gra e fëmijë !
më thoni ju lutem, diç më të shenjtë a ka
kur vdes shqiptari
për At-Mëmëdheun e tij.

nga tolis 2008-11-05, 13:14

urime

nga Adem Berisha 2009-04-16, 14:02

Falemnderit tolis, më vie mirë nëse qenkam atraktiv me shkrimet e mia. Do të përpiqem të jap edhe më shumë nga vetje.
Për kënaqësinë tuaj dhe lexuesëve tjerë të forumit, po vendos edhe ca vargje modeste.

TRUP I HUAJ

Si kuçedër e tërbuar
me plot të zeza e shëmti,
erdhe në këtë tokë të bekuar
të gjakosësh e të bësh kërdi.

Mizoritë tuaja prej barbari
me çka ti mburresh në vazhdimësi,
për të zi të kanë bërë të jesh i pari
dje, sot, nesër e gjithnjë.

I ushqyer me gjakun e të tjerëve
si përbindësh i mallkuar,
gjithë do të kesh fatin e të mjerëve
përherë do të jesh i ndëshkuar.

Do të denoncojë Pashtriku,
do të gjykojë Drenica e Rugova,
përherë do të kesh epitet armiku
cep më cep, do të dënojë Kosova.

Si trup i huaj ik nga ke ardhur
duar hapur nënë Rusia të pret,
ndryshe këtu varrin e ke të hapur
shpëtimtar për ty, kurrë nuk do të ketë.