E premte e zezë , 8 të vdekur dhe 4 të plagosur

E premtja e 23 Majit 2008 është mbyllur më një bilanc tragjik aksidentesh rrugore. Që në orët e para të mëngjesit dhe deri në orët e vona të darkës janë shënuar 8 viktima dhe 4 të plagosur nga aksidentet rrugore.

TIRANË - E premtja e kësaj jave është kthyer në një ditë e zezë duke shënuar një bilanc tragjik viktimash dhe të plagosurish nga aksidentet. Duke nisur që në orët e para të mëngjesit dhe deri në orët e vona të darkës 8 persona kanë humbur jetën dhe 4 të tjerë janë plagosur si pasojë e përplasjeve me automjet.

Gjithçka ka nisur që në orët e para të mëngjesit ku si pasojë e përplasjes së rëndë me makinë, ka humbur jetën Dritan Hoxha, drejtor i përgjithshëm i Top Media.

Më pas e premtja është pasuar më nje tjetër aksident ku kanë humbur jetën 4 shokë përkatësisht nga 18 deri në 20-vjeç. Ngjarja e rëndë ka ndodhur në afërsi të Lushnjës në rrethrrotullimin e Çermës ku mbetën të vdekur Endri Shurdhi, 18 vjeç, Roland Muçaj 20-vjeç, Eduart Vrapi dhe Admir Vladi. Katër shokët po udhëtonin me një makinë tip Benz Mercedez deri në momentin kur një rrufe besohet ta ketë nxjerr mjetin jashtë rrugës.

Bilanci i vdekjeve nga aksidentet shtohet kur 2 persona të tjerë Ardi Gjini 38-vjeç dhe Eleni Gjini 61-vjeçe, humbasin jetën në një përplasje me aksin rrugor Vlorë-Himarë. Në këtë aksident mbetën të plagosur edhe 3 pjetarë të tjerë të së njëjtës familje me viktimat mes të cilëve edhe një 5 vjeçare.
Ndërkohë ngjarja e rradhës shënohet në Laç ku një autoveturë tip Golf Volzvagen, ka dalë nga rruga duke plagosur rëndë drejtuesin e automjetit Agron Albrahimi.

Së fundmi, në orët e vona të darkës 20-vjeçari Marius Krasniqi është aksidentuar për vdekje në afërsi të fabrikës së Tullave në Fier si pasojë e një përplasjeje nga një automjet tip Benz.

Ballkanweb

shume e zeze se ska ku te veje