Përfundon ceremonia mortore e presidentit të Top Medias

Me karafila, kurora dhe duartrokitje është përcjellur për në banesën e fundit presidenti i Top Medias Dritan Hoxha. Rreth orës 13, trupi i pajetë i 40-vjeçarit u preh në varrezat e Sharrës.


Rreth orës 13:00, mijëra miq e kolege përcollën për në banesën e fundit arkëmortin me trupin pa jetë të presidentit të Top Media-s, Dritan Hoxha. Në varrëzat e Sharrës, ku do të prehet përjetësisht trupi i tij, Drejtori i Përgjithshëm i Top Medias Enkel Joti mbajti fjalimin e lamtumirës. Arkëmorti me trupit pa jetë të Presidentit të Top Media-s u mbulua me dhe’ dhe gjithashtu me mijera buqeta me lule

Nis ceremonia e varrimit te Dritan Hoxhes

Ora 11:00 Nisi ceremonia mortore për varrimin e presidentit të Top Medias, Dritan Hoxha. Arkemorti i nxjerrë nga ambjentet e Top Mediat u mbulua me lule dhe karafila të qindra njereve te cilet kishin ardhur per ti dhene lamtumiren e fundit. Përvec familjarëve që i japin lamtumirën e fundit njëriut të tyre të dashur, mijëra të tjerë, funksionarë të lartë të shtetit, përfshirë deputetë, kolegë të tij të medias dhe gazetarë i janë bashkangjitur kortezhit të përmortshëm në Bulevardin Dëshmorët e Kombit

Sot lamtumira e fundit per presidentin e Top Medias

Ora 07:30 I jepet sot lamtumira e fundit presidentit te Top Media, Dirtan Hoxhës. 40 vjecari i cili humbi jetën në një aksident tragjik rrugor, 2 orë pas mesnatës së të enjtes do të përcillet sot në orën 11 për në banesën e fundit. Familja, Top Media, personalitete të larta, miq dhe kolegë do t’i japin sot lamtumirën e fundit Tanit për ta kujtuar gjithmonë si babai i Top Medias. Për ta kujtuar si Tani me energji dhe ide të pashtershme. Për ta kujtuar si Tani i projekteve ambicioze të cilat diti ti realizonte dhe që do jetojë gjithmonë në cdo qelizë të Top Medias. Personalitete të larta politike të vendit, kolegë e miq zhvilluan dje homazhe në ambientet e Top Medias për nder të Dritan Hoxhës. Gjithashtu ngushëllime familjes Hoxha për humbjen e njeriut të tyre të dashur erdhën dhe nga Kosova, Maqedonia. Dritan Hoxha u nda nga jeta dje në moshën 40 vjecare në një aksident të ndodhur rreth orës 01. 50 minuta në Bulevardin “Bajram Curri” në Tiranë, pothuajse përballë studiove të Top Channel, përballë ish ekspozita “Shqipëria Sot”. Makina Tip Ferrari ngjyrë e kuqe, me targa DK 3892 H, në pronësi të 40-vjecarit nga Tirana doli nga rruga dhe pasi përshkoi në një hapsirë të plotë 82 metra, u përplas me një pemë 3.1 metra, në lulishten e lumit të Lanës. Për shkak të përplasjes së fortë makina u shkatërrua plotësisht.

balkanweb