ELBASAN TERHEQIN ZVARRE KOMSHIUN SI AKILI HEKTORIN

ELBASAN- Ngjarja nuk ka ndodhur në muret e Trojës por në një fshat të vogël në qytetin e Elbasanit Dy vëllezër Xhevahir e Ismail Plaku kanë lidhur me litar pas makinës së tyre komshiun, Kujtim Boja dhe më pas e kanë tërhequr zvarrë për 100 metra. Ngjarja ndodhi mbrëmë në fshatin Gostinë të Elbasanit dhe sipas policisë konflikti ka nisur për një cështje të vjetër pronësie. Dy vëllezërit dhe komshia e tyre kanë qenë në një lokal kur kanë filluar sherri. Por, mesa duket vëllezërit nuk janë mjaftuar duke e rrahur barbarisht Kujtim Bojën, por e kanë lidhur me litar pas makinës së tyre dhe e kanë tërhequr zvarrë për rreth 100 metra. Të gjithë qytetarët që kanë qënë në ato momente janë tmerruar nga skena dhe kanë njoftuar menjëherë policinë. Vetë drejtori i Policisë së Elbasanit i shoqëruar nga grupi i gatshëm mbërriti në vendngjarje dhe kanë mundur të arrestojë njërin nga vëllezërit Xhevahir Plaku, ndërsa është shpallur në kërkim vëllanë tjetër Ismail Plaku. Policia shoqëroi në spitalin e Elbasanit Kujtim Bojën, dhe sipas mjekëve gjendja e tij shëndetësore është e rëndë.

(s.g/NEWS24/Balkanweb)