Kakavijë, kapen 40 kg heroinë, 5 në pranga.

• Është sekustruar në Kakavijë sasia më e madhe e lëndës narkotike, kapur ndonjëherë në vendin tonë. 40 kg heroinë u sekustrua sot pas një aksioni të krimeve të rënda, të cilët kanë mundur të vënë në pranga 5 persona.

GJIROKASTER- Sekuestrohet në pikën kufitare të Kakavijës 40 kg heroinë, sasia më e madhe e kësaj lënde narkotike kapur deri tani në vendin tonë, në vlerë rreth 500 mijë euro.

Burime të sigurta të Prokurorisë së krimeve të rënda dhe Drejtoria e krimit të organizuar në Ministrinë e Brendshme thanë se janë arrestuar 5 shtetas, nga të cilët 2 shqiptarë dhe 3 gjermanë, si autorë të lëndës narkotike. 2 prej shtetasve gjermanë ishin organizatorë të këtij tarfiku, ndërsa 2 shqiptarët kishin rolin e korrierit.

Dy shtetasit shqiptarë janë nga qyteti i Fierit. Policia ka zbardhur edhe emrat e dy fierakëve të arrestuar. Ata janë, Zaim Tafa pronar i një lokali të njohur në Patos si dhe Alban Pëllumbi. Heroina ishte fshehur në një makinë me targa gjermane, e ndarë në 80 pako dhe ishte planifikuar të kalonte nepërmjet Greqisë, duke pasur si destinacion final shtetin Gjerman.

Mësohet gjithashtu se një shtetas gjerman, pjesë e të njëjtit rrjet, u kap në Rinas rreth orës 15:00, teksa do largohej nga vendi.