Meta: LSI-PD qeverisje e qëndrueshme.Xhufi: Vendim i nxituar

• Gjatë fjalës së tij në konventën e Lëvizjes Socialiste për Integrim, Ilir Meta ka hedhur akuza të rënda kundër kreut socialist duke theksuar edhe njëherë se marrëveshja mes PS dhe LSI do të prodhonte vetëm krizë e do të conte vendin në zgjedhje të tjera pas 2 muajsh. Nënkrytari i LSI Pëllumb Xhufi u shpreh kundër marreveshjes PD-LSI duke e cilësuar atë të përshpejtuar.


TIRANE-Xhufi: Vendimi i LSI-së, i përshpjetuar

Ora: 19:45- Zëra kundër edhe brenda Konventes së Lëvizjes Socialiste për Integrim pas kompromisit të arritur mes Metës dhe Berishës për bashkëqeverisje. Nënkrytari i LSI Pëllumb Xhufi është shprehur kundër kësaj marreveshje duke e cilësuar atë të përshpejtuar. “LSI duhet të sigurojë stabilitet dhe koherencë në kalimin e ligjeve që i shërbejnë integrimit të vendit dhe jo të bashkëqeveriste në nivel ministrash me Berishën” u shpreh Xhufi.
Në hapje të punimeve të konventës së jashtëzakonshme të LSI-së, kreu i kësaj levizje, Ilir Meta dha edhe njëhere argumentat pse pranoi të qeveriste me Berishën. Sipas Metës, një pakt i mundshëm me PS-në do të sillte vetëm krizë.

Meta: Nuk më lidh asgjë me Ramën, kërkoi të na eliminojë

Ora:18:28- Gjatë fjalës së tij në konventën e Lëvizjes Socialiste për Integrim, Ilir Meta ka hedhur akuza të rënda kundër kreut socialist duke theksuar edhe njëherë se marrëveshja mes Partisë Socialiste dhe LSI-së do të prodhonte vetëm krizë e do të conte vendin në zgjedhje të tjera pas 2 muajsh.

“Sipas gjykimit tim por edhe të shumë kolegëve të tjerë, dy janë rrugët kryesore përmes së cilave duhet të ecë kjo lëvizje pas kësaj konvente. Rruga e krizës, pasi ju e dini shume mire se cdo marrëveshje PS-LSI pas zgjedhjeve sjell krizë dhe destabilitet” theksoi Meta.
Kreu i LSI nënvizoi edhe njëherë përpjekjet e partisë që drejton për të bashkëpunuar me Partinë Socialiste në mënyrë që të mos humbnin votat e të majtëve, por sipas Metës , kreu socialist refuzoi cdo marrëveshje.

“Edhe një javë para zgjedhjeve e mora iniciativën duke u ngritur mbi problemet e së kaluarës me ish kreun e PS, Fatos Nanon për të rivendosur bashkëpunimin, sepse e parandjeva atë qe mund të ndodhte, por kjo u refuzua. Rezultati elektoral është i tillë që e bën të pamundur një qeverisje PS-LSI” u shpreh Meta.

“Marrëveshja me PD-në është në funksion të integrimit të Shqipërisë dhe në të mirën e vendit” përsëriti Meta gjatë fjalës së tij në podiumin e Konventës Kombëtare të Lëvizjes Socialiste për Integrim.
Kreu i LSI theksoi se kodi i ri zgjedhor imponon koalicionet dhe sipas tij, koalicioni më i frytshëm është PD-LSI.
“Nuk ishim ne hartues të kodit zgjedhor, ky kod imponon koalicion. Koalicioni më i frytshëm që mund të jetë për qeverisjen në vend është koalicioni PD-LSI sepse garanton një qeverisje të qëndrueshme por edhe një opozitë të fuqishme si ajo e Partisë Socialiste” tha Meta.
Ndërkohë, Meta theksoi se është i hapur për cdo pyetje apo kundërshtim në lidhje miratimin e marrëveshjes së LSI-së me Partinë Demokratike.

Qeverisja me Berishën, LSI mbledh sot Konventën

Ora:11:00- Lëvizja Socialiste për Integrim mbledh sot pasdite, në ambientet e Teatrit të Operas dhe Baletit në Tiranë, Konventën Kombëtare të Jashtëzakonshme për të diskutuar vendimin e kryesisë së LSI-së për të bashkëqeverisur me Partinë Demokratike në 4 vitet e ardhshme. Kryetari i Këshillit Drejtues Kombëtar të LSI-së, Edmond Haxhinasto bën të ditur se pritet të miratohet vendimi i kryesisë së LSI-së për të negociuar për krijimin e qeverisë së re. Ne Konvente priten te degjohen edhe "zerat" kunder vendimit te Metes per tiu bashkuar koalicionit te Berishes per bashkeqeverisje.

Te shtunen qe kaloi rreth nje jave nga zgjedhjet parlamentare te 28 Qershorit, Meta pranoi ftesen e Berishes per bashkeqeverisje. Ky vendim u prit ashper nga PS qe e akuzoi Meten se tradhetoi te majten. Meta e justifikoi vendimin se po vepron ne interes te vendit dhe qellimi te LSI, per te ardhur ne pushtet. Sipas Metes, LSI mbetet e majte.