“Lufra”, paska qenë me qumësht pluhur !!

E kemi konsumuar çdo ditë, ka qenë një produkt kryesor për shumë familje shqiptare e megjithatë ja ku na vjen lajmi të cilit i druhemi sa herë vendosim ndonjë produkt ushqimor në tavolinë: A është i sigurt? Në këtë rast jo, nuk paska qenë. Nga policia e Fierit lajmërohemi se ka nisur një procedim penal ndaj shtetasit A.Ndreka, pronar i fabrikës së qumështit dhe nënprodukteve të tij “Lufra”. Sipas hetimeve të sektorit të luftës kundër krimit Ekonomik-Financia, Ndreka, 53 vjeç nga fshati Bishtqethm të rrethit të Lushnjes përdorte qumësht pluhuri për produktet që nxirrte në treg (dhe ne që besonim te qumështi prej vërteti). Sipas policisë në fabrikën “Lufra” janë gjetur dhe sekuestruar në cilësinë e proves materiale sasia prej 1350 kg qumësht pluhur, sasi kjo e pa deklaruar në faturat e TVSH-së e madje as në etiketat e produkteve. Mbi pronarin e kësaj fabrike tani rëndon akuza për “Fshehje të të ardhurave” si dhe “Prodhim I kundraligjshëm i artikujve industrial dhe ushqimor”.