E VRASIN SE I NGACMOI TE FEJUAREN

Elvis Sapaj, 27 vjeç, nga Alliasi, vdiq në Spitalin Ushtarak pas plagëve të marra në kokë dhe në trup.Policia identifikoi si autorë të ngjarjes, dy persona banuesnë Paskuqan, të cilët u shpallën në kërkim me akuzën e vrasjes në bashkëpunim me sende të forta. Arben Doçi, 27 vjeç dhe Enver Damza, 26 vjeç, të dy nga Paskuqani, janë shpallur në kërkim, të dyshuar si autorë të vrasjes së 27-vjeçarit Sapaj nga Alliasi. Ngjarja ka ndodhur pasditen e djeshme rreth orës 15:15, në Paskuqan,në afërsi të një furre buke. Shkak për konfliktin mes palëve, sipas burimeve të policisë ka qenë një veprim i viktimës ndaj të fejuarës së Arben Doçit. Ky i fundit dyshohet se e ka cilësuar veprimin e viktimës së ngjarje si fyerje dhe provokim ndaj të fejuarës së tij. Sapo ka mësuar për këtë veprim,Arben Doçi ka dërguar të fejuarën e tij në shtëpi dhe më pas ka arritur provokatorin në rrugë. Ai ishte me një shok tjetër dhe së bashku kanë nisur të godasin me sende të forta, grushte, gurë dhe hekur banorin e lagjes së Alliasit. Policia tha se 27-vjeçari nga Alliasi është munduar të mbrohet, por dhuna e ushtruar nga dy personat ka qenë e furishme dhe e papërballueshme prej viktimës. Ky fakt ka bërë që ai të mos përballojë sulmin dhe goditjet ndaj tij, duke u shembur përdhe në pak sekonda. Elvis Sapaj është shembur përdhe pranë furrës së bukës ndërsa dy djemtë që e kishin vënë për poshtë e godisnin në mënyrë të dhunshme. Pas grindjes që ka vazhduar disa minuta, të dyshuarit si autorë të krimit janë penguar nga disa banorë,që kanë parë përleshjen.Në këtë kohë është lajmëruar edhe policia e Komisariatit të Kamzës, e cila ka mbërritur në vendin e ngjarjes menjëherë.