BURRE E GRUA VDESIN NE BURGUN E PEQINIT

Thëllëza kishte ardhur nga Pogradeci për të takuar bashkëshortin e saj. Ajo e kishte bërë rrugën nga Pogradeci deri në burgun e Peqinit bashkë vjehrrin e saj, babain e Mynyrit. Të tre djemtë e tij vuajnë dënimin në të njëjtin burg. Ata u dënuan për vrasje për shkak të cilësisë së personit teksa disa policë mbetën të plagosur si pasojë e një sulmi me granatë nga tre vëllezërit.Gardianët kanë hyrë në dhomën e takimeve “sekrete” pasi kanë vënë re se kishte kaluar koha e lënë në dispozicion për Mynyr dhe Thellëza Muçën. Ata janë shtangur kur kanë parë dy trupat e tyre pa jetë. Fillimisht u mendua për një vdekje aksidentale të të dy bashkëshortëve. Më pas, kjo hipotezë ra. Sipas ekzaminimeve rezultonte se rreth qafës se Mynyr Muçës gjendej një tel korrenti. Kjo I ka bërë autoritet e burgut të Peqinit të dyshojnë për një vetëvarje me korrent të të dy bashkëshortëve. Por, edhe kjo hipotezë duket se nuk ka shumë bazë. Gardianët pohojnë se nuk kanë dëgjuar të bërtitura nga dhoma ku gjendeshin bashkëshortët. Kjo i ka shtyrë hetuesit të mendojnë se mund të bëhet fjalë për nje vrasje dhe më pas një vetëvrasje. Ka shumë të ngjarë që Mynyr Muça të ketë mbytur më parë bashkëshorten e tij dhe më pas t’i ketë dhënë fund edhe jetës së tij duke përdorur kabullin e ventilatori që gjendej në tavanin e dhomës. Ka shumë të ngjarë që në këtë rast të jetë konsumuar një krim pasioni, I cili mund të jetë provokuar nga dyshime për besnikërinë bashkëshortore. Megjithatë hetimet vazhdojnë dhe pritet të nxjerrin në dritë të vërtetën e këtij krimi të padëgjuar që u konsumua sot pasdite brenda dhomës ku të burgosurit harrojnë për disa çaste realitetin e dhimbshëm të burgut. Në drejtim të burgut të Peqinit kanë shkuar edhe drejtori I përgjithshëm I burgjeve, Gazmend Dibra.