GJENDET I MBYTUR NE UJRAT E LUMIT MAT 18VJECARI

LEZHE- Shkoi për tu freskuar në ujrat e lumit Mat, por nuk u kthye më. Fatkeqësia i ka ndodhur një të riu nga fshati Talë i Lezhës, i cili ka humbur jetën pas një ataku në zemër. Meltior Makaj, 18 vjeç, është gjendur në grykëderdhjen e lumit nga banorë të zonës. Sapo kanë parë trupin e një të riu, ata kanë lajmëruar policinë, e cila ka shkuar menjëherë në vendngjarje. Forcat blu kanë bërë identifikimin dhe kanë çuar trupin e pajetë të të riut në morgun e qytetit të Lezhës. Pas ekspertizës mjekoligjore, rezultoi se Makaj, kishte humbur jetën pas një ataku në zemër dhe më pas ujrat e lumit Mat e kishin çuar trupin e tij deri në grykëderdhje.