DY AKSIDENTE AUTOMOBILISTIKE ME DY TE VDEKUR NE 24 ORE

DURRES- TEPELENE Dy aksidente me dy të vdekur kanë ndodhur gjatë orëve të mbrëmshme në rrugët e Shqipërisë. Një 18 vjecar nga qyteza e Sukthit në Durrës është gjetur i vdekur mbrëmë rreth orës 22:00 buzë rrugës automobilistike në mes të Sukthit dhe Manzës. Policia dyshon se viktima Tofik Bishti, është përplasur nga një makinë e cila është larguar më pas nga vendi i ngjarjes duke mos i dhënë ndihmën e parë të riut. Policia po heton versionin nëse 18 vjecari është goditur akisdentalisht apo qëllimisht nga mjeti. Ndërkohë në Tepelenë një makinë është gjetur në humnerë në rrugën Tepelenë Progonat, një kilometër në dalje të fshatit Bënçë. Pas një telefonate të bërë nga një bari grupi hetimor shkoi në vendgjarje dhe u konstatua se në vendin e quajtur Ura e Skaranit në dalje të fshatit Bënçë , automjeti tip Fiat, me targa TP 0967 B, i cili drejtohej nga shtetasi Selami Qeli, 48 vjec, ka dalë nga rruga duke rënë në humnerë rrerth 130 metra të thellë. Në aksident ka gjetur vdekjen drejtuesi i automjetit, Selami Qeli.







(s.g/Balkanweb)