KURBIN NJE I VDEKUR E 6 TE PLAGOSUR NE NJE AKSIDENT RRUGOR

KURBIN- Një i vdekur dhe gjashtë të plagosur. Eshtë ky bilanci tragjik i aksidentit që ka ndodhur mbrëmë rreth orës 20:00 në rrugën nacionale Mamurras – Laç. Si pasojë e përlasjes së një mjeti tip Benz me targa të huaja që drejtohej nga ana e Asllan Zirit 22 vjeç dhe një tjetër Benzi me targa LA 73 60 A që drejtohej nga Gjovalin Boçi, ka mbetur i vdekur 17 vjecari Izmir Hoxha. Në aksident janë plagosur rëndë 6 persona. Polcia e Kurbinit bëri të ditur se në makinën me targa të huaha udhëtonin tre persona Asllan Ziri, 22 vjeç, Edmond Shima 20 vjeç dhe Izmir Hoxha 17 vjeç, Ndërsa në mjetin tjetër me targa të Laçit që drejtohej nga Gjovalin Boçi, udhëtonte bashkëshortja e tij dhe dy vajzat e mitura, të cilët janë në gjendje kritike për jetën. Të plagosurit janë shtruar në spitalin Ushtarak në Tirane.


























(s.g/NEWS24/Balkanweb