Te kopjosh me celular

nga **NEO** 2008-10-21, 12:50

Megjithese celulari eshte i ndaluar te mbahet me vete ne provim, studentet pranojne se jo vetem qe nuk respektohet nje rregull i tille, por ai eshte kthyer ne nje element mjaft te rendesishem per te marre nje note pozitive ne provim. Vendosja e kufjeve ne vesh, bluetooth apo MMS-te jane jo vetem aksesore te komunikimit te perditshem, por edhe nje strategji e tere per te marre nje diplome. Me te privilegjuarat jane vajzat, sepse edhe kjo menyre e re e te siguruarit te notes kaluese ka strategjine e saj. Celulari mbahet ne xhep, kufjet i vendosin ne vesh, leshojne floket dhe profesori nuk e ve re fare. Kjo eshte metoda qe aplikohet sidomos te fakultetet sociale. Studenti qe eshte ne provim nis pyetjen me sms, ndersa shoket qe jane jashte gjejne pergjigjen e sakte dhe keshtu nis komunikimi on-line me kufje ne vesh me studentin qe eshte ne sallen e provimeve. Por ndryshe veprojne ata qe ndjekin nje fakultet te shkencave natyrore, ku studenteve u duhet te zgjidhin ushtrimi, siç eshte e zeme Ekonomiku. Ketu hyjne ne loje MMS-te. Studenti qe eshte ne provim, e fotografon ushtrimin dhe ua nis me MMS shokeve qe ka jashte. Ata e zmadhojne me 'zoom' dhe pasi e zgjidhin, ia nisin te gatshem, po me MMS, atij qe eshte ne provim, i cili nuk ka se perse te lodhe koken se si gjendet X apo Y, duke qene se teknologjia i vjen shume ne ndihme. Dhe ai qe eshte ne salle ua shperndan shokeve te tij me bluetooth. E ne gjithe te kesaj loje kopjeje qe zhvillohet ne auditor, profesoret, sado vigjilente qe te jene, nuk arrijne te zbulojne asgje, pasi ata ne te vertete "gjuajne" per ndonje student qe nxjerr kopjen e letres. Por kjo metode tashme ka marre fund. Studentet tregojne se e aplikojne shpesh kete menyre te marrjes se notes, ndersa pohojne se liria per te hyre ne leksione dhe numri i madh i studenteve per nje kurs, i ndihmon ata qe pedagoget te mos e marrin vesh nese je ne te vertete student i X kursi, apo nuk ke lidhje fare me sallen ku je ulur.