Hunda!!!

Njohja e fytyrave është kaq automatike, sa në
realitet pak mendojnë se si truri kap mesazhin që merr së jashtmi.
Shumë janë ata që mendojnë se
elementi kryesor për të kujtuar ose njohur një person janë sytë, por në
të vërtetë nuk është kështu.


Shumë më e rëndësishme në këtë rast është hunda. Për këtë flasin me
siguri një grup shkencëtarësh të Universitetit të San Diegos në
Kaliforni. Për ta,
është pikërisht hunda, qendra e informacionit.


Për të verifikuar atë që në fillim ishte vetëm një hipotezë, Janet
Hui-ëen Hisao dhe Garrison Cottrell kanë studiuar ku ulet shikimi në
kohën që
vrojton një fytyrë. Kjo është bërë falë një aparature, e aftë për të
ndjekur shikimin dhe për të individualizuar pikën se ku fiksohet
shikimi.

Kërkuesit i kanë treguar disa vullnetarëve, të marrë si pjesë e
studimit, një seri fotografish dhe kanë regjistruar rrugën që ka
përshkuar shikimi i
tyre. Rezultatet u dërguan më pas në një gazetë të një shoqate
amerikane që merret me këtë shkencë. Përfundimet treguan se gjatë
njohjes së fytyrave,
dy pikat e para në të cilat fiksohej shikimi janë rreth hundës dhe i
pari fare është rreth anës së majtë të saj.

Një rezultat befasues, sepse kërkimet e para kishin sugjeruar që sytë
mund të ishin pika kritike për të njohur fytyrat. Në fakt, sipas këtij
studimi,
sytë prezantojnë vetëm pikën e tretë në të cilën përqëndrohet shikimi.


Gazeta: Shqip