Vrasje ne Tirane. Pronari i servisit vret grabitesin

nga **Andi** 2009-01-12, 07:17

Pronari i kompleksit “Llanaj” në Tiranë ka qëlluar për vdekje me pistoletë njërin nga dy personat me maskë të cilët pak pas mesnatës së të premtes kishin hyrë për të grabitur në pronën e tij private. Në deponomin në polici biznesmeni tha se kishte qëlluar për vetëmbrojtje pasi grabitësi kishte tentuar ta qëllonte me levë.

TIRANE- Sipas dëshmisë së pronarit të kompleksit “Llanaj” dy grabitësit kishin hyrë me maska për të vjedhur në godinën 5 katëshe, pronë e Feim Llanajt. Godina ndodhet në rrugën “Teodor Keko” pranë Unazës së Re në Tiranë.
Nga dëshmia që ka dhënë në polici biznesmeni, mësohet se kishte qenë ora 00.30 minuta e së shtunës, kur teksa qëndronte në apartament (në katin e sipërm të kompleksit) kishte dëgjuar zhurma që vinin nga kati i parë. Menjëherë kishte zbritur dhe kishte parë një person të armatosur. i cili Personi me maske në kokë ishte larguar duke hedhur armën, tip pistoletë, në tokë.
“Me pistoletën e grabitësit u ngjita në kat të dytë për të kontrolluar. Pashë se dera ishte shqyer. Vazhdova të kontrolloja, kur një person mu drejtua me një levë në dorë. Qëllova drejt tij me pistoletën që kisha në dorë dhe e lashë të vdekur”- vazhdon dëshmia e Fehmi Llanajt, pronarit te kompleksit me të njëjtin emër.
Nuk dihet ende identiteti i personit të vrarë ndërsa policia po heton disa pista, mes të cilës edhe atë të grabitjes. Feim Llanaj ndodhet i shoqëruar në polici deri në sqarimin e rrethanave të ngarjes. Sipas pretendimeve të biznesmenit, viktimat kishin si qëllim grabitjen dhe se “ai kishte qëlluar për t'u vetëmbrojtur ”.
Kompleksi Llanaj ndodhej në rrugën "Teodor Keko” pranë Unazës së re në kryeqytet dhe përbëhej nga një godinë 5 katëshe. Në këtë kompleks ishte në funksion një servis makinash, një servis gomash, një parukieri dhe shtëpia e banimit e familjes se biznesmeni Feim Llanaj.
Forca të shumta policie dhe një grup hetimor kanë shkuar në vendngjarje për të mbledhur provat materiale të cilat do të ndihmojnë në zbardhjen në detaje të motivit të kësaj vrasjeje.

media-al.com