15 gjerat qe keni ditur gabim per seksin

Seksualiteti është një fushë në të cilën idetë e gabuara janë vërtet shumë dhe është thuajse e pamundur të shpëtosh pa
u ndikuar prej tyre. Ja një përmbledhje e disa legjendave që duhen shembur, për më shumë kënaqësi seksuale

1. Kur stimulohet pika G, një femër arrin menjëherë në orgazmë

E gabuar

Stimulimi i pikës G mund të provokojë ndjesi të këndshme dhe të çojë në
orgazmë 10 % të femrave! 90 % e tyre, për fat të keq, nuk do të ketë
kurrë
fatin të provojnë këtë lloj orgazme të veçantë. Pika G është një zonë
prej disa centimetrash, e vendosur në muret e brendshme të vaginës,
vetëm 3-5 cm
nga hyrja e saj. Kjo pikë e quajtur G, nuk ka absolutisht ndjeshmërinë
e klitorit. Që është një zonë ekstremisht erogjene. Për pikën G
përkëdheljet që
stimulojnë klitorin nuk vlejnë. Vetëm presionet më energjike mund të
shkaktojnë tek disa femra efekte të kënaqësisë seksuale që arrijnë deri
në
orgazmë.



2. Gjatësia e penisit është shumë e rëndësishme për kënaqësinë femërore

E gabuar

Organi seksual mashkullor nuk është shumë efikas për t'i dhënë
kënaqësinë një femre. Pse? Arsyeja është se organi kryesor i kënaqësisë
seksuale tek
femra është klitori. Për të stimuluar klitorin një mashkulli i
nevojiten duart, goja dhe penisi, por një penis i përmasave të mëdha
nuk sjell asnjë
lloj efekti më special. Përveç kësaj, ajo që konsiderohet si pjesa më e
ndjeshme e vaginës, pra pika G, gjendet jo më shumë se 4 cm larg hyrjes
së
vaginës. Gjatësia e penisit në gjendje të erektuar është gjithmonë mëse
e mjaftueshme për të arritur pikën G. Pastaj, thellësia e vaginës është
8 cm
në gjendje qetësie dhe 12 cm në gjendje të eksituar. Ndodh shumë rrallë
që penisi në ereksion të mos arrijë të tilla dimensione. Kur një femër
dëshpërohet nga gjatësia e pamjaftueshme e penisit të partnerit, në
fakt problemi qëndron tek vagina, e cila nuk është muskuloze aq sa
duhet. Muret e
vaginës janë elastike dhe mbështeten rreth e rrotull penisit. Nëse në
këtë pikë konstatohen probleme, nevojitet pak gjimnastikë seksuale për
të
tonifikuar muskujt e vaginës.

3. Pas lindjes vagina është më e gjerë

E gabuar

Vagina zgjerohet shumë gjatë lindjes. Është mëse normale dhe kjo është
arsyeja që në brendësi është e ndërtuar me pala, në mënyrë që të
zgjerohet
gjatë momentit të lindjes. Më pas vagina kthehet në formën normale.
Eshtë një organ elastik, i krijuar për t'u zgjeruar dhe ngushtuar.
Mjeku mund të
këshillojë ushtrime gjimnastikore për muskujt rreth vaginës, për t'i
ndihmuar të arrijnë formën e tyre natyrale. Në disa femra gjatë lindjes
muskujt e
vaginës janë të zgjeruar dhe nëse nuk trajtohen me stërvitje,
rrezikojnë që të shkaktojnë mospërmbajtje urinare. Për këtë është e
nevojshme
gjimnastika e muskujve për të rigjetur një jetë të pëlqyeshme seksuale
dhe për të evituar rrezikun nga mospërmbajtja urinare.

4. Një femër "shatërvan" quhet ajo që ka një lubrifikim shumë të fortë

E gabuar

Disa femra kanë një lubrifikim shumë të theksuar, por ky fakt nuk ka
asnjë lidhje me "gruan shatërvan". Kemi të bëjmë me një femër të tillë,
kur në
momentin e orgazmës një sasi e caktuar lëngu del me forcë nga uretra.
Kjo është arsyeja që shpesh flitet edhe për ejakulacion femëror. Në
fakt,
kontraktimet muskulare të orgazmës provokojnë nxjerrjen e lëngut
jashtë. Shumë femra kanë përshtypjen e urinimit, por nuk është aspak
kështu. Vetëm 10
% e femrave kanë provuar një orgazmë me ejakulacion. Nuk dihet akoma
nëse një fenomen i tillë është specifik vetëm për një pjesë të femrave
apo të
gjitha mund ta provojnë. Ejakulacioni femëror është gjithmonë i
shoqëruar me një kënaqësi shumë të fortë, një lloj superorgazme.

5. Viagra stimulon dëshirën

E gabuar

Viagra, e përdorshme në rastet e shqetësimeve të ereksionit, nuk ka
aspak lidhje me dëshirën. Është vetëm një stimulues i ereksionit. Nëse
një
mashkull përjeton një dëshirë të fortë seksuale dhe merr viagra,
ereksionet e tij do të jenë më të mira. Por nëse nuk ka asnjë lloj
dëshire, viagra
nuk do të ketë asnjë efekt, ajo nuk rrit dëshirën seksuale. Shpesh
shumë meshkuj që nuk kanë një ereksion të pëlqyeshëm, pas marrjes së
viagrës
pohojnë se ndjejnë më shumë dëshirë. Por është frika e të mos qenit në
lartësinë e duhur, e cila zhduket me marrjen e viagrës dhe i lë vendin
dëshirës
që ekzistonte edhe më parë, por nuk guxonte të shprehej.

6. Një partner i mirë mund të bëjë seks disa herë radhazi

E gabuar

Fakti i të qenit ose jo një partner i mirë nuk ka lidhje me numrin e
herëve që një mashkull mund të ejakulojë gjatë një mbrëmjeje. Në fakt,
pjesa me
madhe e meshkujve që mund të bëjnë dashuri disa herë radhazi kanë
tendencën të ejakulojnë shumë shpejt (por jo të gjithë!). Meshkujt që
ejakulojnë
vetëm një herë arrijnë shumë më lehtë të zgjasin aktin seksual për
shumë kohë. Në fund të fundit, ajo që është e rëndësishme në një
marrëdhënie nuk
mund të matet: meshkujt, për të qenë më të sigurt, tentojnë të
llogarisin pak nga të gjitha, gjatësinë e penisit, për sa kohë arrijnë
të bëjnë seks pa
ejakuluar, numrin e herëve në të cilat mund të rifillojnë përsëri…
numrat janë të thjesht për t'u krahasuar, por kënaqësia nuk matet në
këtë mënyrë.
Një mashkull mund të jetë një partner i shkëlqyer, edhe pse ka një
penis të shkurtër, edhe pse nuk mundet të rifillojë disa herë radhazi
aktin
seksual. Si ia arrin të jetë i tillë? Thjesht është shumë i vëmendshëm
ndaj dëshirave të partneres.

7. Nëse do t'i them jo një pozicioni, nuk do të më dëshirojë më

E gabuar

Kur e dashuron dikë, është e rëndësishme të dëgjosh dëshirat e tij
seksuale dhe të përpiqesh ta kuptosh. Por të dëgjosh dhe të kuptosh,
nuk do të
thotë aspak që të thuash po për të gjitha. Eshtë normale që dy persona
të ndryshëm të mos kenë të njëjtat dëshira. Dhe është shumë e
rëndësishme të
respektosh këto diferenca. Atëherë, nëse nuk je gati për të plotësuar
një dëshirë të partnerit, e rëndësishme është të dish të thuash jo.
Idealja do
të ishte ta pyesje: Më shpjego se përse për ty është kaq e rëndësishme?
Dhe pastaj të thuash: E kuptoj, por unë nuk dëshiroj të njëjtën gjë. Të
pranosh një praktikë seksuale që nuk e dëshiron, do të thotë të dalësh
mbi veten tënde. Dhe pastaj të ndihesh keq. Partneri yt nuk do të të
respektojë, thjesht sepse ti vetë nuk respekton veten tënde. Dhe nuk
mund të duash një njeri që nuk të respekton. Duke thënë gjithmonë po
dhe
asnjëherë jo, rrezikon të shkatërrosh marrëdhënien.

8. Për të ndier kënaqësi duhet të jesh i dashuruar

E gabuar

Të bësh seks me njeriun që dashuron është gjëja më ideale. Por kjo nuk
do të thotë aspak që një akt seksual pa dashurinë në mes nuk mund të të
japë
kënaqësi. Sepse mungesa e dashurisë nuk ka të bëjë me mungesën e
tërheqjes fizike dhe as me të jetuarit e momentit. Edhe pa ndjenjat në
mes mund të
ekzistojnë ndjesi pozitive që lidhen me kënaqësinë seksuale. Në
përgjithësi mund të thuhet se një vajzë për të bërë seks ka shumë
nevojë për dashurinë
e një djali. Por me kalimin e viteve gjërat evolojnë dhe një mashkull
do të ketë më shumë nevojë për dashuri dhe për një seksualitet që ta
përmbushë,
ndërsa një femër do të dijë të çmojë gjithmonë e më shumë kënaqësinë
seksuale edhe pa ekzistencën e dashurisë. Edhe diçka tjetër: dashuria
mund ta
komplikojë kënaqësinë. Kur dashuron ke frikë se nuk i pëlqen tjetrit,
se mund të jesh i refuzuar dhe jo në lartësinë e duhur. Kur ndjesi të
tilla nuk
janë në lojë, kënaqësia arrihet shumë thjesht.

9. Të gjitha femrat janë multiorgazmike

E gabuar

Një femër multiorgazmike është ajo që mund të provojë orgazma të
ndryshme radhazi gjatë një raporti seksual, pa pauza! Disa specialistë
ngulmojnë se
mashkulli është monoorgazmik, që do të thotë se mund të ketë vetëm një
orgazmë, ndërsa femra është multiorgazmike nga natyra. Në realitet
vetëm 10% e
femrave pohojnë se mund të kenë orgazma të ndryshme njëherësh. Nuk
dihet akoma nëse të gjitha femrat kanë të tillë potencial, apo vetëm
disa prej
tyre. Por nuk duhet menduar që për të qenë një femër e vërtetë duhet
patjetër të kesh aftësinë e arritjeve të shumë orgazmave. Sepse 90 për
qind e
femrave nuk janë aspak të tilla.

10. Meshkujt nuk shtiren kurrë për një orgazmë

E gabuar

Thuhet shpesh që femrat shtiren se kanë arritur orgazmën, por shpesh
kjo vlen edhe për meshkujt. Vetëm 47 % e meshkujve pohojnë se kanë
arritur
orgazmën në çdo raport seksual. Shpesh herë edhe për ta jo të gjitha
gjërat shkojë perfekt. Përse bëjnë gjasme? Për t'i bërë qejfin
partneres, sepse
lodhen apo për t'u stimuluar paksa? Kur një mashkull shtiret se ka
kaluar në orgazmë, imiton disa rënkime, disa lëvizje, por vetëm për një
gjë nuk
mund të shtiret dot: se ka ejakuluar. Në fakt është e çuditshme, por e
vërtetë. Edhe pa ejakulim, disa femra nuk e kuptojnë se partneri është
duke u
shtirur. Megjithatë, duhet të thuhet se, edhe pse shumë meshkuj kanë
sajuar ndonjë orgazmë në jetën e tyre, nuk është një sjellje shumë e
praktikuar
nga ata.

11. Meshkujt janë gjithmonë gati për të bërë seks

E gabuar

Ideja shumë e përhapur në shoqërinë tonë është se meshkujt mendojnë
vetëm për seksin dhe janë gjithmonë të gatshëm për ta bërë sapo t'iu
jepet rasti.
Por kjo nuk është e vërtetë! Madje edhe meshkujt bezdisen nga ideja që
duhet të jenë gjithmonë të disponueshëm seksualisht. Nëse thonë jo,
ndjehen
keq, edhe partnerja e tyre po ashtu. Sigurisht, për një mashkull normal
seksi është i rëndësishëm, por në kushte të caktuara. Nuk është
gjithmonë i
gatshëm të bëjë dashuri në çdo vend, me çdo femër! Dhe sa më shumë
kalojnë vitet, meshkujt kanë nevojë për dashuri. Është e vërtetë që një
mashkull
mund të ketë periudha në të cilat provon shumë dëshirë, siç ka edhe
shumë periudha të tjera kur ndjehet më pak i disponueshëm seksualisht.
Dhe kjo e
fundit është me e shpeshtë nga ç'e mendojmë ne.

12. Kënaqësia seksuale zbehet në një çift me bashkëjetesë të gjatë

E gabuar

Kur në një çift komunikimi është i mirë, me kalimin e kohës edhe
kënaqësia seksuale tenton të rritet. Shumë çifte pohojnë se me kalimin
e kohës jeta e
tyre seksuale bëhet më intensive. Duket se ajo që ndryshon është lloji
i dëshirës. Për të pasur një jetë të kënaqshme dhe të pasur seksuale
edhe me
kalimin e viteve, është e nevojshme të mësosh të shkosh drejt tjetrit
më dëshrë dhe jo ta lësh veten thjesht në duart e një dëshire hormonale
të
momentiit. Kërkohet një vullnet i mirë për shkëmbim. Kjo lejon njohjen
më të mirë të dëshirave të partnerit, për t'u realizuar në çift dhe për
të
evituar keqkuptimet. Dëshira seksuale në një çift nuk zbehet kur kalon
vrulli i fillimit. Duhet ta kultivosh dhe mbi të gjitha ta meritosh
këtë
dëshirë.

13. Femrat kanë më pak dëshirë seksuale se meshkujt

E gabuar

Femrat kanë dëshirë seksuale të ndryshme nga ajo e meshkujve, por jo më
të vogël. Vetëm se është më pak e dukshme se ajo e mashkullit, më pak e
rënshme në sy. Një mashkull që sheh partneren e tij, që i duket e
bukur, e dëshiron. Kurse dëshira tek një femër stimulohet më shumë nga
fjalët që
dëgjon prej tij. Pikërisht ky është problemi: në përgjithësi meshkujt
flasin pak, dhe aq më pak për dashuri dhe për dëshirë. Si rrjedhojë,
dëshira e
një femre mund të "fyhet". Nëse një mashkull di se si t'i flasë një
femre, do të ndezë dëshirën e saj edhe me kalimin e shumë viteve.

14. Seksi është gjëja më e rëndësishme në çift

E gabuar

Seksualiteti është i nevojshëm, i shëndetshëm dhe pozitiv për një çift.
Por nuk përfaqëson esencialen. Seksi është një mënyrë për të
komunikuar, siç
është fjala, veprimet, shkrimi… seksualiteti është një mënyrë shumë e
privilegjuar për të shprehur ndjenjat dhe nevojën për të qenë pranë
dikujt.
Është një instrument shkëmbimi.

Shpesh seksualiteti është pasqyra e shëndetit të një çifti. Kur çifti
nuk shkon mirë, edhe marrëdhëniet seksuale janë të pakënaqshme dhe
anasjalltas.
Dy partnerë mund të ndjehen shumë të afërt me njëri-tjetrin, edhe nëse
marrëdhëniet seksuale janë të vështira.

15. Ritmi normal i raporteve seksuale është tri herë në javë

E gabuar

Nuk ekziston asnjë rregull në botë. Mund të flitet në përgjithësi, por
absolutisht nuk është e njëjta gjë. Mesatarja, sipas deklarimeve të
ndryshme
(të vërteta ose të gabuara), është 3 raporte seksuale në javë. Por disa
çifte bëjnë dashuri çdo ditë, dhe disa të tjera një herë në javë ose
edhe një
herë në muaj. Asnjë çift nuk mund të quhet normal apo anormal në këtë
rast. Ajo që i pëlqen një çifit, nuk i pëlqen një tjetri. E rëndësishme
është që
secili nga partnerët të ndjehet i kënaqur. Është normale që një çift të
ketë periudha shumë intensive seksuale, ashtu siç mund të ketë periudha
më të
qeta. Ashtu siç është normale që një lidhje të zgjasë për shumë vjet.
Pastaj, frekuenca e raporteve seksuale është thjesht një numër. Dhe nuk
tregon
cilësinë e një raporti seksual. Për një çift mund të jetë më mirë të
bëjë dashuri një herë në 15 ditë, sesa çdo ditë vetëm për disa minuta.
Kjo varet
nga shijet e gjithësecilit.

Revista Jeta

Keshtu eshte Jeta e Seksi per mendimi tim sa here qe ka nevoje ju duhet te boni seski me deshiree tyre per mendimi tim personale
tung nga Qendrmi Bossi

meshkujt vetem tek seksi e kane mendjen dhe kjo as qe diskutohet !

alexandra shkruajti:meshkujt vetem tek seksi e kane mendjen dhe kjo as qe diskutohet !

po pse o alexandra ku duhet ta kemi???

alexandra shkruajti:meshkujt vetem tek seksi e kane mendjen dhe kjo as qe diskutohet !

nuk esht e vertet.... EDHE TE SPORTI