Biznesi Balliu-Delijorgji, QKR: Po e ndryshuam emrin Balliu.

• Qendra Kombëtare e Regjistrimit të Bizneseve pranon se vajza e Balliut, ia dhuroi Kristo Delijorgjit, veprim i cili u krye më 8 Prill, pas publikimit të skandalit në media.

TIRANË- Qendra Kombëtare e Regjistrimit të Bizneseve ka pranuar sot një pjesë të skandalit mbi fshirjen e emrit të vajzes se Fahri Balliut si bashkaksionere e kompanisë “Trans digging constructions”. Fahri Balliu është një prej njerëzve më të afërt të Berishës prej të cilit kryeministri merr këshilla. Por, Drejtori i Qendrës Kombëtare të Regjistrimit, Tomi Kola, i quajti spekullime lajmet e publikuara në media përsa i përket rolit të QKR-së në çështjen e dosjes së shoqërisë "Trans Digging Construction".
Qëndra Kombëtare e Regjistrimit të Bizneseve ka konfirmuar sot zyrtarisht se Henris Balliu nuk eshte me aksionere e kesaj kompanie, pasi aksionet ia dhuroi Kristo Delijorgjit, veprim i cili u krye pikërisht më 8 Prill, pas publikimit të skandalit në media.

Sipas kreut të këtij institucioni, Kola në daten 8 Prill 2009 u paraqit pranë sportelit të QKR personi i autorizuar nga administratorja e kompanisë në fjalë dhe aplikoi për dhurimin e kuotave të aksioneres Henris Balliu në favor të z. Kristo Delijorgji.
"Pasi u shqyrtua rregullsia e dokumentacionit ky aplikim u miratua nga QKR, duke realizuar në këtë mënyrë vullnetin e lirë të aksioneres Henris Balliu. Ky veprim i miratuar në QKR solli për pasojë ndryshimin e listës së ortakëve të shoqërisë "Trans Digging Construction" në regjistrin tregtar", tha Kola, duke sqaruar se në ekstraktin e gjendjes aktuale të shoqërisë nuk figuron më emri i aksioneres Henris Balliu.

Drejtori i QKR-së i konsideroi gjithashtu të pavërteta akuzat për mosbashkëpunim institucional me Prokurorinë e Përgjithshme për dosjet e shoqërive në pronësi të z. Mihal Delijorgji.
QKR, vijoi ai, ka vënë në dispozicion të Prokurorisë së Përgjithshme gjithçka ka poseduar për personin në fjalë si për rastin kur është kërkuar informacion nga regjistri tregtar dhe për rastet kur është kërkuar sekuestrim i dosjeve.

"QKR për të ndihmuar Prokurorinë e Përgjithshme i ka kthyer përgjigje kësaj të fundit në një periudhe kohe jo më shumë se gjashtë ditë kalendarike, pavarësisht se obligimi ligjor parashikon dyzetë ditë për kthim zyrtar të përgjigjeve. Kjo vërtetohet nga korrespondenca e QKR-së me Prokurorinë e Përgjithshme, e cila është e protokolluar në institucionin tonë", përfundoi Kola.

Por, Drejtori i Qendrës Kombëtare të Regjistrimit, Tomi Kola, i quajti spekullime lajmet e publikuara në media përsa i përket rolit të QKR-së në çështjen e dosjes së shoqërisë "Trans Digging Construction".
"QKR funksionon në bazë të sistemit elektronik, i konfiguruar në formë të tillë që çdo veprim pasqyrohet dhe ruhet me besnikëri dhe saktësi në memorien elektronike të regjistrimit të të gjitha veprimeve që kryhen në sportelet tona", nënvizoi Kola.

Sipas tij, sistemi elektronik i QKR-së nuk mund të manipulohet nga njeriu dhe si pasojë e kësaj filozofie çdo dosje biznesi nuk mund të ndryshohet, fshihet, shtohet apo të pakësohen të dhënat.
Skandali i biznesit mes një prej njerëzve të kryeministrit dhe Mihal Delijorgjit administratorit të fabrikës famëkeqe të armëve që mori jetën e dhjetra njerëzve ne Gërdec u zbulua nga Gazeta Shqiptare. Gazeta zbuloi se Delijorgji i pandehur për cështjen e Gërdecit ka ende biznese ku ka bashkëpunuar me njerëz të ngushtë të kryeministrit. Vete zoti Fahri, butiesi i se djathtes, "55" pohoi se ka aksione me Delijorgjin, por jo personalisht ai, por vajza e tij, sot 23 vjecare.

(balkanweb)