Ndërtimi i Çentralit Bërthomor,Berisha mohon deklaratat...

• Kryeministri Berisha mohoi ngritjen e centralit nuklear në Shkodër, në konferencën e djeshme për shtyp. Madje Berisha hodhi akuza në drejtim të liderit të PS Rama se ishte ky i fundit që bënte aludime.

TIRANE- Një ditë më parë pas kthimit të tij nga Kina, kryeministri i vendit Sali Berisha, mohoi faktin se në Shkodër do të ndërtohet një central bërthamor në bashkëpunim me qeverinë kroate. Madje Berisha sulmoi kryesocialistin Edi Rama, se ishte ai që po manipulonte me një çështje të tillë duke dërguar shrkime të porositura në një media të shkruar kroate.

Ja se si shprehet vetë Berisha në prononcimet e tij të ndryshme në data të ndryshme lidhur me ndërtimin e centralit bërthamor:
“Çfarë kryetarë opozite është ai që krijon trillime dhe i paraqet ato si alternativa dhe shkon në Shkodër e thotë nuk do lejojë ndëertimin, të kujt? Botoi artikullin në Kroaci, më thanë miqt e mi kroat se ka ardhur nga Tirana artikulli dhe shkon në Shkodër e u thotë që nuk do ndërtohet central, po ne edhe fushatën e hoqëm vetëm për të mbrotjur ekosistemin e Shkodrës, tani do ta transferojë në Sarandë centalin”- u shpreh Berisha ditën e djeshme në një konferencë për mediat.

E ndërsa kryeministri vendosi dje të mohonte deklaratat e bëra për ngritjen e një centrali bërthamorë në Shqipëri, nga ana tjetër janë të shumta deklaratat pro një centrali të tillë, të bëra në prani edhe të titullarëve të lartë të shteteve të tjera mes tyre dhe ajo e bërë në Kroaci gjatë vizitës së tij të fundit në shkurt të këtij viti.

Data 26/01/2008- Forumi i DAVOSIT
“Shpreha vendimin tim të prerë se rruga më eficente për të ulur emetimin e CO2 është zhvillimi i pandërprerë i energjisë nukleare, si energjia më e pastër më e sigurtë më konstante”- tha Berisha.

Data 08/06/2008- Forumi i VIENËS
“Jam i bindur dhe kjo mbetet një bindja ime e thellë, që nuk duhet të përjashtojmë shqiptarët që të përfitojnë nga ky burim i shkëlqyer që është burimi bërthamorë i energjisë”- u shpreh kryeministri Berisha.

Data 15/09/2008- Konferencë me FININ
“Me Finin dhe më parë me kryeministrin Berluskoni kam diskutuar mbi mundësinë e bashkëpunimit për ndërtimin e centralit nuklearë në Shqipëri. Përveç disa incidenteve të fundit antiglobale, i thashë Finit janë varianti i fundit i marksizëm-lelinizmit”- tha Berisha

Data 04/12/2008- Konferencë me BERLUSKONIN
“në vizionin tim Shqipëria do të bëhet një superfuqi energjetike në Ballkan. Kemi më shumë se 20 miliard kilovator energji që nuk janë shfrytëzuar ende, kemi një potencial shumë të fuqishëm të energjisë me erë. Kemi dhënë lejen për prodhimin e 1000 megavat të energjisë që prodhohet nga era. Ekzistojnë kapacitete për prodhimin e 4000 megavatëve të tjerë. Jemi të vendosur që të veprojmë me energjinë bërthamore dhe unë shikoj tek Italia partnerin e parë me të cilin duhet të bashkëpunojmë në këtë sektor”- u shpreh kreu u ekzekutivit Berisha gjatë konferencës për shtyp me kryeministrin Italian Berluskoni.

Data 10/02/2009- Takimi në KROACI
“ne vendosëm me kryeministrin të punojmë sëbashku, do të bisedojmë dhe me mikun tonë Silvio Berluskoni. Një central nuklearë i përbashkët është një avantazh shumë i madh”- ka thënë kryeministri i vendit Berisha në vizitën e tij në Kroaci.

Ndërkaq lajmi për ndërtimin e një centrali bërthamor në Shkodër është kundërshtuar me forcë nga qytetarët shkodranë të cilët gjatë këtyre ditëve vendosen postera në mure të shumta, ku i thonë jo një projekti të tillë.