Bien shitjet e Mikrosoftit,kompania Apple shton shitjet..

Analistët thonë se për shkak të krizës ekonomike globale, përdoruesit e kompjuterave dhe biznesi po shpenzojnë më pak në fushën e teknologjisë.

LONDER- Gjigandi amerikan i prodhimit të programeve të kompjuterave, Mikrosoft, njoftoi rënien e parë të shitjeve që prej 23 vjetësh.
Në tremujorin e parë të këtij viti, shitja e produkteve të Mikrosoftit ra 6% në krahasim me një vit më parë. Edhe fitimi i kësaj kompanie për këtë periudhë ra më shumë se 30%.

Analistët thonë se për shkak të krizës ekonomike globale, përdoruesit e kompjuterave dhe biznesi po shpenzojnë më pak në fushën e teknologjisë.
Mirëpo, të enjten rivali kryesor i Mikrosoftit, kompania Apple, njoftoi se volumi i shitjes së produkteve të saj ishte rritur, pavarësisht nga kriza. Apple po dominon gjithnjë e më shumë tregun e telefonisë celulare.
Kjo kompania shiti 3.79 milionë telefona celularë 'iphone' në tremujorin e parë, 123% më shumë se në të njëjtën periudhë të vitit të kaluar.

Kompania Apple njoftoi se sapo ka shitur komponentin e një miliardtë të programeve të saj të softit për këta celularë apo për pajisjen e ipodit.
Në kontrast Mikrosofti i nxjerr fitimet kryesore nga shitja e sistemit Windows apo e softit që përdoret nga biznesi, siç është programi Office.
Prania e kësaj kompanie në tregun e telefonisë celulare nuk është aq e fortë sa e rivalit të saj Apple. Analistët thonë se Mikrosofti po humbet gjithnjë e më shumë terren në këtë treg.

Ekspertët thonë se pavarësisht nga kohërat e vështira, konsumatorët duken të gatshëm për të shpenzuar para për të blerë produktetet e Apple-it, iphone apo ipod, sepse ato konsiderohen si produkte që ata duhet t'i kenë patjetër.

balkanweb