Berisha:Do aplikojmë për në BE.Kam konsensusin e shqiptarëve

Më 28 prill 2009 kryeministri shqiptar Sali Berisha do të udhëtojë drejt Pragës për të paraqitur zyrtarisht kërkesën e Shqipërisë për statusin e vendit anëtar në BE. Berisha nënvizon: “Jam konsultuar gjerësisht me kryesinë e BE-së.

TIRANE- Kryeministri shqiptar Sali Berisha zyrtarizon: Më 28 prill 2009 Shqipëria do të udhëtojë drejt Pragës për të paraqitur zyrtarisht kërkesën për aplikimin për statusin e anëtares në Bashkimin Europian. Në orën 13.47 minuta kryeministri Berisha nga tavolina ovale e kryeministrisë, direkt për median deklaroi, se ftesa e Shqipërisë për të paraqitur zyrtarisht kërkesën për të aplikuar për statusin e BE-së është bërë nga vetë kryeministri i Cekisë, vendi i cili ka dhe kryesimin e BE-së.

Kryeministri Berisha e cilësoi si moment historik për Shqipërinë dhe nënvizoi:
“Ky është moment i një rëndësie përcaktuese në procesin e anëtarësimit të plotë në BE. Vendimi nuk është njëanshëm, por vjen i bashkërenduar me vendin kryesues të kryesisë së radhës së Bashkimit Europian dhe në bashkërendim me vendet anëtare të BE-së të cilat mbështesin këtë akt e këtë vendim”.

Kryeministri Berisha e cilësoi si moment historik për Shqipërinë dhe nënvizoi: “Ky është moment i një rëndësie përcaktuese në procesin e anëtarësimit të plotë në BE. Vendimi nuk është njëanshëm, por vjen i bashkërenduar me vendin kryesues të kryesisë së radhës së Bashkimit Europian dhe në bashkërendim me vendet anëtare të BE-së të cilat mbështesin këtë akt e këtë vendim”.

“Vendimi për të paraqitur më 28 prill, në Pragë, kërkesën e Shqipërisë për statusin e kandidatut është një vendim gjerësisht i konsultuar sikundër dhe kishim deklaruar më parë Gjatë këtyre muajve janë zhvilluar negociata me kancerelitë e vendeve anëtare.
Ne paraqesim kërkesën pasi kemi plotësuar me seriozitetin më të madh kërkesat dhe detyrime që vijnë nga Marrëveshja Internim. Paraqesim kërkesën pasi të gjitha vendet anëtare të BE-së ratifikuan në parlamentet e tyre Marrëveshjen e Asociim Stabilizimit mes Shqipërisë e BE-së” theksoi më tej kreu i qeverisë shqiptare.

Zoti Berisha shtoi se vendimi ka konsensusin më të gjerë se cdo vendim tjetër i marrë nga qeveria dhe se rruga do të jetë e pandalshme.
“Ky do të jetë një proces i pandalshëm pasi e mbështesin 96 % e shqiptarëve, c’ka përbën një forcë, një motiv të pashtershëm të reformave të vazhdueshme për të arritur kriteret, standardet dhe normat e BE-së”.
Gjatë fjalës së tij kreu i qeverisë njëkohësisht dhe kryetar i mazhorancës tha se kishte mbjatur premtimin që i kishte dhënë shqiptarëve për realizimin e reformave, celësi për të mbërritur në këtë ditë, ndërsa akuzoi qeverinë e mëparshme socialiste se kishte lënë reformat vetëm në letër
“Mbajtëm premtimin që i kishim dhënë shqiptarëve se do të realizojmë reformat dhe falë reformave Shqipëria u anëtarësua në NATO.

Në një hark kohor më të shpejtë se për të gjitha vendet e tjera të rajonit, vendet anëtare të BE-së rafitikuan pa asnjë vështirësi, MSA-në . Reformat bënë të mundur që në një hark kohor të shkurtër Shqipëria të ftohet për të paraqitur kërkesën prë statusin e kandidates për në BE. Ne vonuam 7 vjet për të paraqitur kërkesën jo sepse ishte një fobi ndaj shqiptarëve, por sepse reformat mbeteshin në letër, ndërsa nga 12 shtatori i 2006 në janar të 2009 reformat u intensifikuan dhe morën vlerësimet më pozitive” .

Zoti Berisha më tej shprehu mirënjohje të thellë për Komisionin Europian, dhe të gjitha vendet anëtare për “solidaritetin- sic tha ai që- kanë dëshmuar” si dhe falënderoi të gjithë administratën që “gjatë këtyre 4 viteve iu përgjigjën me përkushtim kërkesës së vendit për reforma dhe i zbatuan ato me seriozitet dhe shpejtësi”.
Në fund kryeministri firmosi publikisht kërkesën për të aplikuar për statusin e kandidates në BE.

Komisioni Evropian i jep pesë kushte Shqipërisë për të fituar liberalizimin e vizave. Numri dy i Komisionit Evropian, Zhak Barrot, gjatë takimit me Kryeministrin Sali Berisha theksoi se pesë kushtet që duhet të plotësojë Shqipëria janë lufta kundër krimit të organizuar, lufta kundër korrupsionit, lufta kundër emigracionit klandestin, sistemi gjyqësor dhe sistemi i mirë i sigurisë që lidhet me kartat e identitetit dhe pasaportat biometrike. “E dimë që shqiptarët dëshirojnë që gradualisht të arrijnë lëvizjen e lirë. Nuk mund të them se kur do të ndodhë kjo, por kjo varet nga Shqipëria”, tha Barrot. Zyrtari i lartë evropian ka vlerësuar se Shqipëria ka bërë progrese në këtë drejtim, por ka nënvizuar se ka ende punë për t‘u bërë.
Numri dy i KE-së i ka lejuar vetes t‘u bëj thirrje qytetarëve shqiptarë për të aplikuar për kartat e identitetit.
Ai është shprehur se, integrimi i Shqipërisë në BE është diçka e pashmangshme dhe ka vlerësuar si diçka të rëndësishme aplikimin për statusin e vendit kandidat. Nga ana tjetër, Kryeministri Berisha, nga ana e tij ka dhënë garancinë për plotësimin e këtyre kritereve, duke e vënë theksin në veçanti te pasaportat biometrike. “Shqiptarët dëshirojnë të lëvizin të lirë”, tha Berisha. Kryeministri Sali Berisha së bashku me zv/presidentin e Komisionit Evropian, Zhak Barrot, kanë qenë të pranishëm në ambientet e Drejtorisë së Policisë, ku kanë ndjekur nga afër procesin e shpërndarjes së pasaportave të para biometrike. Barrot e ka cilësuar shpërndarjen e pasaportave dhe kartave, si një kusht të domosdoshëm për qarkullimin e lirë të njerëzve. Gjatë ditës së djeshme, Berisha dhe Barrot i kanë dorëzuar një qytetareje shqiptare edhe pasaportën e parë biometrike. Kryeministri ka theksuar se vëmendje po i kushtohet dhe do t‘u kushtohet edhe reformave, pavarësisë së gjyqësorit dhe luftës kundër krimit të organizuar. Kreu i qeverisë premtoi se qeveria nuk do të ketë asnjë ndikim te gjyqësori për trajtimin e çështjeve që kanë si të pandehur pushtetarët. “Nuk do ketë asnjë ndikim ndaj cilitdo zyrtar që shkel ligjin, apo që tenton të pasurohet duke përdorur në mënyrë të paligjshme pushtetin”, tha Berisha. Lidhur me raportin që pritet që KE të dorëzojë për Shqipërinë dhe liberalizimin e vizave, Barrot theksoi se “Raporti ende nuk ka përfunduar. Madje mund t‘u them se edhe vizita ime do të sjellë elemente të reja informative në këtë raport. Nga ana tjetër, dua t‘ju them se ky raport do të debatohet në mënyrë shumë publike”. Për sa i takon Shqipërisë, numri dy i KE-së bëri me dije se “po zbuloj një vend shumë të bukur që nuk e njihja, por që më dha dëshirën të rikthehem sërish”. Lidhur me këtë koment, Kryeministri Berisha reagoi duke thënë se “Sindroma shqiptare është se kur e vizitoni një herë vendin tonë, ju bini në dashuri me të”. Më pas, zv/presidenti Barrot është takuar dhe me ministrin e Jashtëm, Lulëzim Basha, me të cilin ka biseduar për integrimin e Shqipërisë në BE, liberalizimin e vizave, pajisjen e qytetarëve shqiptarë me pasaporta biometrike dhe karta identiteti.