Qeveria deklarata kontradiktore për çentralin Berthamor..

• Qeveria vazhdon të publikojë deklarata kontradiktore në lidhje me mundësinë e ndërtimit të një centrali bërthamor në Shqipëri. Pak ditë pasi kryeministri Berisha mohoi një projekt të tillë, ministri i energjetikës, Genc Ruli theksoi sot se ndërtimi i centralit bërthamor është një vendim i pjekur i qeverisë që ka mbështetjen edhe të vendeve fqinje.

TIRANE- Deklarata kontradiktore të qeverisë në lidhje me ndërtimin e një centrali bërthamor në vend. Ndërsa Berisha mohon një projekt të tillë, ministri i ekonomisë Genc Ruli deklaron se centrali është një vendim i pjekur që ka mbështetjen edhe të vendeve fqinjë.

Deklarata e ministrit u bë gjatë zhvillimit të punimeve të forumit “Shqipëria fuqi energjitike” në kryeqytet.
Ruli theksoi gjatë fjalës së tij se qeveria mbetet e vendosur të zbatojë projektin e ndërtimit të centralit bërthamor, duke thënë se ky project gëzon mbështetjen e plotë të vendeve fqinjë.

“Vendimi marrë nga qeveria jonë nuk ka përbrenda doza naiviteti, sepse merr parasysh që të realizosh një vepër të prodhimit bërthamor do të duhet një kohë mjaft e gjatë dhe një investim dhe përgatitje paraprake e të gjithë strukturave tona, prej disa vitesh në këtë drejtim , ka filluar të përkrahet dhe të mbështetet nga mjaft qeveri të vendeve fqinje” tha Ruli.

Ndërkohë, Kryeministri Berisha mohoi disa ditë më parë, faktin se se në Shkodër do të ndërtohet një central bërthamor në bashkëpunim me qeverinë kroate. Madje Berisha sulmoi kryesocialistin Edi Rama, se ishte ai që po manipulonte me një çështje të tillë duke dërguar shkrime të porositura në një media të shkruar kroate.

“Çfarë kryetarë opozite është ai që krijon trillime dhe i paraqet ato si alternativa dhe shkon në Shkodër e thotë nuk do lejojë ndëertimin, të kujt? Botoi artikullin në Kroaci, më thanë miqt e mi kroat se ka ardhur nga Tirana artikulli dhe shkon në Shkodër e u thotë që nuk do ndërtohet central, po ne edhe fushatën e hoqëm vetëm për të mbrotjur ekosistemin e Shkodrës, tani do ta transferojë në Sarandë centalin”- u shpreh Berisha, një ditë pasi u kthye nga vizita e tij në Kinë.