Chrysler-i kapet mbas Fiatit.

Presidenti Obama njoftoi se kompania amerikane e prodhimit të automobilëve, Chrysler, do të paraqesë dokumentacionin e falimentimit dhe do të hyjë në partneritet me kompaninë italiane, Fiat, në një përpjekje për të mbijetuar.

Ai tha se ky proces do të jetë i shpejtë dhe i efektshëm dhe se objektivi ishte që Chrysler-i, njëra nga tri kompanitë më të mëdha të automobilëve në Amerikë, të rikthehej në rrugën e suksesit.

Presidenti Obama tha se e ardhmja e kësaj kompanie ishte vënë në dyshim nga disa prej kreditorëve të saj, të cilët kanë kërkuar një marrëveshje më të mirë.

Deklarimi i falimentimit nuk do të thotë që Chrysler-i do të mbyllet si kompani.

Ky hap shërben për ta mbrojtur atë nga kreditorët gjatë kohës së ristrukturimit.