Vritet me armë zjarri deputeti i PS, Fatmir Xhindi

• Eshtë vrarë me armë zjarri pranë banesës së tij, deputeti i Partisë Socialiste, Fatmir Xhindi. Ngjarja ka ndodhur pranë qendrës së Roskovecit pak kilometra larg shtëpisë së deputetit. Automjeti me të cilën udhëtonte i vetëm është qëlluar me breshëri automatiku. Kreu i PS, Edi Rama dhe një grup deputetësh socialistë janë nisur drejt Roskovecit. Brace: "Përjashtoj konfliktin personal, Xhindi nuk kishte probleme".Berisha: "Do marrim masat për kapjen e autorëve"


Ora:01:47- Ahmet Prenci: Nuk kemi patur informacione për konflikt, po verifikojmë cdo rrethanë
Drejtori i policisë së shtetit bëri të ditur se në vendngjarje ndodhen spoecialsitët më të mirë për të mbledhur materialet e nevojshme, ndërkohë që ende nuk ka një pistë konkrete. I kontaktuar në telefon nga “News24”, Prenci bëri të ditur se po pyeten të gjithë dëshmitarët dhe po grumbullohet i gjithë informacioni i nevojshëm për të vazhduar më tej punën në dobi të zbardhjes së ngjarjes.
“Është herët për të zbardhur rrethanat, por në momentin e duhur do ti bëjmë publike. Nuk kemi patur informacione për konflikt, tani po bëjmë cfarë është e mundur për të varifikuar cdo rrethanë” deklaroi drejtori i policisë, Ahmet Prenci.

Ora: 1:18- Rama: Është një humbje për komunitetin, komentet janë të tepërta
Në një lidhje telefonike për televizionin “News24” kreu i PS-së Edi Rama, i cili ndodhet në Rroskovec e ka cilësuar këtë ngjarje si tepër të rëndë, që ka tronditur të gjithë vendin. Rama ka shprehur solidarizimin e tij me familjen Xhindi. Kreu socialist ka këkruar zbardhjen sa më parë të kësaj ngjarje.
“Ngjarja është një ngjarje që tronditi një vend të tërë, në këto kushte nuk është e lehtë, përkundrazi është shumë e vështirë për të gjithë këta njerëz, ashtu sikundër është e tmerrshme për familjen e cila ka humbur njeriun e saj, dhe e ka gjetur të vrarë pranë murit të shtëpisë” tha Rama.
Humbjen e Xhindit, Rama e ka cilësuar si humbje për të gjithë komunitetin që ai përfaqësonte ndaj i ka cikësuar të tepërta komentet rreth kësaj vrasje.
“Nuk është momenti, as vendi për tu shtyrë në komente të pavend, ne jemi ketu sëbashku me plot të tjerë, për ti qëndruar pranë familjes dhe për të lehtësuar sa do pak këtë gjendje shumë të rëndë. Shpresojmë që rrethanet e kësaj vrasjeje, që ka teonditur vendin, të zbardhen” theksoi kryesocialisti për “News24”.

Ora 01:09- Ndoka: Ngjarja të mos politizohet, duhet zbardhur që të shmangen acarimet
Lidhur me këtë ngjarje të rëndë ka reaguar edhe kreu i PDK-së, Nard Ndoka i cili ka thksuar se deputeti Xhindi ka qënë një njeri jo problematik , me mbështetje të fortë elektorale.
Është një ngjarje e rëndë, ishte një deputet që ka dhënë një kontribut në kuvend, jo problematik, një njeri me mbështetje elektroale pasi ka fituar tre herë radhazi në zonën e tij elektrorale.
Ndërkohë Ndoka e konsideroi ngjarjen si një goditje për vendin që do të ketë një impakt negativ, duke thënë se “edhe pse jemi në NATO, shqiptarët nuk janë të sigurtë në sytë e ndërkombëtarëve”.
Ndoka ka bërë thirrje të zbardhet ngjarja dhe të gjenden autorët, duke theksuar se ky është një proces i domosdoshëm për të mos krijuar acarime të tjera të kësaj situate.
“Policia duhet të zbradhë autorët, është e dosmodshnme madje sa me shpejt për të mos krijuar icnidente dhe acarime të kësaj situate. Kjo situatë nuk duhet të politizohet, edhe nga ana opozitës edhe pse humbja për atë është e madhe” tha Ndoka për News24.

Ora: 00:46- Berisha: Ngjarja një akt barbar, do të marrim të gjitha masat
Ka reaguar kryeministria pas varsjes së deputetit Fatmir Xhindi. Kryeministri Berisha e ka cilësuar ngjarjen si një akt barbar duke siguruar se do të merren të gjitha masat për kapjen e autorëve dhe zbardhjen e ngjarjes. Berisha ka dënuar ashpër krimin duke thënë se deputeti Xhindi është dalluar për përkushtim.
Kryeministri tha se autorët do të vendosen përpara drejtësisë dhe do të marrin dënimin e merituar, ndërkohë që u ka shprehur ngushëllimet e tij familjarëve të deputetit, Fatmir Xhindi.

Ora: 00:30- Rama: Humbje e madhe për PS, të zbardhet ngjarja
Lideri i Partisë Socialiste, i cili ndodhet në Rroskovec, ka dhënë një prononcim të shkurtër për shtyp, ku ka kërkuar zbardhjen e menjëhërshme të kësaj vrasje të rëndë. Rama e ka cilësuar vrasjen e Xhindit si një humbje të madhe për Partinë Socialiste, ashtu edhe për qytetin e Rroskovecit.
Ndërkohë mësohet se në vendgjarje ndodhet edhe kryetaria e kuvendit, Jozefina Topalli e cila pritet të japë një konferncë për shtyp lidhur me këtë ngjarje të rëndë.

Ora: 0014- Pritet deklaratë e Ministrisë së Brendshme
Mësohet se oficerë te lartë të policisë së shtetit, minitrisë së brendshme dhe prokurorë kanë zhvilluar një takim ku qënë i pranishëm dhe kreu i PS, Rama por nuk dihet se cfarë është diskutuar në këtë takim.
Pritet një deklaratë për shtyp nga zëdhënësi i Ministrisë së brendshme për këtë ngjarje. Aktualisht janë të pakta informacionet që posedon grupi i hetimit, rreth motiveve dhe shkaqeve që kanë shkatuar këtë ngjarje të rëndë.

Ora: 00:03-Leskaj: Të merren masa për zbardhjen e ngjarjes
E kontaktuar nga “News24” deputetja socialiste Valentina Leskaj ka ritheksuar edhe njëherë se deputeti Xhindi ishte një njeri tepër korrekt dhe me marëdhënie shumë të mira me të gjithë.
"Është deputet shumë korrekt, me marëdhënie shumë të mira me kolegët, me njerëzit, me zonën dhe një deputet shëmbullor. Për ne kjo është një tronditje e madhe dhe jemi të pikëlluar për këtë humbje” theksoi Leskaj.
Ndërkohë ajo i ka bërë thirrje autoriteteve përkatëse të marrin masa për zbardhjen e ngjarjes.

Ora: 23: 56- Topalli niset drejt Roskovecit
Sipas të dhënave të fundit, mësohet se drejt Roskovecit janë nisur edhe kryetaria e Kuvendit të Shqipërisë, Jozefina Topalli, e cila është e shoqëruar nga minsitri Fatos Beja.

Ora: 23: 53- Ruci-Koci: Nuk përjashtoj mundësinë e vrasjes politike
Deputeti Gramoz Ruci ka mohuar të ketë shoqëruar Xhindin në takimet e tij në Fier. Ruci pohoi për “News24” se ka zhvilluar takime në komunën e Libofshës dhe më pas është rikthyer në Tiranë.
Ndërkohë, ashtu si deputeti Brace edhe Ruci ka përjashtuar mundësinë e ndonjë konflikti personal të Xhindit duke theksuar se ai njihej si person jo konfliktual.
Ngjarje e rëndë e ndodhur në Rroskovec duket se ka cuar në shtimin e forcave të sigurisë në rrugët hyrëse dhe dalëse, që lidhin qytetin e Fierit me atë të Vlorës. Kështu janë ngritur postoblloqe të shumta policie të cilat po kryejnë kontrolle të automjeteve për të bërë të mundur identifikimin e ndonjë personi të përfshirë në këtë vrasje të rëndë.
“Nuk mund të përjashtoj se kjo mund të jetë vrasje politike, jam duke pritur informacionet përkatëse” tha Ruci.
Deputeti Petro Koci deklaroi se nuk përjashton mundësinë e një vrasjeje politike duke theksuar se edhe nëse nuk është kështu kjo do të këtë pasoja politike. Edhe Koci ka deklaruar se Xhindi ka qënë një njeri pa konflikte.

Ora: 23:40- Brace: Përjashtoj konfliktin personal, Xhindi nuk kishte probleme me askënd
Nënkryetari i grupit të Partisë Socialiste, Erion Braçe e ka dënuar vrasjen e deputetit Fatmir Xhindi.
“Është një ngjarje e rëndë, e cila është shumë e rëndë dhe për familjen Xhidni. Fatmir Xhidni ka qenë një person shumë i lidhur me vendin e tij dhe shumë popullor atje”- u shpreh Braçe në një lidhje telefonike për televizionin “News24”.
Brace ka theksuar se Xhindi ka qënë një person i qetë dhe ka përjashtuar cdo mundësi të ndonjë konflikti të mundshëm të tij.
“Eshtë shpejt për të folur për motivet e ngjarjes, por unë përjashtoj kategorikisht konflikte personale. Ai nuk ka patur probleme personale me askënd” u shpreh Brace.
Ndërkohë Brace ka akuzur qeverinë për mungesën e sigurisë në vend duke theksuar se në vendin tonë nuk ka siguri për jetën e qytetarëve dhe politikanëve.
“Në këtë vend nuk ka siguri, qeveria ka hequr dorë nga siguria. Duhet të ndodhin ngjarje të tilla që të kuptohet se në këtë vend nuk ka siguri për jetën, as për politikanët dhe me njeriun me më pak konflikte dhe me nder” tha Brace për News24.

Ora: 23:26- Policia jep versionin e parë paraprak
Sipas të dhënave paraprake mësohet se ky krim mund të jetë kryer më shumë se sa nga një autor. Mbi trupin e deputetit ka pasur një breshëri plumbash çka e kanë bërë atë të humbi jetën. Xhindi po kthehej nga një fushatë elektorale për të cilin ai po punonte në fshatrat e rrethit të Fierit. Xhindi në këtë fushatë ka qenë i shoqëruar nga një anëtar i selisë së PS, por ende nuk dihet se cili ka qënë. Xhindi po e kryente këtë fushatë për legjislaturën e tretë të Kuvendit të shqipëerisë.
Policia po mban kontakt me familjarët, po merren në pyetje edhe personat që e kanë shoqëruar ne mbrëmje. Pritet të analizohen të dhënat për të gjetur nëe shkak të kësaj ngjarjeje. Në drejtorinë e përgjithshme të policisë së shtetit është vënë në gjendje alarmi dhe janë thirrur të gjithë shefat e lartë të Departamentit të hetimit, për të bërë zbardhjen e kësaj ngjarje të rëndë.

Ora 23:09-Nisen drejt Roskovecit një grup deputetësh të PS
Ka reaguar menjëherë selia e Partisë Socialiste lidhur me këtë ngjarje të rëndë të deputetit të kësaj force politike. Mësohet se drejt Rroskovecit ku është qëlluar Xhindi janë nisur kreu i PS-së Edi Rama si dhe një grup deputetësh, të cilët janë Valentina Leskaj, kryetaria e grupit paralmentarë të PS, Emrelinda Meksi si dhe Ylli Bufi.
Kjo është vrasja e dytë në kuvend pas vrasjes se deputetit të PD Azem Hajdari. Mbetet ende një vrasje me shumë mistere.

Ora: 22:30- Vritet me armë deputeti Fatmir Xhindi
Një ngjarje e rëndë ka ndodhur në Roskovec, ku është qëlluar për vdekje një deputet i parlamentit. Mësohet se është vrarë me automatik pranë banesës së tij, deputeti i Partisë Socialiste, Fatmir Xhindi. Ngjarja ka ndodhur pranë qendrës së Roskovecit. Automjeti me të cilën udhëtonte i vetëm është qëlluar me armë zjarri të tipit kallashnikov.
Në vendin e ngjarjes kanë mbërritur të parët shërbimet e policisë lokale dhe drejtorët e drejtorisë së përgjithshmne të policisë, ndërkohë që mësohet se edhe kreu i Partisë Socialiste është nisur drejt Roskovecit.
Konfirmohet se janë duke u kontaktuar familjarët e të ndjerit për të mësuar nëse ka patur ndonjë kërcënim që mund të kishte deputeti kohët e fundit. Policia ka rrethuar vendin dhe po punon për identifikimin e autorit dhe kapjen e tij, mësohet se larguar menjëherë nga vendi i ngjarjes. Shtepia e deputetit është rrethuar nga forca të shumta policore.
Të dhënat momentale lidhur me vrasjen e deputetit të PS-së Fatmir Xhindi, janë ende kontaradiktore pasi ende po punohet nga grupi i ekspertëve për zbardhjn e saj. Bëhet e ditur se Xhindi ka qënë 6 metra larg shtëpisë. Shtëpia e Xhindit ndodhet në një rrugicë e cila është e errët ndaj edhe autorët kanëe shfrytëziuar këtë errësirë për të kryer vrasjen. Mendohet se personi i cili ka kryer krimin nuk ka qënë me makinë pasi rrugica është shumë e ngushtë.