Sulmohet filiali i një banke në Fushë- Krujë.

• Persona të paidentifikuar kanë goditur me sende të forta xhamat e filialit të një banke në Fushë-Krujë por nuk kanë mundur të depërtojnë brenda ambienteve të saj. Policia ka mbërritur në vendgjarje.

FUSHE-KRUJE- Thyhet filiali i një banke në Fushë-Krujë. Sipas drejtuesit të këtij filiali, ngjarja ka ndodhur orët e para të mëngjesit të sotëm teksa persona të paidentifikuar nuk kanë mundur të hyjnë në ambjentet e brendshme pas rënies së sinjalit.

Ata kanë mundur vetëm të godasin me sende të forta xhamat e filialit por pa mundur të depërtojnë brenda ambienteve të tij. Menjëherë pasi është njoftuar, policia ka mbërritur në vendgjarje nga ku është bërë kontrolli në bankë dhe ka rezultuar se nuk është arritur të merret asgjë.

Vjedhësit kanë mundur të largohen me shpejtësi nga vendgjarja pa mundur të identifikohen nga policia, e cila është vënë në ndjekje të tyre.