Gripi i derrit, asnjë rast me virusin H1N1 në Shqipëri.

• Ministria e Shëndetësisë konfirmoi sot se asnjë shtetas, shqiptar apo i huaj, që ka hyrë në vend nga aeroporti "Nënë Tereza", apo pika të tjera kufitare, nuk ka qenë i dyshuar për këtë virus nga punonjësit shëndetësore.

TIRANË -Në Shqipëri deri tani nuk ka asnjë të dyshuar me virusin H1N1, ose, siç njihet ndryshe, gripi i derrave.
Sipas Zyrës së Shtypit të Ministrisë së Shëndetësisë, të dhënat e fundit konfirmojnë sot se asnjë shtetas, shqiptar apo i huaj, që ka hyrë në vend nga aeroporti ndërkombëtar "Nënë Tereza", apo pika të tjera kufitare, nuk ka qenë i dyshuar për këtë virus nga punonjësit shëndetësore.

"Nga data 28 prill deri në datën 1 maj në aeroportin 'Nënë Tereza' kanë hyrë 6390 udhëtarë, nga të cilët 4257 shtetas shqiptarë dhe 2033 të huaj. Sipas të dhënave, 233shtetas kanë qënë amerikanë, 4 meksikanë që jetojnë në Itali nga dhjetori i vitit 2008, 60 kanadezë, 11 izraelitë, 56 austriakë, 133 gjermanë, si dhe 241 anglezë."

“Gjatë ditës së djeshme, janë dizinfektuar dhe avionët e dy kompanive shqiptare”, bën të ditur Zyra e Shtypit e MSH.
Ministria e Shëndetësisë ka shpërndarë materialet informative mbi virusin H1N1, simptomat, masat për parandalimin dhe këshillat përkatëse në Vlorë dhe Durrës. Ndërsa, materialet mbrojtëse dhe dizinfektantët janë shpërndarë tashmë në në 12 rrethe të vendit.

Mblidhet ne perfaqesine e Organizates Boterore te Shendetesise ne Tirane, Komiteti i Eksperteve, i cili po shqyrton situaten e krijuar pas renies se gripit te derrave, qe deri tani ka shenuar 26 viktima ne te gjithe boten, nga 991 raste te identifikuara.
Ministrja e Shendetesise, Anila Godo, njoftoi se deri tani nuk ka asnje rast te dyshuar ne Shqiperi me simptomat e ketij gripi.

Qeveria miratoi ngritjen e nje komiteti nderministror qe do te veproje nese virusi A/H1N1 do te hyje ne vendin tone.

Nga ana tjeter Organizata Boterore e Shendetesise u ka bere apel te gjithe shteteve te botes qe te mos ulin nivelin e gatishmerise dhe te vazhdojne me masat per mbrojtjen nga gripi i derrave.