Mustafaj tërhiqet nga gara për kreun e PD dhe politika.

• Besnik Mustafaj, një nga eskponentët e Partisë demokratike ndër vite deklaroi sot se do marrë pushime për 4 vjet në politike si dhe nga gara për kreun e PD-së, ku ai kishte deklaruar së fundmi se do të kandidonte.

TIRANE -Një nga eksponentët e Partisë Demokratike, Besnik Mustafaj ka deklaruar sot për mediat se tërhiqet nga gara për kreun e PD-së, për Tiranën dhe nga politika. “Tërhiqem nga kjo garë për arsye parimore. Nga ky moment unë do të tërhiqem dhe nga politika dhe do të vazhdojë projektet e mia, në përputhje me ato çka di të bëjë", u shpreh Mustafaj për mediat duke bere te ditur keshtu se emri i tij si kandidat për deputet nuk do të jetë në asnjë listë partish. Mustafaj akuzoi për një garë jo të ndershme brenda PD-së dhe se është shkelur statusi i partisë për zgjedhjen e kreut të degës së Tiranës.

”Bindja ime është lëkundur mjaft, por kam patur një shpresë të fundit se një normë, standard do të plotësohej, që ky moment historik për PD e Tiranës do të kishte tiparet e një gare. Tani mund të them me keqarhdje të thellë se nuk ka asnjë element të një gare. Për arsye parimore unë njoftoj se do të tërhiqen nga kjo garë”, tha ai lidhur me kandidimin e tij si kryetar i PD per degen e Tiranes.

Ish-ministri i jashtem ka rrëfyer se ndërsa ai e ka shpallur veten si kandidat për kryetarin e PD-së së degës së Tiranës, nuk ka marrë asnjë informacion për konferencën që pritet të mbahet të hënën ku pritet të zgjidhet kreu i ri. “ U informova vetëm para 5 minutash për konferencën”, tha Mustafaj sot për mediat. “Prisja një garë të ndershme për kreun e PD-së, që të mos shkelej statuti i partisë”, shtoi Mustafaj.

Pervec terheqjes nga gara, Mustafaj theksoi terheqjen e tij nga politika per nje periudhe te caktuar. Por sic shton ai kohezgjatja larg politikes nuk do te jete e perhershme, pasi sic shpreson ai do te luftoje nje fillim te ri per te si politikan.
”Unë tërhiqem edhe nga politika që nga ky moment, dhe do të vazhdoj të ndërtoj projektet e mia. Fjala 'kurrë' nuk është në projektet e mia, te cilat ju them qe nuk janë politike. Do rikthehem, ndoshta pas 4 vjetesh. Pas 2013-es unë do kem moshën që ka patur Berisha në vitin 1999, kur ne si PD lancuam lëvizjen “Një fillim të ri'", u shpreh Mustafaj.

Ish-ministri i Jashtëm i kabinetit Berisha u dorëhoq nga ky post në mars të vitit 1997. Pak muaj më parë, Mustafaj shprehu dëshirën e tij për të drejtuar degën më të madhe të partisë, atë të Tiranës, dëshirë e cila nuk pati mbështetjen e shefit të tij, kreut të PD-së, Sali Berisha.
Ndërkaq demokratët e Tiranës mblidhen të hënën për të zgjedhur kryetarin e tyre të ri. Kjo mbledhje ka shkaktuar një hamulli, pasi një pjese të anëtarësisë u është njoftuar, jo zyrtarisht, se kuvendi do të zhvillohet në Teatrin e Operas dhe Baletit dhe një pjese tjetër në Pallatin e Kongreseve. Së dyti, delegatët që janë zgjedhur nga mbledhjet e seksioneve nuk dinë se për cilët kandidatë do të votojnë, apo pesë kandidatët që njihen, të paktën mediatikisht, do të garojnë të gjithë bashkë. Kryesia e PD-së së Tiranës apo ajo e qendrës nuk ka përzgjedhur mes emrave që janë propozuar për postin e kryetarit të ri. Kjo e fundit bën përzgjedhjen e saj, duke pasur të drejtën të nxjerrë si kandidat zyrtar dhe një emër që mund të jetë propozuar më pak nga seksionet.

Pavarësisht se nuk janë bërë të ditur emrat e kandidatëve, nga statistikat e mbledhura nga seksionet për emrat më të propozuar për postin e kryetarit, sipas përkrahjes janë Gjergj Bojaxhi, Aldo Bumçi, Edi Paloka, Lajla Pernaska.