Krim në familje, dhëndri vret vjehrrin, më pas veten.

• Ngjarja e rëndë ka ndodhur sot në një familje në kryeqytet. Policia kur ka mbërritur në vendgjarje ka gjetur dy trupa pa jetë dhe dy të plagosur. Njeri nga te plagosurit ka qene nje kalimtar i rastit ne rruge. Të dhënat nga policia kanë zbuluar deri tani se autori i krimit dhe viktima kanë lidhje krushqie, dhëndër- vjehërr.

TIRANE-Një krim i rëndë brenda familjes ka ndodhur sot në Tiranë. Një person pasi ka vrarë vjehrrin ka drejtuar armën drejt vetes duke i dhënë fund jetës.

Ngjarja e rëndë ka ndodhur sot në një familje në kryeqytet që banon pas godinës së fakultetit të Mjekësisë. Nga të dhënat paraprake të policisë së Tiranës mësohet se një person emri i të cilit nuk bëhet i ditur ka qëlluar me armë anëtarët e familjes së Hazbi Gjonit duke lënë të vdekur një shtetas dhe plagosur dy të tjerë. Më pas autori i krimit ka drejtuar armën drejt vetes duke i dhënë fund jetës. Policia kur ka mbërritur në vendgjarje ka gjetur dy trupa pa jetë dhe dy të plagosur të cilët i ka transportuar menjëherë në urgjencën e QSUT që ndodhet shumë pranë vendit të ngjarjes.

Të dhënat nga i njëjti burim kanë zbuluar deri tani se bëhet fjalë se autori i krimit dhe viktima kanë lidhje krushqie, dhëndërr vjehërr. Debati duket se ka lindur në rrugë pranë banesës së Gjonajt. Dhëndrri pasi është grindur me vjehrrin, Hazbi Gjonaj e ka gjuajtur më armë duke e lënë të vdekur atë dhe plagosur vjehrrën, shtetasen Nadire Gjonaj. Ndërkaq nga të shtënat e armës është plagosur edhe një kalimtar që po kalonte rastësisht në rrugë, emri i të cilit ende nuk bëhet i ditur. Duket se autori i krimit nuk ka duruar dot krimin që ka kryer dhe mënjeherë ka drejtuar armën nga vetja duke i dhënë fund jetës së tij. Policia po vazhdon hetimet për zbardhjen e plotë të ngjarjes.