Seks para 150 veteve, arrestohet kosovari.

nga **Andi** 2009-08-02, 23:04

Për "intimitetin" e tyre kanë zgjedhur një nga pikat më të frekuentuara të plazhit të Lidos, në Venecia. Çifti "i zjarrtë", ku vajza ishte italiane, ndërsa partneri i saj një shqiptar nga Kosova, e kanë përfunduar mbrëmjen e tyre pasionante me një denoncim.

Ngjarja
Ngjarja ka ndodhur pikërisht në pikun e sezonit veror, në një plazh të Venecias. Sipas gazetës lokale italiane "Il Gazzettino", çifti ka kryer një marrëdhënie seksuale para syve të rreth 150 njerëzve që ishin ulur të hanin darkë në restorant, për me tepër ditën e shtunë në mbrëmje, në orarin e darkës, kur lokali ishte i mbushur plot. Mbrëmja pasionante e çiftit ka mbaruar me një denoncim, për kryerjen e akteve të turpshme në publik.

Denoncimi
Fillimisht, klientët e restorantit "Ai Murazzi", në rrugën Kirchmyer 16, kanë bërë sikur nuk i kanë parë, por më pas, me kalimin e minutave, skenat filluan të ishin shumë të qarta dhe shumë të forta. "Pamja ka qenë e tillë, që të dukej vetja sikur ishe ulur para ekranit të kinemasë dhe po shihje një film me pullë të kuqe", - dëshmuan disa klientë për gazetën. Duke qenë se kishte dhe shumë fëmijë dhe familje të tëra që darkonin jashtë, personeli i restorantit telefonoi policinë. Edhe kur agjentët e komisariatit të "San Markos" mbërritën në vendngjarje, çifti shqiptaro-italian ishte në një pozitë që linte shumë pak vend për interpretim. Fakti më interesant ishte se nuk bëhej fjalë për adoleshentë; si burri, po ashtu dhe gruaja ishin 35-vjeçarë. Ajo italiane, ai shqiptar i Kosovës. Agjentët e policisë i kanë lutur fillimisht të visheshin, dhe më pas u kanë kërkuar mjetet e identifikimit. Në atë pikë burri është xhindosur. Ai nuk kishte dokumente dhe sipas gazetës "Il Gazzettino", ai ka nisur të bërtasë e të bëjë rezistencë, madje ka qëlluar njërin nga policët, duke i shkaktuar një gërvishtje të lehtë në fytyrë. Kështu, krahas denoncimit për akte të turpshme në një vend publik, shqiptari është denoncuar dhe për rezistencë dhe dëmtime ndaj një agjenti zyrtar.

Policia
Polici ka marrë një dëmtim të lehtë dhe është mjekuar një ndërhyrjen e shpejtë të ish-spitalit në breg të detit, edhe pse duhet të qëndrojë në shtëpi për disa ditë. Çifti është shoqëruar më pas në postën e policisë, në rrugën Dardanelli. "Kemi qenë të detyruara të telefonim policinë, sepse të dy ishin tërësisht lakuriq dhe vepronin sikur nuk kishte asgjë te keqe, ndërkohë që në përpara tyre ndodheshin rreth 150 persona, fëmijë të përfshirë, që ishin duke ngrënë".