Tjetër skandal, 22 vjecarja nën zinxhirë prej 16 vjetësh.

KAVAJE- Tjetër rast shokues i shkeljes së të drejtave të njeriut në Shqipëri. Vetëm pak kilometra larg kryeqytetit një tjetër person me probleme mendore mbahet i lidhur me zinxhir në shtëpi.
Kësaj here bëhet fjalë për një vajzë 22 vjecare nga Kavaja, e cila sipas të atit ka lindur me probleme mendore, ndërkohë që mbahet e lidhur me zinxhir që në moshën 6 vjecare.

Babai Spiro Tani tregon se vajza është agresive dhe e rrezikshme për komunitetin, ndërkohë që sipas tij, është detyruar ta lidhë për të shmangur problemet. Vajza mbahet e lidhur me periudha të caktura, sidomos kur kalon kriza të rënda.
54 vjecari thotë se rasti i vajzës njihet nga bluzat e bardha të Kavajës, ndërkohë që sipas tij autoritetet nuk kanë bërë asnjë për vajzën përvec lidhjes së një pensioni prej 8 mijë lekësh ndihmë në muaj. Babai pretendon se lidhja me zinxhirë është një përpjekje e dëshpëruar në pamudësi për të vepruar ndyshe.

Vetëm pak ditë më parë, në media u publikuan pamjet shokuese të trajtimit të 2 motrave në Maqellarë të Dibrës, të cilat mbaheshin të lidhura me zinxhirë prej rreth 22 vitesh. Edhe në Fier u zbulua një djalë i komunitetit rom i cili ishte i detyruar të jetonte i lidhur në një kolibe. Menjëherë pas publikmimit në media, këta persona janë dërguar në spitalet e specializuara për trajtimin e sëmundjeve mendore.

PO DUHEN CUAR PARA GJYKATES BLUZAT E BARDHA QE KAN QEN NE DIJENI DHE NUK KAN BER GJE! E KU MOS TE BEHET AGRESIV PERSONI KUR MBAHET I LIDHUR QE I VOGEL... EDHE KAFSHA TERBOHET JO ME NJERIU.

DUAM TE FUTEMI DHE NE EUROP NE!!!!!