Shkëndija elektrike djeg kompleksin e hoteleve në Shëngjin.

Nja zjarri i rënë për shkaqe ende të dyshimta dogji për gjatë gjithë natës 2 hotele të një kompleksi në Shëngjin, fatmirësisht pa shkaktuar viktima. Zjarrfikëse nga Lezha e Tirana gjatë gjithë natës në vendngjarje. Policia dyshon se shkak ka qënë një shkëndije elektrike, ndërkohë që dëmi i llogaritur nga pronarët kap 2 milionë dollarë

SHENGJIN-Një zjarr i fuqishëm që ra gjatë natës në kompleksin “Inxheritor” në Shëngjin dogji plotësisht një prej hoteleve dhe shkaktoi dëme të mëdha materiale tek hoteli i dytë. Nuk raportohen viktima, por pronarët bëjnë me dije se dëmi ka qënë mbi 2 milionë dollarë, ndërsa dyshohet se zjarri ka qënë aksidental.

Zjarri ra rreth orës 21:30 minuta të mbrëmjes së djeshme dhe dogji deri në orët e mëngjesit kompleksin gjigand në Shëngjin, “Inxheritor” e "Curri". Kompleksi në pronësi të shtetasve Anxheli Fusha e Pashk Curri përbëhej nga dy kulla të njohura me emrin “Keo” që shërbenin si hotele. Zjarrfikëse nga Lezha e Tirana punuan gjatë gjithë natës në vendngjarje dhe mundën të lokalizojnë flakët pak para se të zbardhte dita e sotme. Zjarrfikësit u ndjenë të pafuqishëm para flakëve gjingande në një prej kullave pasi 2 bombola me nga 1 mijë litra gaz ndodheshin në godinë dhe shpërthyen me fuqi. Drejtori i zjarrfikëseve Dilaver Laci pohoi për TVNews24 se zjarrifikeset mberriten për 6 minuta në vendngjarje, por flakët ishin gjigande dhe shperthimi i bombolave vetem sa perkeqesoi situaten. Pashk Curri një prej pronarëve i tronditur konfirmoi për TVNews24 se dëmi i llogaritur nga djegia e kompleksit ka qënë rreth 2 milionë dollarë. Por sic shtoi ai “e rëndësishme është që nuk pati viktima”. Zjarri u lokalizua rreth ores 03:30 minuta te mengjesit te sotem.

Hetimet
Zjarri dogji menjëherë një prej kullave dhe zjarrfikëset mundën të shpëtonin një prej hoteleve, por dhe ai i djegur pjeserisht. Sasi e gazit prej 2 mijë litrash që ndodhej në 2 bombola ndihmoi në përshpejtimin e flakëve dhe përhapjen e tyre edhe në hotelin dytë. Policia i lokalizoi në mëngjes flakët. Por hetimet tani janë përqëndruar në shkaqet e rënies së zjarrit. Dyshimet e para janë për zjarr aksidental, për shkak të një shkëndije elektrike. “Ka patur probleme me energjinë elektrike, rreth orës 19:00 ka patur luhatje”, pohon pronari Curri. Por gjithsesi policia nuk përjashton edhe rastin e zjarrvënies së qëllimshme. Për këtë arsye janë marrë në pyetje 3 rojet e hotelit. Vazhdon puna për zbardhjen e plotë të rrethanave të rënies së zjarrit.
Rreziku

Zjarri mund të kishte qënë katastrofal. Kështu komentoi sot paradite kreu i zjarrikëseve të Lezhës, Zef Frani. "Bombolat me gaz që ndodheshin në hotel rrezikuan jetën e zjarrikësve, të cilët me shumë mundim vunë flakët nën kontroll. Por në rast të kundërt, nëse flakët do të kishin përparuar, në zonë do të ishte shkaktuar një katastrofë e vertetë natyrore qaë do të ksihte vënë në rrezik dhe jetë njërëzish", shprehet Frani.